દાવપેચ / શું 20 એકર જમીનના 'સાટા'માં કુંવરજી બાવળિયા ભાજપમાં આવી ગયા?

Mar 08,2019 12:34 AM IST

જીજ્ઞેશ કોટેચા, રાજકોટ: અત્યારે લોકસભાની ચૂંટણીના માહોલમાં કોંગ્રેસમાંથી ભાજપમાં જવાનો ખેલ ચાલી રહ્યો છે ત્યારે પક્ષપલટાના આ ખેલના એક મહારથી કુંવરજી બાવળિયાએ શા માટે પક્ષાંતર કર્યું તેની સ્ફોટક વિગતો સામે આવી રહી છે. બાવળિયા ગત વર્ષે અચાનક ભાજપમાં જોડાઈને કેબિનેટ મંત્રી બની ગયા તેને રાજકીય ડહાપણ ગણવામાં આવે છે. પરંતુ કેટલીક ચોંકાવનારી હકીકતો એવું સૂચવે છે કે જમીન કૌભાંડમાં એક વાર જેલમાં જઈ આવેલા બાવળિયા 7 વર્ષની સજાથી બચવા ભાજપમાં જોડાયા છે. અથવા તો જમીન કૌભાંડનું કાંડુ મરડીને ભાજપે બાવળિયાને પક્ષપલટો કરવાની ફરજ પાડી છે. બાવળિયા ભાજપમાં જોડાયા પછી કેસ નબળો પાડી દેવાનો પ્રયાસ થઈ રહ્યો છે એવો ફરિયાદીઓ પણ આક્ષેપ કરે છે.