તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App
  • Gujarati News
  • Entertainment
  • Television
  • Gauhar Khan Is Not Happy With This Bigg Boss 14 Contestants, Came Out And Said "It Is Not What I Thought, There Is No Variety In The Contestants"

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

બિગ બોસ 14:ગૌહર ખાન આ સીઝનના કન્ટેસ્ટન્ટથી ખુશ નથી, બહાર આવીને બોલી - 'જેવું વિચાર્યું હતું તેવું નથી, કન્ટેસ્ટન્ટમાં વેરાયટી નથી'

3 મહિનો પહેલાલેખક: કિરણ જૈન

આ વર્ષે બિગ બોસ 14માં નવું ટ્વિસ્ટ લાવવા માટે એક્સ કન્ટેસ્ટન્ટ હિના ખાન, સિદ્ધાર્થ શુક્લા અને ગૌહર ખાનને સિનિયર બનાવીને ઘરમાં લાવવામાં આવ્યા હતા. ત્રણેય પર બધા ફ્રેશર કન્ટેસ્ટન્ટને કન્ફર્મ કરવાની મહત્ત્વની જવાબદારી હતી. જોકે હવે આ સિનિયર્સ બિગ બોસના ઘરમાંથી બહાર નીકળી ગયા છે. ઘરમાંથી બહાર આવતા જ ગૌહર ખાને દિવ્ય ભાસ્કર સાથે વાતચીત દરમ્યાન કહ્યું, તેને તેની ઝલક હજુ સુધી ઘરમાં હાજર કોઈ કન્ટેસ્ટન્ટમાં દેખાઈ નહીં. ગૌહર ખાન બિગ બોસ 7ની વિનર હતી.

અત્યાર સુધી મને આ સીઝનના કન્ટેસ્ટન્ટમાં વેરાયટી જોવા નથી મળી
હું ઘરની અંદર લગભગ અઢી અઠવાડિયા સુધી રહી અને મારો અનુભવ ઘણો સારો રહ્યો. પ્રેમ ભરેલો અને મજા પડી. સાચું કહું તો શોમાં જતા પહેલાં મેં જેવું વિચાર્યું હતું તેવું કઈ ન થયું. જોકે આ શો છે જ એવો, જ્યાં તમે વિચારેલું હોય તેવું જરાપણ થતું નથી. આ ઘરમાં કયારે શું થઇ જાય ખબર નથી પડતી. મને લાગતું હતું કે ઘરમાં કન્ટેસ્ટન્ટની વેરાયટી હશે, અલગ- અલગ પર્સોનાલિટીના લોકો હશે, તેમને ગ્રુમ કરવાના હશે પણ આવું કઈ ન થયું. અત્યારસુધી તો મને સીઝનમાં વેરાયટી જોવા ન મળી. બધા એક જ પ્રકારનું એક્ટ કરી રહ્યા છે. એક જ પ્રકારનું વિચારી રહ્યા છે. બની શકે છે કે અત્યારસુધી ઘરમાં અમે સિનિયર્સ હાજર હતા એટલે તે ખુલી ન શક્યા. બની શકે છે કે અમારા ઘરની બહાર આવ્યા બાદ આ કન્ટેસ્ટન્ટના અલગ અલગ રંગ જોવા મળે.

નિક્કી તંબોલીની ગેમ રસપ્રદ લાગી રહી છે
મને નિક્કી તંબોલીની ગેમ રસપ્રદ લાગી રહી છે. તે ઘણી એન્ટરટેનિંગ અને રસપ્રદ લાગે છે. મને લાગે છે કે તે જેવી છે તેવી જ ઘરની અંદર પણ છે. તેનામાં મને કોઈ નકલીપણું નથી દેખાતું. તેની ગેમ ગમી. આશા કરું છું કે તે આગળ સુધી આ ગેમમાં રહે.

