બૅન / ફેસબુકે હિંસાનું લાઈવ સ્ટ્રીમિંગ રોકવા માટે વન સ્ટ્રાઇક પૉલીસી બનાવી, એકાઉન્ટ પર પ્રતિબંધ મુકાશે

divyabhaskar.com

May 15, 2019, 05:05 PM IST
Facebook imposes restrictions on live streaming to prevent future abuse
X
Facebook imposes restrictions on live streaming to prevent future abuse

  • આ પ્રતિબંધ આવતા અઠવાડિયાંથી ફેસબુક અને ઇન્સ્ટાગ્રામ એમ બંને એપમાં લાગુ પડશે

ગેજેટ ડેસ્ક: ફેસબુકે લાઈવ સ્ટ્રીમિંગ હિંસા રોકવા માટે એક અગત્યનો નિર્ણય લીધો છે. કંપનીએ ન્યૂ ઝીલેન્ડના ક્રાઈસ્ટચર્ચ પર થયેલા હુમલા બાદ આ નિર્ણય લીધો. ફેસબુકના 'ઇન્ટીગ્રિટી' વાઇસ પ્રેસિડન્ટ રોસેને કહ્યું કે, જે લોકોએ નિયમ તોડ્યા છે, તેમની ઉપર ફેસબુકનું લાઈવ સ્ટ્રીમિંગ ફીચરના ઉપયોગ પર પ્રતિબંધ મુકાશે. એટલે કે યુઝર હવે ફેસબુકની વોલ પર હિંસાને લગતા કોઈ વીડિયોનું લાઈવ સ્ટ્રીમિંગ નહીં કરી શકે.

લાઈવ સ્ટ્રીમિંગ હિંસા

વન સ્ટ્રાઇક પૉલીસી
1.

રોસેને જણાવ્યું કે, ન્યૂ ઝીલેન્ડમાં ક્રાઈસ્ટ ચર્ચના આતંકી હુમલાનું લાઈવ સ્ટ્રીમિંગ ફેસબુક પર કરવામાં આવ્યું હતું.આ વીડિયોને ઘણા યુઝરે શેર પણ કર્યો હતો. લોકો ફેસબુક પર નફરત કે હિંસા ફેલાવવાના કામ ન કરે તે માટે અમે પ્રયત્નો કરી રહ્યા છીએ. આ માટે અમે વન સ્ટ્રાઇક પૉલીસી લાગુ કરી છે. આ પોલિસીમાં જણાવેલ નિયમોનું જો યુઝર ઉલ્લંઘન કરે છે તો, તેનું એકાઉન્ટ કે ફીચર પર પ્રતિબંધ મુકવામાં આવશે.

આતંકી હુમલાનો વીડિયો
2.

વધુમાં રોસેને કહ્યું કે, જો કોઈ યુઝર આતંકવાદી સંગઠન કે કોઈ નિવેદન ફેસબુક પર પોસ્ટ કરે છે તો, તે પૉલીસીની વિરુદ્ધનું કામ બનશે. આવી સ્થિતિમાં તેના એકાઉન્ટ પર પ્રતિબંધ મૂકવો યોગ્ય રહેશે. ન્યૂ ઝીલેન્ડના આતંકી હુમલાનો વીડિયો અમે ઘણા યુઝરની વોલ પરથી ડિલીટ કર્યો, તેમ છતાં અન્ય લોકોના એડિટેડ વીડિયો દૂર કરવા અમારા માટે અઘરું કામ હતું.

આર્ટિફિશિયલ ઇન્ટેલિજન્સ
3.

ફેસબુક આર્ટિફિશિયલ ઇન્ટેલિજન્સનો ઉપયોગ કરીને ઓસ્ટ્રેલિયા અને ન્યૂ ઝીલેન્ડમાં નફરત ફેલાવનારા ગ્રુપની ઓળખાણ કરીને ફેસબુક પરથી એકાઉન્ટ દૂર કરી રહી છે. આ પ્રતિબંધ આવતા અઠવાડિયાંથી ફેસબુક અને ઇન્સ્ટાગ્રામ એ બંને એપમાં લાગુ પડશે. ફેસબુક પર વીડિયો અને ફોટા વધારે ક્લિયર દેખાય તે માટે તેણે ત્રણ યુનિવર્સીટી પાસે પ્રસ્તાવ મૂક્યો છે. તેના માટે કંપની 75 લાખ ડોલર એટલે કે 51 કરોડ રૂપિયા ખર્ચી રહી છે.

COMMENT

Next Stories

    ની  સંપૂર્ણ વાંચનસામગ્રી