• Gujarati News
  • International
  • 5 Things You Should Understand About The US Election, Including The Popular Vote And The Electoral College

US ઇલેક્શન ગાઇડ:પોપ્યુલર વોટ અને ઇલેક્ટોરલ કોલેજ સહિત અમેરિકાની ચૂંટણી સાથે જોડાયેલી 5 વાત, જે તમારે સમજવી જોઈએ

વોશિંગ્ટનએક વર્ષ પહેલા
  • કૉપી લિંક

અમેરિકામાં 3 નવેમ્બરે રાષ્ટ્રપતિ ચૂંટણી છે. ભારતીય સમયાનુસાર મંગળવારે રાતે ફાઈનલ વોટિંગ શરૂ થશે. રિપબ્લિકન પાર્ટીના ડોનાલ્ડ ટ્રમ્પ અને ડેમોક્રેટ પાર્ટીના જો બાઈડન મેદાનમાં છે. ટ્રમ્પ જીતશે કે બાઈડન બાજી મારશે એ તો સમય જ બતાવશે. જોકે વ્હાઈટ હાઉસ સુધી પહોંચવાની આ યાત્રામાં કેટલાક મહત્ત્વના પડાવ આવે છે. અહીં અમે તમને મહત્ત્વના પાંચ પડાવો વિશે જણાવવા જઈ રહ્યા છે.

પ્રાઇમરી
એને તમે અમેરિકાની રાષ્ટ્રપતિ ચૂંટણીનો પ્રથમ તબક્કો કહી શકો છો. સવિધાન આ બાબતે મૌન છે. પાર્ટીઓ અને રાજ્ય સરકારો એનું આયોજન કરે છે. એક રીતે જોઈએ તો આ પ્રક્રિયા ચૂંટણીનાં બે વર્ષ પહેલાંથી શરૂ થઈ જાય છે. નેતા પોતાની પાર્ટી તરફથી નોમિનેશન કરે છે. પછીથી ત્યાંના લોકો તેની પર મોહર લગાવે છે. કેટલાંક રાજ્યોમાં સિક્રેટ બેલેટથી કેન્ડિડેટ નક્કી થાય છે તો કેટલાકમાં ઓપન બેલેટથી. સિક્રેટ બેલેટમાં માત્ર મેમ્બર વોટિંગ કરે છે અને ઓપન બેલેટમાં લોકો સીધા વોટ નાખી શકે છે. આ લોકો પોતાનું એક ડેલિગેટ પસંદ કરે છે. આ ડેલિગેટ્સ પાર્ટી કન્વેન્શનમાં પ્રેસિડેન્ટ કેન્ડિડેટ નોમિનેટ કરે છે. પછી 44 રાજ્યમાં પ્રાઈમરી ઈલેક્શન થાય છે. 2016 પછી 10 રાજ્યો કોકસથી પ્રાઈમરીઝ પર શિફ્ટ થયા.

કોકસ
આ રાષ્ટ્રપતિપદના ઉમેદવાર પસંદ કરવાની જૂની પદ્ધતિ છે. એને આયોવા કોકસ પણ કહેવામાં આવે છે. હવે માત્ર 6 રાજ્યમાં એનો ઉપયોગ થાય છે. કોકસને ખૂબ જ સરળ ભાષામાં સમજો તો પ્રથમ ચીજ એ છે કે તેનું આયોજન સીધી પાર્ટીઓ કરે છે. રાજ્ય સરકારની કોઈ ભૂમિકા હોતી નથી. પાર્ટીઓ જ નિયમ અને મતદાતા નક્કી કરે છે. અહીં ડેલિગેટ ચૂંટવા માટે બેલેટનો ઉપયોગ થતો નથી. પાર્ટી મેમ્બર્સ ઘણા ઉમેદવારોમાંથી એકને હાથ ઉઠાવીને ચૂંટે છે.

કન્વેન્શન
સરળ શબ્દોમાં તમે તેને પાર્ટી સંમેલન કહી શકો છો. એમાં પાર્ટી પ્રતિનિધિ(ડેલિગેટ્સ) ભાગ લઈ શકે છે, એટલે કે આ લોકો પ્રાઈમરીઝ કે કોકસથી ચૂંટાઈને આવે છે. તેઓ અહીં મતદાન દ્વારા તે ઉમેદવારને ચૂંટે છે, જે રાષ્ટ્રપતિપદનો ઉમેદવાર બનશે. રાષ્ટ્રપતિપદનો ઉમેદવાર પાર્ટી સાંસદો પાસેથી સલાહ લઈને વાઈસ-પ્રેસિડેન્ટપદનો ઉમેદવાર નક્કી કરે છે. દરેક રાજ્યમાંથી ચૂંટાયેલા ડેલિગેટ્સની સંખ્યા અલગ હોય છે. એ વસતિ પર નિર્ભર કરે છે. કેલિફોર્નિયામાં સૌથી વધુ 415 ડેલિગેટ્સ છે.

પોપ્યુલર વોટ
અમેરિકામાં મતદારો પહેલા ઈલેક્ટર્સ ચૂંટે છે. એનાથી ઈલેક્ટોરલ કોલેજ બને છે. આ ઈલેક્ટોરલ કોલેજ રાષ્ટ્રપતિ ચૂંટે છે. સવાલ એ છે કે પોપ્યુલર વોટ શું હોય છે ? એને સીધી રીતે સમજીએ. જનતા એટલે કે મતદાતા પોતાના પ્રતિનિધિ ઈલેક્ટર ચૂંટે છે. પછી આ ઈલેક્ટર રાષ્ટ્રપતિ પસંદ કરે છે. હવે એ જરૂરી નથી કે લોકો તેને ઈલેક્ટર ચૂંટી રહ્યા છે, તેઓ તેમના પસંદગીના ઉમેદવાર એટલે કે રાષ્ટ્રપતિપદના ઉમેદવારને જ વોટ આપે. 2016માં ટ્રમ્પને 62,984,825(46.4 ટકા વોટ્સ) અને હિલેરીને 65,853,516(48.5% વોટ્સ) મળ્યા. હિલેરી લોકોની પ્રથમ પસંદગી હતી. જોકે ઈલેક્ટોરલ વોટે ટ્રમ્પને વિજય અપાવ્યો.

ઈલેક્ટોરલ કોલેજ
એની પર ઘણી ચર્ચા થાય છે. કેટલાક લોકો એને ખોટા જ ઠેરવવા લાગ્યા છે. પોપ્યુલર વોટ દ્વારા 50 રાજ્યોમાં 538 ઈલેક્ટર્સ ચૂંટવામાં આવે છે. એનાથી ઈલેક્ટોરલ કોલેજ બને છે. રાષ્ટ્રપતિ બનાવવા માટે 270 ઈલેક્ટોરલ કોલેજ વોટ જોઈએ. દરેક રાજ્યમાંથી બંને સદનો માટે જેટલા સાંસદ ચૂંટવામાં આવે છે તેટલા જ તેના ઈલેક્ટર્સ હશે. કેલિફોર્નિયામાં 55 તો વ્યોમિંગમાં માત્ર 3 ઈલેક્ટર્સ છે. 2016માં ટ્રમ્પને 306 ઈલેક્ટર્સનું સમર્થન મળ્યું. હિલેરી માટે આંકડો 232 પર સમેટાઈ ગયો. તે ચૂંટણી હારી ગઈ.

અન્ય સમાચારો પણ છે...