બે વર્ષ બાદ બગદાદમાં હુમલો:ઈરાકમાં બે આત્મઘાતી હુમલામાં 21 લોકોના મોત, 53થી વધારે લોકો ઘાયલ, વીડિયોમાં કેદ થઈ સમગ્ર ઘટના

ઈરાકની રાજધાની બગદાદમાં ગુરુવારે બે આત્મઘાતી હુમલામાં 21 લોકોના મોત થયા છે અને 53થી વધારે લોકો ઘાયલ થયા છે.

ઈરાકના અધિકારીઓના જણાવ્યા મુજબ બગદાદના બાબ-અલ-શરજી વિસ્તારમાં આવેલા માર્કેટમાં આ બન્ને આત્મઘાતી હુમલાખોરોએ પોતાની જાતને ઉડાવી દીધી હતી. ઘાયલોને નજીકની હોસ્પિલટમાં ખસેડાયા છે. ઘાયલોમાં ઘણા લોકોની સ્થિતિ ગંભીર છે.

આ હુમલો કરનારાઓએ પહેલા બીમારીનું બહાનું બતાવીને લોકોને પોતાની પાસે બોલાવ્યા હતા અને પછી પોતાની જાતને ઉડાવી દીધી હતી. હાલ આ હુમલાની જવાબદારી કોઈ ગ્રુપે લીધી નથી. આ પહેલા બગદાદમાં જાન્યુઆરી 2017માં હુમલો થયો હતો.