મારો પર્સનલ ફેવરિટ જાન સાનુ છે
રૂબીના દિલૈકની વાત કરું તો મને તે રોલ તરીકે ઠીક લાગે છે. તે ઘણી કન્ફ્યુઝ રહે છે પણ હા જ્યારે થોડી વાત કરે છે તો થોડી સોર્ટેડ લાગે છે. જેસ્મિન અને રાહુલની પણ અત્યારસુધી રીયલ પર્સોનાલિટી બહાર નથી આવી. બંને પોતાના કમ્ફર્ટ ઝોનમાં રમી રહ્યા છે. મારો પર્સનલ ફેવરિટ જાન સાનુ છે. મારા મત મુજબ અત્યારસુધી જાન ઘણી સારી રીતે આ ઘરમાં રહેતો દેખાયો છે અને વિશ્વાસ કરો તે ઘણો પ્રેમાળ અને સાચો બાળક છે.

ખુશ છું કે પવિત્રા પુનિયાની સાચી પર્સોનાલિટી સામે આવી
પવિત્રા પુનિયા આ ઘરમાં સૌથી ફેક કન્ટેસ્ટન્ટ છે. ગઈ રાત્રે જ ઓડિયન્સને તેની સાચી પર્સોનાલિટી દેખાઈ. મારી પીઠ પાછળ તેને મને ઘણી ગંદી ગાળો કહી જે ઘણું શોકિંગ હતું. શોમાં સાચું હોવું ઘણું જરૂરી છે જે પવિત્રા નથી. જોકે ખુશ છું કે તેની રીયલ પર્સોનાલિટી લોકો સામે તો આવી. ક્યારેક તો સાચી પર્સોનાલિટી બહાર આવવાની જ હતી, પવિત્રાની પણ આવી ગઈ. તેની પણ હકીકત બહાર આવી ગઈ.

આગળ પણ હિના અને સિદ્ધાર્થ સાથે કામ કરવા ઈચ્છીશ
સિદ્ધાર્થ શુક્લા અને હિના ખાન સાથે મારું તાલમેલ સારું હતું. ઘણીવાર અમારા લોકોના વિચાર એકબીજા સાથે મેચ થતા ન હતા પણ અમે અમારી જવાબદારીથી પાછળ ન હટ્યા. અમે એકબીજાના ઓપિનિયનનો આદર કરતા ગયા અને આગળ વધતા ગયા. હું આગળ પણ તેમની સાથે કામ કરવા ઈચ્છીશ.

હું મારી ઝલક કોઈ કન્ટેસ્ટન્ટમાં ન જોઈ શકી
અત્યાર સુધી મને મારી ઝલક કોઈપણ કન્ટેસ્ટન્ટમાં દેખાઈ નહીં. હું ખોટું બોલવા નથી ઇચ્છતી કે નથી ડિપ્લોમેટિક બનવા ઇચ્છતી. બધા પોતાના કમ્ફર્ટ ઝોનમાં રમી રહ્યા છે. જે મારી પર્સોનાલિટી છે તે અત્યારસુધી કોઈમાં નજર નથી આવી. આશા રાખું છું ધીરે ધીરે આ બધા સાચી ગેમ રમવાની શરૂ કરે.

આજનું રાશિફળ

મેષ
Rashi - મેષ|Aries - Divya Bhaskar
મેષ|Aries

પોઝિટિવઃ- તમારી મહેનત અને પરિશ્રમથી કોઇ મહત્ત્વપૂર્ણ કાર્ય સંપન્ન થશે. કોઇ વિશ્વસનીય વ્યક્તિની સલાહ અને સહયોગથી તમારું આત્મબળ અને આત્મવિશ્વાસ વધશે. કોઇ શુભ સમાચાર મળવાથી ઘરમાં સુખનું વાતાવરણ પણ રહેશે....

વધુ વાંચો

Open Divya Bhaskar in...
  • Divya Bhaskar App
  • BrowserBrowser