બિગ અમાઉન્ટ:ઉર્વશી રૌતેલા દુબઈમાં ન્યૂ યર પાર્ટીમાં પરફોર્મન્સ આપશે, માત્ર 15 મિનિટ માટે 4 કરોડ રૂપિયા ચાર્જ

ઉર્વશી રૌતેલાએ ન્યૂ યર પાર્ટીમાં 15 મિનિટના પરફોર્મન્સ માટે 4 કરોડ રૂપિયાની મોટી રકમ ચાર્જ કરી છે. આ પાર્ટી 31 ડિસેમ્બરે રાત્રે દુબઇની 5 સ્ટાર હોટલ પ્લાઝ્ઝો વર્સસમાં હશે. આ પાર્ટીમાં એક્ટ્રેસ તેના ફેન્સ સાથે ખાસ વાતચીતનો સેશન પણ કરશે. ઉર્વશીએ સોશિયલ મીડિયા પર એક પોસ્ટ શેર કરીને જાણકારી આપી.

એક્ટ્રેસનો ઇન્ટરનેશનલ પ્રોજેક્ટ
ઉર્વશી ટૂંક સમયમાં એક પ્રોજેક્ટમાં ઇજિપ્ત એક્ટર મોહમ્મ્દ રામાદાન સાથે કામ કરતી જોવા મળશે. થોડા દિવસ પહેલાં એક્ટ્રેસે સોશિયલ મીડિયા પર રામાદાન સાથે ફોટો શેર કરીને લખ્યું હતું, 'આગામી ઇન્ટરનેશનલ પ્રોજેક્ટ માટે ઇજિપ્ત એક્ટર મોહમ્મ્દ રામાદાન સાથે શૂટિંગ કરી રહી છું. જોકે આ પહેલાં પણ એક પ્રોજેક્ટ મિસ કરી ચૂકી છું. હું ઘણી ખુશ અને આભારી છું કે તમે મને પસંદ કરી. તમારા બધાના પ્રેમ અને આશીર્વાદ માટે આભાર.'

શાહરુખ ખાન પછી માત્ર ઉર્વશીને ઓળખે છે રામાદાન
ઇજિપ્ત એક્ટર મોહમ્મ્દ રામાદાનનું કહેવું છે કે તે બોલિવૂડમાં શાહરુખ ખાન બાદ માત્ર ઉર્વશી રૌતેલાને ઓળખે છે. તેણે એક્ટ્રેસના વખાણ કરતા કહ્યું, 'ઉર્વશી રૌતેલા બોલિવૂડની યુવા સુપરસ્ટાર છે, તેની સુંદરતા અને લોકપ્રિયતા અદભુત છે. તે ભારતીય સુંદરતાનું ચમકતું ઉદાહરણ છે. મને ભરોસો છે કે તમે જલ્દી હોલિવૂડ પ્રોજેક્ટ કરતા જોવા મળશો. ફેબ્રુઆરીથી જ અમારા પ્રોજેક્ટ માટે ઉર્વશી સાથે વાત ચાલી રહી હતી પણ અમારી આ યાત્રામાં મહામારી સ્પીડ બ્રેકર બનીને સામે આવી ગઈ. મને ઉર્વશી સાથે કામ કરવામાં ઘણી ખુશી થઇ.