કલોલમાં કારમાંથી વિદેશી દારૂની 120 બોટલ ઝબ્બે

કલોલ: ગાંધીનગર એલસીબીએ કલોલમાં કારમાંથી વિદેશી દારૂનો જથ્થો ઝડપી પાડ્યો છે. ગાંધીનગર એલસીબીની ટીમ પેટ્રોલિંગમાં હતી ત્યારે એએસઆઈ ધર્મેન્દ્રસિંહને બાતમી મળી હતી કે કલોલ હાઇવે પર આવેલ મીલન ગેરેજની પાછળના ભાગે એક સ્વીફટ ડીઝાયર કારમાં વિદેશી દારૂ ભરેલો છે. 

એલસીબીએ ચારેય આરોપીઓ સામે પ્રોહીબિશનનો ગુનો દાખલ કરાવ્યો છે
જેના આધારે એલસીબીએ અંધારામાં ઉભેલી GJ-08-AJ-2063ની તલાસી લેતા તેમાંથી દારૂની નાની-મોટી 120 બોટલો મળી આવી હતી. જેથી એલસીબીએ કારમાં સવાર બનાસકાંઠાના  કમલેશભારથી દશરથભારથી ગોસ્વામી (ડીસા), હરેશ ઉર્ફે હર્ષ મહેન્દ્રભાઇ ટાંક(જોધપુરીયા ઢાણી), સંજય હંસરાજભાઇ ટાંક(જોધપુરીયા ઢાણી) તથા કલોલના મુકુંદ રાજેશભાઇ પટેલ (સત્વ બંગ્લોઝ)ને ઝડપી પાડ્યા હતા. 
પોલીસે 2800ની કિંમતનો દારૂ, 4 મોબાઇલ તેમજ કાર મળી કુલ 3,61,300નો મુદ્દામાલ જપ્ત કર્યો હતો. એલસીબીએ ચારેય આરોપીઓ સામે કલોલ પોલીસમાં પ્રોહીબિશનનો ગુનો દાખલ કરાવ્યો છે. પોલીસને તપાસ દરમિયાન દારૂની નાની-મોટી 120 બોટલો મળી આવી હતી.