રસપ્રદ ફેક્ટ:અમિતાભ બચ્ચનનો ઘટસ્ફોટઃ કમાલ અમરોહીએ 'પાકીઝા'માં મીનાકુમારીની ડાન્સ સીક્વન્સ માટે ફુવારામાં ગુલાબજળ રેડ્યું હતું

મીના કુમારી, કમાલ અમરોહી તથા 'પાકીઝા'.... સિને ઈન્ડસ્ટ્રીના આ નાયબ હીરા છે. જેમની ચમક આજે પણ એવી ને એવી જ છે. 'પાકીઝા' સાથે જોડાયેલી રસપ્રદ વાત અમિતાભે 'કૌન બનેગા કરોડપતિ'માં શૅર કરી હતી. તેમણે કહ્યું હતું કે કમાલે મીના કુમારીની ડાન્સ સીક્વન્સ દરમિયાન ફુવારમાં અસલી ગુલાબજળનો ઉપયોગ કર્યો હતો.

આ રીતે 'પાકીઝા'નો ઉલ્લેખ થયો
હોટ સીટ પર અમિતાભ બચ્ચનની સાથે સ્પર્ધક અફસીન નાઝ હતી. તેને 'પાકીઝા'ના શબ્દનો અર્થ શું થાય તે સવાલ પૂછવામાં આવ્યો હતો. આ શબ્દ પરથી અમિતાભે ફિલ્મ સાથે જોડાયેલી વાત કહી હતી. જે રીતે તાજ મહેલની સામે ફુવારા મૂકવામાં આવ્યા છે, તે જ રીતે ફિલ્મના સેટ પર પણ ફુવારા બનાવવામાં આવ્યા હતા. કમાલ અમરોહી ફિલ્મના દરેક સીન પર્ફેક્ટ ઈચ્છતો હતો અને તેથી જ તેમણે ફુવારામાં ગુલાબજળનો ઉપયોગ કર્યો હતો.

16 વર્ષ ફિલ્મ પૂરી થઈ હતી
મેઘનાદ દેસાઈના પુસ્તક 'પાકીઝા' પ્રમાણે, મીના કુમારીએ આ ફિલ્મ માટે માત્ર ટોકન અમાઉન્ટ જ લીધી હતી, જે માત્ર એક રૂપિયો હતો. આ ફિલ્મ મીના કુમારીની છેલ્લી ફિલ્મ હતી. ત્યારબાદ ફિલ્મ રિલીઝ થયા બાદ લિવર સિરોસિસને કારણે મીના કુમારીનું અવસાન થયું હતું. આ ફિલ્મ 1972માં રિલીજ થઈ હતી. આ ફિલ્મને બનવામાં અંદાજે 16 વર્ષ થયા હતા.