બળાત્કાર / પાકિસ્તાનમાં ગેંગરેપની ફરિયાદ લખાવવા ગયેલી પીડિતા પર પોલીસે પણ કર્યું દુષ્કર્મ

divyabhaskar.com

Apr 15, 2019, 06:42 PM IST
જ્યાં મહિલા રિપોર્ટ લખાવવા ગઈ હતી તે પૂર્વીય અહમદપુરનું પોલીસ સ્ટેશન
જ્યાં મહિલા રિપોર્ટ લખાવવા ગઈ હતી તે પૂર્વીય અહમદપુરનું પોલીસ સ્ટેશન

ઇન્ટરનેશનલ ડેસ્કઃ પાકિસ્તાનમાં ગેંગરેપનો ભોગ બનેલી એક મહિલાએ આરોપ લગાવ્યો છે કે, તે જ્યારે પોલીસ સ્ટેશન ફરિયાદ નોંધાવવા ગઇ હતી ત્યારે એક પોલીસ ઓફિસરે પણ તેના પર દુષ્કર્મ આચર્યું હતું. જેને કારણે પોલીસે સબઇન્સપેક્ટરની ધરપકડ કરી છે. પીડિતાની ફરિયાદ અનુસાર 12મી ફેબ્રુઆરીએ તે બે શખ્સો વિરુદ્ધ ફરિયાદ લખાવવા ગઈ હતી ત્યારે પોલીસે તેની પર દુષ્કર્મ આચર્યું હતું. પોલીસ ઓફિસર તેને સ્ટેટમેન્ટ લખવાનું અને પૂછપરછ કરવાનું કહી અલગ રૂમમાં લઈ ગયો હતો. જ્યાં ઓફિસરે તેની પર હુમલો કર્યો હતો. મહિલાએ પોલીસ ઓફિસર પર આક્ષેપ કરતા કહ્યું હતું કે પોલીસે તેનો વીડિયો ઉતાર્યો છે અને જો તે કોઇને આ વાત જણાવશે તો વીડિયો જાહેર કરશે તેવી ધમકી પણ આપી છે.

પાકિસ્તાનમાં વધ્યો છે સેક્સ્યૂઅલ વાયલન્સ
પાકિસ્તાનમાં દિવસેને દિવસે સેક્સ્યૂઅલ વાયલન્સ વધતો જાય છે. ગત નવેમ્બર મહિનામાં પણ એક મહિલા જ્યારે હોસ્પિટલમાં સારવાર માટે ગઈ હતી. ત્યારે સારવાર કરતી વખતે હોસ્પિટલના સ્ટાફે તેની સાથે દુષ્કર્મ કર્યું હતું. બીજી ઘટના માર્ચ મહિનામાં બની હતી. પાકિસ્તાનના તોબા ટેક સિંહ વિસ્તારમાં એક છોકરી સાથે દુષ્કર્મ કરી ફરિયાદ ન કરવાની ધમકી આપવામાં આવી હતી.

X
જ્યાં મહિલા રિપોર્ટ લખાવવા ગઈ હતી તે પૂર્વીય અહમદપુરનું પોલીસ સ્ટેશનજ્યાં મહિલા રિપોર્ટ લખાવવા ગઈ હતી તે પૂર્વીય અહમદપુરનું પોલીસ સ્ટેશન
COMMENT

Next Stories

    ની  સંપૂર્ણ વાંચનસામગ્રી