અમેરિકા:10 વર્ષની છોકરીએ કોરોના ટાઈમમાં દાદા-દાદીને ભેટવા પ્લાસ્ટિકનો ‘પડદો’ બનાવ્યો

અમેરિકામાં દિવસેને દિવસે કોરોના પોઝિટિવના કેસ વધી રહ્યા છે. કોરોનાથી બચવા માટે લોકોને સોશિયલ ડિસ્ટન્સની સલાહ આપવામાં આવી રહી છે. કેલિફોર્નિયાની 10 વર્ષની છોકરીએ સોશિયલ ડિસ્ટન્સ રાખીને પણ દાદા-દાદીને કેવી ભેટી શકાય તેનો જુગાડ શોધ્યો હતો. પેઈગ નામની છોકરીએ ઇન્ટરનેટ પર પ્લાસ્ટિકનો પડદો બનાવવાના અમુક વીડિયો જોયા હતા. 

પેઇગે ઘરે જ પ્લાસ્ટિકની  બેગ ભેગી કરીને તેનો પડદો બનાવ્યો અને તેને દાદા-દાદીના રૂમના દરવાજા પર લગાવ્યો. ત્યારબાદ તે ખુશીથી ઘણા દિવસો બાદ દાદીને ભેટી હતી. પેઈગની માતાએ પૌત્રી અને દાદીનો વીડિયો ફેસબુક પર શેર કર્યો છે. પેઈગની દાદી પણ તેની પૌત્રીની આવડત જોઇને ખુશ થઇ ગયા હતા અને કોરોના ટાઈમમાં પણ કોઈ ડર વગર તેમની પૌત્રીને ભેટ્યા.