બોલ્ડ સીન પાછળની હકીકત:ફિલ્મ-વેબ સિરીઝમાં ઇન્ટિમેટ સીન શૂટ કરવા માટે નવી જોબ પ્રોફાઇલ ઇન્ટિમસી કો-ઓર્ડિનેટર, સીન સાથે જોડાયેલી દરેક બારીકાઈ પર નજર રાખે છે

OTT (ઓવર ધ ટોપ)એ ફિલ્મમાં બોલ્ડનેસની પરિભાષા બદલી નાખી છે. મોટાભાગની વેબ સિરીઝમાં ઈન્ટિમેન્ટ સીન તથા ગાળો સામાન્ય વાત છે. જોકે, આ રીતના સીનનું શૂટિંગ કરવું સહેજ પણ સરળ નથી. સ્ક્રીન પર જે રીતે બતાવવામાં આવે છે, તે રીતે આ સીન ક્યારેય શૂટ થતા નથી.

વેબ સિરીઝ તથા ફિલ્મમાં એટલા ઇન્ટિમેટ તથા બોલ્ડ સીન્સ હોય છે, જે માટે આજકાલ એક ઇન્ટિમસી કો-ઓર્ડિનેટર રાખવામાં આવે છે. આ કો-ઓર્ડિનેટર નક્કી કરે છે કે કોઈ પણ ઇન્ટિમેટ સીન્સ કે બોલ્ડ સીન્સને કેવી રીતે શૂટ કરવામાં આવે, જેથી તે અશ્લીલ ના લાગે. આર્ટિસ્ટ્સને કોઈ મુશ્કેલી ના પડે અને બધું જ સરળ તથા સલામત રીતે થઈ જાય.

ભારતની સૌથી પહેલી સર્ટિફાઇડ ઇન્ટિમસી કો-ઓર્ડિનેટર આસ્થા ખન્નાએ આ અંગે ગાઇડલાઇન પણ બનાવી છે. દિવ્ય ભાસ્કરે આવા જ કેટલાંક સીન્સ પાછળની સચ્ચાઈ તથા OTT તથા ફિલ્મના આ નવા ટ્રેન્ડ અંગે આસ્થા સાથે વાત કરી હતી.

ઇન્ટિમસી તથા ન્યૂડિટી બતાવવાની ટેક્નિક
ઈન્ટિમેટ સીન તથા ન્યૂડિટી બતાવવા માટે કેમેરા તથા એડિટિંગ ટેક્નિકનો ઉપયોગ કરવામાં આવે છે. આર્ટિસ્ટના એક્સપ્રેશનની સાથે લાઇટિંગ તથા સાઉન્ડથી સરળતાથી આ સીન શૂટ કરી શકાય છે.

મોટાભાગના સીનમાં મોન્ટાજ ટેક્નિકનો ઉપયોગ કરવામાં આવે છે, જેમાં આર્ટિસ્ટના ફેસ એક્સપ્રેશન તથા બૉડી મૂવમેન્ટના અઢળક ક્લોઝ અપ લેવામાં આવે છે. જરૂરિયાત પ્રમાણે, આર્ટિસ્ટના લૉ-એન્ગલ શોટ લેવામાં આવે છે. આર્ટિસ્ટ પહેલેથી જ કહેવામાં આવેલી રિધમને ફોલો કરીને ગતિ તથા એક્સપ્રેશનના શોટ આપે છે. એડિટિંગમાં અનેક ક્લોઝ અપ સાઉન્ડ ઇફેક્ટની સાથે ઝડપથી ચલાવવામાં આવે છે.

શારીરિક અંતર રાખવા માટે પ્રોપનો ઉપયોગ થાય છે
ઇન્ટિમેટ સીન કરતાં સમયે બીજા આર્ટિસ્ટ સાથે કેટલું શારીરિક અંતર રાખવું છે, તે તમારી ચોઇસ હોય છે. ઇન્ટિમસી કો-ઓર્ડિનેટર આર્ટિસ્ટની પસંદને સન્માન આપે છે, આથી કેટલાંક પ્રોપ્સનો ઉપયોગ કરવામાં આવે છે. પ્રોપમાં સોફ્ટ પિલો, ક્રોચ ગાર્ડ, મોડેસ્ટી ગાર્મેન્ટ જેવી કેટલીક બાબતો સામેલ હોય છે.

પુરુષ કલાકારો પણ અસહજ રહે છે
અનેકવાર કેટલાંક મેલ આર્ટિસ્ટ પણ આ પ્રકારના ઇન્ટિમેટ સીન્સ કરવામાં અસહજ થઈ જાય છે, પરંતુ મર્દાનગી અંગે જે સામાજિક વિચાર છે, તેને કારણે પુરુષ આર્ટિસ્ટ પોતાની અસહજતાથી છુપાવે પણ છે.

સગીર આર્ટિસ્ટની સાથે બોલ્ડ સીન
અનેક વેબ સિરીઝમાં ટીનએજર્સને સેક્સ્યુઅલી એક્ટિવ બતાવવામાં આવે છે. કેટલીક સિરીઝમાં સગીરની સાથે જબરજસ્તી અથવા એબ્યૂઝિવ વર્ડ્સના સીન હોય છે. આસ્થા કહે છે કે સગીર એક્ટરનો બૉડી ડબલ તરીકે ઉપયોગ કરવામાં આવે છે. ગાઇડલાઇનમાં તે સ્પષ્ટ કહે છે કે કોઈ પણ સગીરને લઈ ઇન્ટિમેટ સીન થવા જોઈએ નહીં.

