તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App
  • Gujarati News
  • Entertainment
  • Television
  • Bigg Boss 14 Due To Social Distance, There Will Be No Physical Task And Double Bed In The Beginning, All The Contestants Will Be Tested For Covid 19 Every Week.

બિગ બોસ 14:સોશિયલ ડિસ્ટન્સિંગને કારણે શરૂઆતમાં ફિઝિકલ ટાસ્ક અને ડબલ બેડ નહીં હોય, દર અઠવાડિયે તમામ સ્પર્ધકોનો કોવિડ 19નો ટેસ્ટ થશે

મુંબઈએક મહિનો પહેલા

ટીવીનો લોકપ્રિય ગેમ રિયાલિટી શો 'બિગ બોસ 14' ત્રણ ઓક્ટોબરના રોજ શરૂ થવાનો છે. શોના પહેલા દિવસે સલમાન ખાન તમામ સ્પર્ધકોનો પરિચય કરાવશે. આ દરમિયાન શો અંગેની મહત્ત્વની માહિતી સામે આવી રહી છે. કહેવામાં આવી રહ્યું છે કે આ વખતે ઘરના સભ્યોએ સોશિયલ ડિસ્ટન્સિંગનું ફરજિયાત પાલન કરવાનું છે અને તેથી જ શરૂઆતના અઠવાડિયામાં ફિઝિકલ ટાસ્ક આપવામાં આવશે નહીં.

શો સાથે જોડાયેલી નક્કર માહિતી આપવા માટે સોશિયલ મીડિયામાં 'ખબરી પેજ' બનાવવામાં આવ્યું છે. આ પેજ પ્રમાણે, ગયા વર્ષની જેમ આ વખતે શોમાં ડબલ-બેડ હશે નહીં. ઘરમાં કોરોના સાથે જોડાયેલી ગાઈડલાઈનનું પાલન કરવું ફરજિયાત છે અને તેથી જ ઘરના સભ્યો હંમેશાં એકબીજાથી અંતર જાળવશે. આ ઉપરાંત દર અઠવાડિયે લક્ઝરી બજેટ, એલીમિનેશન તથા ઇમ્યુનિટી માટે થનારા ફિઝિકલ ટાસ્ક પણ આ વખતે શરૂઆતના એપિસોડમાં જોવા મળશે નહીં.

દર અઠવાડિયે તમામ સ્પર્ધકનો કોરોના ટેસ્ટ થશે
શોમાં ભાગ લેનાર તમામ સેલેબ્સ તથા કોમનર્સને 20 સપ્ટેમ્બરથી ક્વૉરન્ટીન કરવામાં આવશે. ઘરમાં જતા પહેલા તમામનો કોવિડ 19નો ટેસ્ટ થશે. આ ઉપરાંત દર અઠવાડિયે મેડિકલ ટીમ ઘરમાં હાજર તમામ સભ્યોનો ટેસ્ટ કરશે.

ઘરમાં દરેક વ્યક્તિનો જરૂરી સામાન તથા વાસણો અલગ હશે
ગાઈડ લાઈનનું પાલન કરીને તમામ સ્પર્ધકોએ માત્ર પોતાનો જ સામાન વાપરવાનો રહેશે. દરેક સ્પર્ધકને અલગ વાસણો તથા પલંગ આપવામાં આવશે. આ વખતે એકબીજાનો સ્પર્શ કરવાની સખ્ત મનાઈ છે.

આ વખતે શો લૉકડાઉન થીમ પર આધારિત છે. સેટ પર રેડ તથા ગ્રીન ઝોન બનાવવામાં આવ્યા છે. આ સાથે જ ઘરમાં મિની થિયેટર, મૉલ, રેસ્ટોરાં તથા સ્પા પણ છે. આ તમામ સુવિધાઓ લક્ઝરી બજેટ જીતનાર ટીમને મળશે.

આજનું રાશિફળ

મેષ
Rashi - મેષ|Aries - Divya Bhaskar
મેષ|Aries

પોઝિટિવઃ- આજે આકરી મહેનત અને પરીક્ષાનો સમય છે. પરંતુ તમે તમારા લક્ષ્યને પ્રાપ્ત કરવામાં સફળ રહેશો. વડીલોનો સ્નેહ અને આશીર્વાદ તમારા માટે જીવનની સૌથી મોટી પૂંજી રહેશે. પરિવારની સુખ-સુવિધાઓ પ્રત્યે પણ ત...

વધુ વાંચો