સ્પીડ ન્યૂઝ / રાજકોટમાં મગફળી ખરીદી કૌભાંડના આરોપીની ધરપકડ કરાઈ

Dec 17,2019 8:50 PM IST

રાજકોટ માર્કેટિંગ યાર્ડમાં પડધરી પંથકના ખેડૂતો પાસેથી લેભાગુઓ કેવી રીતે લૂંટ ચલાવતા હતા તે બાબતનો દિવ્ય ભાસ્કરે સ્ટિંગ ઓપરેશન કરી પર્દાફાશ કરતાં કલેક્ટર તંત્ર હરકતમાં આવી ગયું હતું અને ખેડૂત પાસેથી રૂ.2500 પડાવનાર રંગપરના દલાલ અને મગફળીનું સેમ્પલ ફેલ કરનારની શોધખોળ શરૂ કરી હતી. દિવ્ય ભાસ્કરની ટીમે સવારે 10 વાગ્યાથી લઇને રાત્રે 8.30 વાગ્યા સુધી જૂના માર્કેટિંગ યાર્ડમાં થયેલી એક એક ગતિવિધિનું ઓડિયો;વીડિયો રેકોર્ડિંગ કર્યું હતું. ખેડૂતોની વર્ષભરની મહેનત લાલચુઓ લૂંટી ન જાય તેવા હેતુ સાથે દિવ્ય ભાસ્કરે આ સ્ટિંગ ઓપરેશન કર્યું હતું.આ અંગે રૂરલ પોલીસે કૌભાંડ કરનાર વચેટીયા અમિત પટેલની ધરપકડ કરી છે.