• Home
  • Entertainment
  • Bollywood
  • Vidyut Jammwal and Kunal Khemu is unhappy with upcoming Disney+ Hotstar announcement event as their films not get recognition

OTT રિલીઝ / ખુદાહાફિઝ અને લૂટકેસ ફિલ્મ નજરઅંદાજ થતા ફિલ્મના એક્ટર્સે દુઃખ જતાવ્યું, વિદ્યુત જામવાલે લખ્યું- સાતમાંથી બે ફિલ્મની કદર જ નથી

Vidyut Jammwal and Kunal Khemu is unhappy with upcoming Disney+ Hotstar announcement event as their films not get recognition
X
Vidyut Jammwal and Kunal Khemu is unhappy with upcoming Disney+ Hotstar announcement event as their films not get recognition

દિવ્ય ભાસ્કર

Jun 30, 2020, 10:33 AM IST

ડિઝની પ્લસ હોટસ્ટાર પર 29 જૂને 7 ફિલ્મ્સના સ્ટ્રીમિંગની જાહેરાત થઇ. આ જાહેરાત ફિલ્મ્સના એક્ટર્સે સોશિયલ મીડિયા પર લાઈવ આવીને કરી હતી. પરંતુ 7 ફિલ્મ્સમાંથી બે ફિલ્મ વિદ્યુત જામવાલ સ્ટારર ખુદાહાફિઝ અને કુણાલ ખેમુ સ્ટારર લૂટકેસ નજરઅંદાજ થતા બંને એક્ટર્સે તેમની હૈયાવરાળ સોશિયલ મીડિયા પર કાઢી છે. આ ફિલ્મ સ્ટાર્સને ફિલ્મ અનાઉન્સ કરવા માટે આમંત્રિત કરવામાં આવ્યા ન હતા.

માત્ર 5 ફિલ્મ્સ જ રિપ્રેઝન્ટેશનને લાયક હતી, બે ની કોઈ કદર જ નથી: વિદ્યુત જામવાલ 
વિદ્યુત જામવાલે ટ્રેડ એનાલિસ્ટ તરણ આદર્શના ટ્વીટને શેર કરી લખ્યું કે, ખરેખર મોટું અનાઉન્સમેન્ટ છે. 7 ફિલ્મ્સ રિલીઝ કરવામાં આવી રહી છે અને માત્ર 5 ફિલ્મ્સને જ પ્રમોશનને લાયક સમજવામાં આવી. બે ફિલ્મ્સની કોઈ જાણકારી જ નથી. આગળ ઘણો લાંબો રસ્તો છે અને આ વસ્તુ ફરી પાછી આવશે.

ખુદાહાફિઝ ફિલ્મને ફારૂક કબીરે ડિરેક્ટ કરી છે જેમાં વિદ્યુતની સાથે શિવાલેખા ઓબરોય પણ કાસ્ટ થયેલ છે. લોકો વિદ્યુતના આ ટ્વીટને સગાવાદ વિવાદ સાથે જોડીને રોષ વ્યક્ત કરી રહ્યા છે. વાત એમ છે કે, 14 જૂનના સુશાંત સિંહની આત્મહત્યા બાદ ઇન્ડસ્ટ્રીમાં સગાવાદને લઈને ઘણા વિવાદ સર્જાઈ રહ્યા છે. આ જ વિવાદમાં લોકો અન્ય ઘટનાઓને જોડી રહ્યા છે.

રમવા માટી મેદાન સરખું આપો: કુણાલ ખેમુ 
કુણાલ ખેમુએ ટ્વીટ કરી હતી કે, ઈજ્જત અને પ્રેમ માગવામાં નથી આવતા કમાવાના હોય છે. કોઈ ન આપે તો એનાથી આપણે નાના નથી થઇ જતા. બસ રમવા માટે મેદાન બરાબર આપો, છલાંગ અમે પણ ઊંચી લગાવી શકીએ છીએ.

આ કોમેડી ફિલ્મ લૂટકેસમાં કુણાલ ખેમુની સાથે રસિકા દુગલ, રણવીર શોરે, ગજરાજ રાવ અને વિજય રાઝ પણ સ્ટારકાસ્ટમાં સામેલ છે. આ ફિલ્મને રાજેશ ક્રિષ્નને ડિરેક્ટ કરી હતી. કોરોના મહામારીને કારણે ફિલ્મ ડિજિટલ પ્લેટફોર્મ પર સ્ટ્રીમ થશે.

Next Stories

    ની  સંપૂર્ણ વાંચનસામગ્રી