કોઈ મોરલ અથવા સેક્સ્યુઅલ પોલિસિંગ નહીં
આસ્થાએ કહ્યું હતું કે તેનું કામ કોઈ મોરલ કે સેક્સ્યુઅલ પોલિસિંગનું નથી. તેનું કામ માત્ર એક સ્પેસ ક્રિએટ કરવાનું છે. તે કોઈ પણ એક્ટર કે પ્રોડ્યૂસર નહીં, પરંતુ પોતાની જાતે કામ કરે છે. જ્યારે તેને કંઈ કહેવામાં આવે ત્યારે જ તે પોતાનો અભિપ્રાય આપે છે.

ફિલ્મ બનાવવી એક ક્રિએટિવ કામ છે, જેમાં અનેક ક્રિએટવ લોકો એક સાથે એક સારું રિઝલ્ટ મેળવવા માટે કામ કરે છે. આ સહયોગ પોતાની મરજીથી થાય છે. આ કોઈની પર જબરજસ્તી થોપવામાં આવતું નથી.

આ ઇન્ડસ્ટ્રી સલામત છે, આ વાત સાબિત કરવાની હતી
આસ્થા જ્યારે આસિસ્ટન્ટ ડિરેક્ટર હતી, ત્યારે #MeToo મૂવમેન્ટ દરમિયાન યુવતીઓને વારંવાર સ્પષ્ટતા કરવી પડતી હતી કે તે એક સલામત ઇન્ડસ્ટ્રીમાં કામ કરે છે. તે સમયે આસ્થાને ઇન્ટિમન્સ પ્રોફેશનલ અંગે જાણ થઈ હતી. તેણે લોસ એન્જલસમાં ઇન્ટિમસી પ્રોફેશનલ એસોસિયેશન પાસેથી ટ્રેનિંગ લીધી અને ભારતની પહેલી સર્ટિફાઇડ કો-ઓર્ડિનેટર બની હતી.

વધુમાં આસ્થાએ કહ્યું હતું કે સેટ પર સલામતી સૌથી મહત્ત્વની છે. ઇન્ટિમેટ સીનમાં બહુ જોખમ રહેલું છે, આને ઘણી જ સહજતાથી શૂટ કરવા માટે કો-ઓર્ડિનેટરની હાજરીમાં જ શૂટ કરવું જોઈએ. દરેક એક્ટર માટે સુરક્ષિત માહોલ બને, જેમાં કંઈ પણ ઊચું-નીચું બનવું જોઈએ નહીં.

હવે આસ્થાએ દેશમાં ઇન્ટિમસી પ્રોફેશનલ્સનું નેટવર્ક 'ધ ઇન્ટિમસી ક્લેક્ટિવ'ની સ્થાપપના કરી છે. તે બોલિવૂડના સંગઠન તથા અન્ય લોકો સાથે મળીને ઇન્ટિમેટ સીન્સની ગાઇડલાઇન માટે વાત કરી રહી છે.

ઇન્ટિમસી સીન્સ માટેની ગાઇડલાઇનના સજેશન્સ

બધા સાથે તાલમેલ હોય તો ઇન્ટિમસી કો-ઓર્ડિનેટરની જરૂર નથી
વેબ સિરીઝ 'શી'ના ડિરેક્ટર અવિનાશ દાસે કહ્યું હતું કે 'શી' તથા 'અનારકલી ઓફ આરા'ના સમયે તેમને આર્ટિસ્ટ પાસે પહેલાં જ ક્લિયર કરી દીધું હતું કે આ સીન કેવી રીતે કરવાનો છે, જેમાં કઈ કઈ વાતો સામેલ હશે. મિસકમ્યુનિકેશન માટે કોઈ સ્પેસ રાખી નહોતી.

સેટ પર સામાન્ય રીતે ભીડ હોય છે, પરંતુ ઇન્ટિમેટ સીનમાં ડિરેક્ટર, ડિરેક્ટર ઓફ ફોટોગ્રાફી તથા ફોક્સ પુલર માત્ર આટલા જ લોકો આ સીનને હેન્ડલ કરે છે. આ સમયે કોઈ પણ આસિસ્ટન્ટ ડિરેક્ટર પણ હાજર રહેતા નથી. ત્યાં સુધી કે મોનિટર પણ હટાવી દેવામાં આવ્યા હતા.

'શી'ની થીમ એ હતી કે એક મહિલા પોલીસકર્મી પોતાની સેક્સ્યુઆલિટી કેવી રીતે સમજે છે. 'અનારકલી ઓફ આરા'માં એક સિંગર પોતાના આત્મસન્માનને કેવી રીતે બચાવીને રાખે છે, તેના પર આધારિત હતી. બધા સાથે તાલમેલ હોવાને કારણે ક્યારેય કો-ઓર્ડિનેટરની જરૂર ઊભી થઈ નહીં.