નિતેશ પાંડેના મૃત્યુ બાદ રૂપાલી ગાંગુલી ધ્રુસકે ધ્રુસકે રડી પડી:આંસુ રોકાતાં નહોતાં, અભિનેત્રી સ્કાર્ફથી ચહેરો છુપાવીને રડતી જોવા મળી

અનુપમા ફેમ એક્ટર નિતેશ પાંડેનું 23 મેના રોજ 51 વર્ષની વયે નિધન થયું છે. તેમના નિધનથી ટેલિવિઝન ઈન્ડસ્ટ્રીને ઘેરો શોક લાગ્યો છે. તે જ સમયે, ટીવી સિરિયલ અનુપમામાં નિતેશ સાથે કામ કરનાર અભિનેત્રી રૂપાલી ગાંગુલી પણ આ સમાચારથી ભાંગી પડી છે. ગત રાત્રે અભિનેત્રી નિતેશના ઘરે પહોંચી હતી, જ્યાં તે રડતી જોવા મળી હતી

અનુપમા રડી પડી
આ વીડિયોમાં રૂપાલી નિતેશ સાથે ઘરની બહાર નીકળતી જોવા મળી રહી છે. આ દરમિયાન તે ભીની આંખો સાથે પોતાની કાર તરફ દોડતી જોઈ શકાય છે. રૂપાલી કારમાં બેઠી કે તરત જ તે પોતાના આંસુ રોકી ન શકી અને જોરથી રડવા લાગી.

વીડિયોમાં અભિનેત્રીએ પોતાનો ચહેરો ઢાંકી દીધો છે અને દુપટ્ટા વડે પોતાના આંસુઓને રોકવાનો પ્રયાસ કરી રહી છે, પરંતુ તેની આંખોમાં પીડા સ્પષ્ટ દેખાઈ રહી હતી.

નિતેશ સાથે સારો બોન્ડ હતો:- રૂપાલી
તમને જણાવી દઈએ કે, રૂપાલી ગાંગુલી અને નિતેશ પાંડે ઘણા સારા મિત્રો હતા. રૂપાલીએ નિતેશના મૃત્યુ પછી કહ્યું હતું કે 'નિતેશ એ લોકોમાંથી એક હતો જેણે હંમેશા મને સપોર્ટ કર્યો હતો.' રૂપાલીએ કહ્યું, 'તે મારો ખૂબ સારો મિત્ર હતો. ડેલનાઝ અને સારાભાઈ સિવાય, જ્યારે મેં અભિનયમાંથી બ્રેક લીધો ત્યારે હું તેની સાથે વાત કરતી હતી.

હૃદયરોગના હુમલાથી મૃત્યુ
નિતેશ પાંડેનું કાર્ડિયાક અરેસ્ટને કારણે નિધન થયું છે. તેનો મૃતદેહ નાશિકની એક હોટલમાંથી મળી આવ્યો હતો. અહેવાલો અનુસાર, નિતેશ બુધવારે રાત્રે નાશિક નજીક ઇગતપુરી આવ્યો હતો. તે અહીં ડ્યૂ ડ્રોપ હોટેલમાં રોકાયો હતો, જ્યાં તેની લાશ મળી આવી હતી. પ્રાથમિક તપાસમાં મોતનું કારણ હાર્ટ એટેક જણાવવામાં આવ્યું છે. હાલ પોલીસ પોસ્ટમોર્ટમ રિપોર્ટની રાહ જોઈ રહી છે. હોટેલના લોકોની પૂછપરછ કરવામાં આવી છે. નજીકના મિત્રોએ જણાવ્યું કે નિતેશ અવારનવાર વાર્તા લખવા માટે અહીં આવતો હતો.