'ભાબીજી ઘર પર હૈ'ના મલખાનની પ્રાર્થના સભા:'અંગૂરી ભાભી' ધ્રુસકે ધ્રુસકે રડી પડ્યાં, સિરિયલના કલાકારો ઇમોશનલ થયા

મુંબઈ13 દિવસ પહેલા

'ભાબીજી ઘર પર હૈ' ફૅમ મલખાન સિંહ એટલે કે દીપેશ ભાનનું 23 જુલાઈના રોજ 41 વર્ષની ઉંમરમાં અવસાન થયું હતું. 25 જુલાઈના રોજ દીપેશની પ્રાર્થના સભાનું આયોજન કરવામાં આવ્યું હતું. પ્રાર્થના સભામાં સિરિયલના તમામ કલાકારો આવ્યા હતા. શ્રદ્ધાંજલિ આપતા સમયે કલાકારોની આંખોમાં આંસુ આવી ગયા હતા.

'અંગૂરી ભાભી' રડી પડ્યાં
સિરિયલમાં અંગૂરી ભાભીનો રોલ પ્લે કરનાર શુભાંગી અત્રે ધ્રુસકે ધ્રુસકે રડી પડી હતી. શુભાંગીને આ રીતે રડતાં જોઈને અન્ય કલાકારો પણ પોતાના આંસુ રોકી શક્યા નહોતા.

પ્રેયર મીટમાં કોણ કોણ આવ્યું હતું?
પ્રેયર મીટમાં વૈભવ માથુર (સિરિયલમાં ટીકાનો રોલ કરે છે), કીકુ શારદા, નિર્મલ સોની, વિદિશા શ્રીવાસ્તવ (સિરિયલમાં ગૌરી મેમ બની છે), રોહિતાશ્વ ગોર (સિરિયલમાં મનમોહન તિવારી બન્યા છે) સહિતના કલાકારો આવ્યા હતા.

દીપેશ ભાન 23 જુલાઈના રોજ 1 વાગે શૂટિંગ માટે જવાનો હતો.
દીપેશ ભાન 23 જુલાઈના રોજ 1 વાગે શૂટિંગ માટે જવાનો હતો.
રોહિતાશ્વ ગોર.
રોહિતાશ્વ ગોર.
કીકુ શારદા.
કીકુ શારદા.
શુભાંગી અત્રે તથા દીપેશ ભાનની પત્ની (બ્લૂ-વ્હાઇટ દુપટ્ટામાં)
શુભાંગી અત્રે તથા દીપેશ ભાનની પત્ની (બ્લૂ-વ્હાઇટ દુપટ્ટામાં)
વિદિશા શ્રીવાસ્તવ.
વિદિશા શ્રીવાસ્તવ.
સિરિયલ 'દિવ્ય દૃષ્ટિ' ફૅમ અધવિક મહાજન.
સિરિયલ 'દિવ્ય દૃષ્ટિ' ફૅમ અધવિક મહાજન.
શુભાંગી અત્રે.
શુભાંગી અત્રે.
દીપેશે 2019માં લગ્ન કર્યા હતા, તેને 18 મહિનાનો એક દીકરો છે.
દીપેશે 2019માં લગ્ન કર્યા હતા, તેને 18 મહિનાનો એક દીકરો છે.
'તારક મહેતા..' ફૅમ નિર્મલ સોની.
'તારક મહેતા..' ફૅમ નિર્મલ સોની.
વૈભવ માથુર.
વૈભવ માથુર.

કેવી રીતે મોત થયું હતું?
23 જુલાઈના રોજ દીપેશ ભાન સવારે પોતાના ફ્લેટની નીચે મિત્રો સાથે ક્રિકેટ રમતો હતો. તેણે એક આખી ઓવર બોલિંગ કરી હતી. દીપેશ કેપ લેવા નીચે નમ્યો ત્યારે એ પડી ગયો હતો. તેને તાત્કાલિક ભક્તિ વેદાંતા હોસ્પિટલ લઈ જવામાં આવ્યો હતો. તેના ઘરથી માત્ર પાંચ મિનિટના અંતરે આ હોસ્પિટલ આવેલી છે, પરંતુ જ્યારે તેઓ હોસ્પિટલ પહોંચ્યા તો ડૉક્ટર્સે તેને મૃત જાહેર કર્યો હતો. એક્ટર આસિફ શેખે એક ઇન્ટરવ્યૂમાં કહ્યું હતું કે દીપેશનું બ્રેન હેમરેજને કારણે મૃત્યુ થયું હતું.