તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

શૂટિંગ કેન્સલ:કોરોના મહામારીની બીજી લહેરને લીધે બિગ બોસ કન્નડની 8મી સિઝન ઓફ એર થઈ, કન્ટેસ્ટંટ પોતાના ઘરે પરત આવ્યા

3 મહિનો પહેલા

બિગ બોસ કન્નડની 8મી સિઝનનું શૂટિંગ અટકી પડ્યું છે. કોરોનાવાઈરસ મહામારીની બીજી ઘાતક લહેરને લીધે આ નિર્ણય લેવો પડ્યો છે. કન્નડ બિગ બોસ કિચ્ચા સુદીપ હોસ્ટ કરી રહ્યો હતો. આ સિઝનમાં 8 કન્ટેસ્ટંટ હતા. શૂટિંગ બંધ કરવાની જાણકારી શોએ સોશિયલ મીડિયા પર આપી છે. આ સ્ટેટમેન્ટ કલર્સ કન્નડના બિઝનેસ હેડ પરમેશ્વર ગુંડકલે આપ્યું છે.

71 દિવસ સુધી શૂટિંગ ચાલુ રહ્યું
સ્ટેટમેન્ટમાં લખ્યું છે, કન્નડ બિગ બોસ સિઝન 8 આશરે 71 દિવસ સુધી ચાલ્યું. ઘરમાં હાજર દરેક 11 કન્ટેસ્ટન્ટ બહારની દુનિયામાં શું ચાલી રહ્યું છે તે વાતથી એકદમ અજાણ હતા. મહામારીની અસરનો તેમને કોઈ અંદાજો નહોતો. તે બધા આઈસોલેશનમાં રહેવાને લીધે સુરક્ષિત છે. અમે દરેકને સુરક્ષિત ઘરે પહોંચાડીશું.

સુદીપ પણ શૂટિંગ કરવા આવી શકતો નહોતો
પરમેશ્વરે કહ્યું, એક ટીમમાં કામ કરનારા અનેક લોકો. મહેનતથી કામ કરનારી ટીમનું સપનું અધૂરું રહી જશે. આ નિર્ણય લેવો અઘરો હતો. હજુ સુધી ઘરે 8 કન્ટેસ્ટન્ટ છે તેમાં અરવિંદ કેપી, દિવ્યા ઉરુડુગા, દિવ્યા સુરેશ, પ્રશાંત, ચક્રવર્તી અને નિધિ સામેલ છે. એટલું જ નહીં પણ સુદીપ પણ લોકડાઉનને લીધે શૂટિંગ માટે આવી શકતો નહોતો.