તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

તારક મહેતા કા ઉલ્ટા ચશ્મા:જેઠાલાલ બનતા દિલીપ જોષીએ કહ્યું, 'સિરિયલની ક્વૉલિટીને અસર થઈ છે, હવે તે લગભગ ફેક્ટરી જેવી થઈ ગઈ છે.'

મુંબઈ8 મહિનો પહેલા

'તારક મહેતા કા ઉલ્ટા ચશ્મા' સિરિયલ છેલ્લાં 12 વર્ષથી ટીવી પર આવી રહી છે. આ સિરિયલે હાલમાં જ 3000 એપિસોડ પૂરા કર્યા હતા. જોકે, શરૂઆતથી જ આ સિરિયલ સાથે જોડાયેલા તથા જેઠાલાલનું પાત્ર ભજવતા દિલીપ જોષીને લાગે છે કે સમયને કારણે સિરિયલના રાઈટિંગ પર અસર થઈ રહી છે. તેમણે કહ્યું હતું કે કેટલાંક એપિસોડ રમૂજની દૃષ્ટિએ એટલા સારા બન્યા નહોતા.

શું કહ્યું જેઠલાલે?
દિલીપ જોષીએ સ્ટેન્ડ અપ કોમેડિયન સૌરભ પંતના સ્પેશિયલ પોડકાસ્ટમાં વાત કરી હતી અને કહ્યું હતું કે 'તારક મહેતા કા ઉલ્ટા ચશ્મા'ના રાઈટર્સ ડેઈલી એપિસોડને કારણે દબાણ હેઠળ હોય છે. આ જ કારણે રાઈટિંગની ક્વોલિટી પર અસર પડે છે.

'જ્યારે તમે ક્વોન્ટિટી જુઓ છો તો ક્યાંકને ક્યાંક ક્વૉલિટી પર અસર થતી હોય છે. પહેલા વીકલી અમે આ શો કરતા હતા અને રાઈટર્સ પાસે બહુ જ સમય રહેતો હતો. તેઓ ચાર એપિસોડ લખતા અને બીજા ચાર એપિસોડ આવતા મહિને શૂટ કરવાના રહેતા.'

'હવે તો ફેક્ટરી જેવું બની ગયું છે. રોજ રાઈટર્સે નવા નવા સબ્જેક્ટ શોધવા પડે છે. અંતે તેઓ પણ માણસ છે. હું એ વાત સાથે સમંત છું કે જ્યારે તમે આટલા લાંબા સમયથી ડેઈલી શો કરતા હો ત્યારે બધા એપિસોડ્સ તે સ્તરના ના બની શકે. મને પણ લાગે છે કે કેટલાંક એપિસોડ રમૂજના દૃષ્ટિકોણથી તે સ્તરના બન્યા નહોતા.'

હાલમાં જ 'ઈન્ડિયાઝ બેસ્ટ ડાન્સર'ના સેટ પર જોવા મળી હતી ટીમ
ટીવી રિયાલિટી શો 'ઈન્ડિયાઝ બેસ્ટ ડાન્સર'ના સેટ પર 'તારક મહેતા'ની આખી ટીમ જોવા મળી હતી. અહીંયા અસિત મોદીએ શોની સ્પર્ધક રુજુતામાં નવા દયાભાભી મળી ગયા હોવાની વાત કરી હતી. ઉલ્લેખનીય છે કે દિશા વાકાણી છેલ્લાં બે વર્ષથી આ શોમાં જોવા મળતી નથી. સિરિયલમાં હજી સુધી દિશા વાકાણીના સ્થાને નવી અભિનેત્રી લેવામાં આવી નથી. અવાર-નવાર એવી ચર્ચા થતી રહી છે કે દિશા વાકાણી શોમાં પરત ફરશે પરંતુ હજી સુધી દિશા વાકાણી આવી નથી.

લૉકડાઉન બાદ બે કલાકારો બદલાયા
રોશન સિંહ સોઢી બનતા ગુરુચરણ સિંહે આ શો છોડી દીધો હતો. હવે તેના સ્થાને ‘દિલ તો પાગલ હૈં’ ફૅમ એક્ટર બલવિંદર સિંહને સિરિયલમાં લેવામાં આવ્યો છે. અંજલિભાભીના પાત્રમાં નેહા મહેતા જોવા મળતી હતી. નેહા મહેતાએ પણ લૉકડાઉન બાદ ફરીવાર શૂટિંગ શરૂ થયું તો તેણે શોમાં કામ કરવાની ના પાડી દીધી હતી. નેહા મહેતાના સ્થાને ટીવી એક્ટ્રેસ સુનૈના ફોજદારને લેવામાં આવી છે.

અન્ય સમાચારો પણ છે...