સાપ વચ્ચેની લડાઈ, મિનિટોમાં સાપને ગળી ગયો બ્લેક સ્નેક

બે સાપ વચ્ચેની લડાઈ તમે જોઈ છે ખરી? ઓસ્ટ્રેલિયામાં બે સાપ વચ્ચેની જીવલેણ લડાઈ કેમેરામાં કેપ્ચર થઈ હતી. રેડ બેલિડ બ્લેક સ્નેક અને બ્રાઉન સ્નેક વચ્ચે અહીં લડાઈ જામી છે. આ બંને સાપ એકબીજાને મારવા માટે મરણિયા થયા છે. અંતે બ્લેક સ્નેક બ્રાઉન સ્નેકને આખો ગળી જાય છે. સાપનો આ વીડિયો સોશિયલ મીડિયામાં વાયરલ થયા બાદ અત્યાર સુધીમાં લાખો લોકોએ આ વીડિયો જોઈ લીધો છે.

કેલિફોર્નિયામાં એક ડૉગીને બનાવ્યો મેયર, મળી વિશેષ સુવિધાઓ

અમેરિકાના કેલિફોર્નિયાના ઈડિલ વાઇલ્ડ શહેરના લોકોએ એક કુતરાને મેયર માટે પસંદ કર્યો છે, પરંતુ ઈન્ટેરેસ્ટિંગ વાત તો એ હતી કે મેયર માટેની આ ચૂંટણીમાં વરૂ, ગધેડુ અને બિલાડી પણ ઉભા હતા. જો કે આ ડોગીને માત્ર પ્રતિકાત્મક રીતે મેયર ચૂંટવામાં આવ્યો છે. મેયર મેક્સના નામે મેયર મેક્સ નામથી ઓફિશિયલ ફેસબુક આઈડી પણ છે, એટલુ જ નહીં મેયર મેક્સના ભાઈ અને બહેન માઇકલ અને મિત્ઝીને ડેપ્યુટી મેયર બનાવવામાં આવ્યા છે. નવા બનેલા આ મેયરની જવાબદારી ટુરિસ્ટ, સ્થાનિકો અને મીડિયા સાથે તસવીરો ખેંચાવાની રહેશે, સાથે જ શહેરમાં થતા પ્રોગ્રામમાં મેયરે પોતાની ઉપસ્થિતી નોંધાવવી પડશે. હવે તમને થશે કે કોઈ ડોગીને મેયર બનાવાતો હશે ખરા? પરંતુ તેનો ઉદ્દેશ્ય માત્રને માત્ર જાનવરો પ્રત્યે લાગણી અને સંવેદનશીલતા કેળવવાનો છે. જાનવરોના સંરક્ષણ માટે ઈડિલ વાઇલ્ડ શહેરના લોકોએ આ તરીકો અપનાવ્યો છે. 2012માં પણ મેક્સને આ જ શહેરનો મેયર બનાવાયો હતો..એટલુ જ નહીં ત્યારે મેક્સને એક ગાડી પણ આપવામાં આવી હતી. જેથી તેને કોઈ તકલીફ ન થાય.

નિશાળે ગુલ્લી મારતા સાહેબ વઢ્યાં, ટાબરિયાએ ભાવુક થઈને 'મસ્ત' સ્ટોરી સંભળાવી ગોટે સાહેબને ચડાવી દીધા

આ વીડિયો જોઈને તમને તમારૂ બાળપણ યાદ આવી જશે. વીડિયો પાકિસ્તાનની એક સ્કુલના ક્લાસરૂમનો છે, જેમાં એક સાહેબ તેના ટેણિયાએ સ્કુલમાં રજા પાડવા અંગે કારણ પૂછી રહ્યા છે. ત્યારે ટેણિયો ભાવુક થઈને સાહેબને સ્ટોરી સંભળાવે છે તે સાંભળીને તમને હસવુ આવી જશે. ક્યારેક મમ્મીના તો ક્યારેક ભાઈના નામે ચિઠ્ઠી ફાડે છે.

અરેબિક મેંહદી ડિઝાઇન

ટ્રેનમાં આ મહિલાએ કર્યું આવું કામ, જાગૃત નાગરિકે બનાવ્યો વીડિયો

સ્વચ્છ ભારત માટે વડાપ્રધાન મોદીએ એક કેમ્પેઇન ચલાવ્યું છે, ત્યારે દેશની જનતાએ આ કેમ્પેઇનને સપોર્ટ કરવાની જરૂર છે. અને દેશને સ્વચ્છ રાખવાની જવાબદારી દરેક નાગરિકની છે. ત્યારે આ મહિલાને જ જુઓ, ટ્રેનને કચરાપેટીનો ડબ્બો સમજી બોર ખાઇને ઠળિયા સીટ નીચે જ ઢગલો કર્યો. સફેદ કપડાંમાં સજ્જ આ લેડીનો વીડિયો તેની સામેની સીટ પર બેસેલા કોઈ પેસેન્જરે જ શૂટ કર્યો હતો.

આ ગુજરાતીએ શોધી વઘારેલા રોટલાની સિક્રેટ રેસિપી, IAS,IPS પણ છે તેના દિવાના

ભૂજમાં રહેતા જયદિપ સિંહ જાડેજાએ ભૂજવાસીઓને એક અનોખી કાઠિયાવાડી ડિશનો સ્વાદ ચખાડ્યો છે. તેમણે પત્નીના પિયર ગયા બાદ કિચનમાં આ અખતરો કરેલો અને ત્યારથી પ્રોફેશનલી બનાવવાનું શરૂ કર્યું હવે ભૂજની જનતાને વઘારેલા રોટલાનો સ્વાદ દાઢે વળગ્યો છે. હવે IAS અને IPS કક્ષાના અધિકારીઓ તેમની આ ડિશ ખાવા આવે છે. તેઓ તમામ ઈન્ગ્રિડિયન્સ ઘરે જ બનાવે છે.

સરળ ટ્રીકથી માત્ર 2 મિનિટમાં શીખો 1થી 100 સુધીના ઘડિયા

સોશિયલ મીડિયામાં એક ગણિતના શિક્ષકનો વીડિયો હાલ વાયરલ થયો છે. જો તમારા બાળકને ગણિતમાં ઘડિયા ન આવડતા હોય તો ચિંતા કરવાની જરૂર નથી, કારણકે આ વીડિયો જોયા પછી 100 સુધીના ઘડિયા સરળતાથી આવડી જશે, તેને સમજાવેલી આ ટ્રીકથી 100 સુધીના ઘડિયા સરળતાથી આવડી જશે. પરંતુ તેના માટે 1 થી 10 સુધીના ઘડિયા આવડતા હોવા જોઈએ.