ઇન્ટરવ્યૂ / અમે સો વખત કહ્યું હતું કે ફડણવીસ જ CM હશે - અમિત શાહ

Nov 14,2019 1:32 PM IST

કેન્દ્રીય ગૃહમંત્રી અને ભાજપ અધ્યક્ષ અમિત શાહે બુધવારે મહારાષ્ટ્રની રાજકીય પરિસ્થિતિ વિશે કહ્યું કે અત્યારે ત્યાં દરેક વિપક્ષ પાર્ટી પાસે સરકાર બનાવવાનો મોકો છે. ન્યૂઝ એજન્સી એએનઆઇને આપેલા ઇન્ટરવ્યૂમાં અમિત શાહે કહ્યું કે અમે ચૂંટણી સમયે સો વખત કહ્યું હતું કે ગઠબંધન સરકાર બની તો દેવેન્દ્ર ફડણવીસ જ મુખ્યમંત્રી હશે પરંતુ ત્યારે કોઇએ વિરોધ ન કર્યો. શાહે રાષ્ટ્રપતિ શાસન લગાવવા વિશે કહ્યું કે રાજ્યપાલે યોગ્ય નિર્ણય લીધો છે અને હવે દરેક પાસે સરકાર બનાવવા માટે 6 મહિનાનો સમય છે.