મસૂદ મુદ્દો / અમેરિકાના તમામ રિસોર્સના ઉપયોગ સામે ભડક્યું ચીન, કહ્યું - USએ મામલાને વધુ જટિલ બનાવ્યો

ચીનના વિદેશ મંત્રાલયના પ્રવક્તા ગેંગ શોન્ગે કહ્યું, ચીન આ મામલે સકારાત્મક પ્રગતિ માટે તમામ પ્રયાસો કરી રહ્યું છે. (ફાઇલ)
ચીનના વિદેશ મંત્રાલયના પ્રવક્તા ગેંગ શોન્ગે કહ્યું, ચીન આ મામલે સકારાત્મક પ્રગતિ માટે તમામ પ્રયાસો કરી રહ્યું છે. (ફાઇલ)
X
ચીનના વિદેશ મંત્રાલયના પ્રવક્તા ગેંગ શોન્ગે કહ્યું, ચીન આ મામલે સકારાત્મક પ્રગતિ માટે તમામ પ્રયાસો કરી રહ્યું છે. (ફાઇલ)ચીનના વિદેશ મંત્રાલયના પ્રવક્તા ગેંગ શોન્ગે કહ્યું, ચીન આ મામલે સકારાત્મક પ્રગતિ માટે તમામ પ્રયાસો કરી રહ્યું છે. (ફાઇલ)

  • અમેરિકાના ડ્રાફ્ટ પર ચીનને આપત્તિ, કહ્યું - આનાથી ખોટું ઉદાહરણ બનશે 
  • અમેરિકાએ અઝહરને બ્લેક લિસ્ટ કરવાનો પ્રસ્તાવ 13 માર્ચે યુએન કાઉન્સિલમાં રાખ્યો હતો 

divyabhaskar.com

Apr 04, 2019, 12:47 PM IST

બીજિંગઃ ચીને બુધવારે સ્પષ્ટતા કરી છે કે, તેઓના તરફથી પાકિસ્તાની આતંકી સંગઠન જૈશ-એ-મોહમ્મદના ચીફ મસૂદ અઝહરને બ્લેક લિસ્ટ કરવાના કડક પ્રયાસો થઇ રહ્યા છે. ચીનના અધિકારીઓએ જણાવ્યું કે, અમેરિકા યુએન સિક્યોરિટી કાઉન્સિલમાં નિયમોથી વિપરિત અલગ ડ્રાફ્ટ રજૂ કરીને ખોટાં ઉદાહરણો ઉભા કરી રહ્યું છે. 
 
તમામ મુદ્દે ચર્ચા બાદ ઉકેલ લાવવો જોઇએઃ પ્રવક્તા
1.ચીનના વિદેશ મંત્રાલયના પ્રવક્તા ગેંગ શોન્ગે કહ્યું, ચીન આ મામલે સકારાત્મક પ્રગતિ માટે તમામ પ્રયાસો કરી રહ્યું છે. અમેરિકા એ વાત સારી રીતે જાણે છે, તેમ છતાં આવી સ્થિતિમાં અમેરિકા તરફથી રજૂ કરવામાં આવેલા પ્રસ્તાવોનું સમર્થન કરવાનો કોઇ અર્થ નથી. ગેંગે અમેરિકા દ્વારા પ્રસ્તાવિત ડ્રાફ્ટ પર કહ્યું, ચીને મસૂદ અઝહરને લઇને સતત પોતાની સ્થિતિ સ્પષ્ટ કરી છે. અમને આશા છે કે, તમામ સભ્યો આ અંગેના પાસાઓને જોતાં 1267 કમિટીના નિયમો હેઠળ તેને ખતમ કરવાનો પ્રયાસ કરશે. 
2.ગત સપ્તાહે સિક્યોરિટી કાઉન્સિલના સભ્યોએ અમેરિકા દ્વારા પ્રસ્તાવિત ડ્રાફ્ટ પર પોતાના વિચારો રાખ્યા હતા. મોટાંભાગના સભ્યોનો મત હતો કે, અઝહરને લિસ્ટમાં સામેલ કરવા અથવા ન કરવાનો નિર્ણય 1267 કમિટીની જોગવાઇ અંતર્ગત થવો જોઇએ, સિક્યોરિટી કાઉન્સિલમાં અમેરિકા દ્વારા પ્રસ્તાવિત ડ્રાફ્ટના આધારે નહીં.  
અમેરિકાનું આ પગલું યુએનના નિયમો અનુસાર, નથી. આ એક ખોટું ઉદાહરણ બની રહ્યું છે. આનાથી આ મામલો વધુ જટિલ બની ગયો છે. આનાથી સાઉથ એશિયામાં શાંતિ સ્થાપિત કરવામાં મુશ્કેલીઓ આવશે. 
3.ચીન આવા મામલે સતત જવાબદાર વલણ અપનાવશે. પ્રત્યેક પક્ષને ધ્યાનમાં રાખીને તમામ પાસાઓ પર ચર્ચા કરશે. અમને આશા છે કે, આ મામમલે કોઇ યોગ્ય ઉકેલ મળશે. 
પુલવામા બાદ અઝહર નિશાના પર
4.14 ફેબ્રુઆરીના રોજ પુલવામામાં ફિદાયીન હુમલામાં ભારતના 44 CRPF જવાનો શહીદ થયા હતા. જેની જવાબદારી જૈશ-એ-મોહમ્મદે લીધી હતી. આ સંગઠનનો ચીફ મસૂદ અઝહર ભારતમાં વોન્ટેડ છે. અઝહર સામે પ્રતિબંધ લગાવવાનો મામલો ભારત અને ચીન વચ્ચે વર્ષોથી ચાલી રહ્યો છે. આ વખતે વોશિંગ્ટન અને બીજિંગની વચ્ચે પણ આ વાતને લઇને તણાવ વધી ગયો છે. યુએસ ચીન વચ્ચે પહેલેથી જ વેપારને લઇને ટ્રેડ વૉરની સ્થિતિ છે. 
5.અમેરિકાએ 13 માર્ચના રોજ યુએન 1267 સેશન્સ કમિટીની સામે મસૂદને ગ્લોબલ આતંકીની યાદીમાં મુકવાનો પ્રસ્તાવ મુક્યો હતો. પરંતુ ચીને પોતાનો વોટ ટેક્નિકલ ખામી ગણાવીને નિર્ણયમાં અવરોધ ઉભો કર્યો હતો. ચીને કહ્યું કે, અમેરિકાએ અઝહરને આંતરરાષ્ટ્રીય આતંકી જાહેર કરવા માટે 1267 કમિટીના નિયમોની ઉપરવટ જઇને નવો ડ્રાફ્ટ તૈયાર કર્યો છે. 
COMMENT

Next Stories

    ની  સંપૂર્ણ વાંચનસામગ્રી