તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App
  • Gujarati News
  • Nokia 2.2 Starts Selling, The Cheapest Android Phone Available At Just Rs 6999

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

નોકિયા 2.2નું વેચાણ શરૂ, માત્ર 6999 રૂપિયામાં મળતો સૌથી સસ્તો એન્ડ્રોઈડ ફોન

એક વર્ષ પહેલા
  • કૉપી લિંક
  • Nokia 2.2એ ગત સપ્તાહે આ ફોન ભારતમાં લોન્ચ કર્યો હતો
  • નોકિયા 2નો આ પહેલો સ્માર્ટફોન છે જેમાં ફેસ અનલોકનો ઓપ્શન મળે છે
  • આ ફોન ખરીદનાર જિયો સબસ્ક્રાઈબર્સને 198 અને 299 રૂપિયાના રિચાર્જ પર 100GB એડિશનલ ડેટા મળશે

ગેજેટ ડેસ્ક. Nokia 2.2નું ભારતમાં આજથી વેચાણ શરૂ થયું છે. કંપનીએ ગત સપ્તાહે આ એન્ટ્રિ લેવલ સ્માર્ટફોન ભારતમાં લોન્ચ કર્યો હતો. આ નવો સ્માર્ટફોન અગાઉ લોન્ચ થયેલા નોકિયા 2.1નું જ અપગ્રેડ વર્ઝન છે, જેમાં અપગ્રેડના રૂપમાં હાર્ડવેર અને સોફ્ટવેરમાં ફેરફાર કરવામાં આવ્યો છે. 

Nokia 2.2ની પ્રારંભિક કિંમત રૂપિયા 6,999 રાખવામાં આવી છે. જે આ ફોનનાં બેઝ વેરિઅન્ટ 2GB+16GBની છે. હાલમાં માર્કેટમાં ઉપલબ્ધ તમામ સ્માર્ટફોન કરતા સૌથી સસ્તો ફોન બની ગયો છે. આ ફોનનાં 3GB+32GB વેરિઅન્ટની કિંમત રૂપિયા 7,999 રાખી છે. આ કિંમત માત્ર મર્યાદિત સમય માટે જ કંપનીએ જાહેર કરી છે, જે 30 જૂન સુધી માન્ય રહેશે. ત્યારપછી આ વેરિઅન્ટની કિંમત ક્રમશઃ રૂપિયા 7699 અને 8,699 થઈ જશે.

આ ફોન ખરીદવા ઈચ્છતા ગ્રાહકો આજથી નોકિયાની ઓફિસિઅલ વેબસાઈટ અને ઓફલાઈન સ્ટોર પર જઈને ખરીદી કરી શકે છે. ઈ-કોમર્સ પ્લેટફોર્મ ફ્લિપકાર્ટ ઉપર પણ આ ફોન ઉપલબ્ધ થાય તેવી શક્યતાઓ છે પરંતુ હાલ આ ફોન કોઈ ઈ-કોમર્સ વેબસાઈટમાં લિસ્ટિંગ કરવામાં આવ્યો નથી. આ ફોન સાથે મળતી ઓફર્સની વાત કરીએ તો જિયો સબસ્ક્રાઈબર્સને Nokia 2.2 સાથે 198 અને 299 રૂપિયાના રિચાર્જ પર 100GB એડિશનલ ડેટા સાથે 2,200 રૂપિયાનું ઈન્સ્ટન્ટ કેશબેક મળશે. આ કેશબેક 50 રૂપિયાની 44 કૂપનનાં ફોર્મેટમાં મળશે.

સ્પેસિફિકેશન્સ

આ સ્માર્ટફોનમાં 5.71- ઈંચની HD+ વોડરડ્રોપ ડિસ્પ્લે આપી છે. બ્લેક અને સ્ટીલ એમ બે કલરમાં આ ફોન ઉપલબ્ધ છે. Nokia 3.2 અને Nokia 4.2 ની માફક જ ફોનની સાઈડમાં ગૂગલ આસિસ્ટન્ટ બટન આપ્યું છે. Nokia 2.2માં 2GB અને 3GB સુધીની રેમ સાથે 2GHz MediaTek Helio A22 પ્રોસેસર આપ્યું છે. આ ફોનમાં બે સીમ સ્લોટ અને એક મેમરી કાર્ડ માટેનો સ્લોટ આપ્યો છે. 

ફોટોગ્રાફી માટે આ સ્માર્ટફોનમાં 13MPનો રિઅર કેમેરા LED ફ્લેશ સાથે આપ્યો છે. સેલ્ફી માટે 5MPનો ફ્રન્ટ કેમેરા છે. નોકિયા 2નો આ પહેલો સ્માર્ટફોન છે જેમાં ફેસ અનલોકનો ઓપ્શન મળે છે. આ ફોનની બેટરી 3,000mAhની છે. ફોનની ખાસ બાબત એ છે કે, આ સ્માર્ટફોન એન્ડ્રોઈડ વન પ્રોગ્રામનો એક ભાગ છે જે એન્ડ્રોઈડ પાઈ પર ચાલે છે. 

આજનું રાશિફળ

મેષ
Rashi - મેષ|Aries - Gujarati News
મેષ|Aries

પોઝિટિવઃ- આ સમયે ગ્રહ સ્થિતિ અનુકૂળ છે. સન્માનજનક સ્થિતિ બનશે. તમે તમારી કોઇ નબળાઈ ઉપર વિજય પણ પ્રાપ્ત કરવામાં સક્ષમ રહેશો. વિદ્યાર્થીઓને કરિયરને લગતી કોઇ સમસ્યાનું સમાધાન મળવાથી વધારે ઉત્સાહ રહેશે. ...

વધુ વાંચો