રીગલ હનીમૂન:દુબઈની જે હોટલમાં નેહા કક્કર-રોહન પ્રીત મનાવી રહ્યાં છે હનીમૂન, એક રાતનું ભાડું એક લાખ રૂપિયા

નેહા કક્કર તથા રોહન પ્રીત સિંહ દુબઈમાં હનીમૂન મનાવી રહ્યા છે. બંનેએ 24 ઓક્ટોબરના રોજ લગ્ન કર્યા હતા. નેહાએ હનીમૂનની ઘણી તસવીરો સોશિયલ મીડિયામાં શૅર કરી છે. નેહા જે પણ તસવીર શૅર કરે છે, તેમાં તે દુબઈની એટલાન્ટિસ ધ પામને ટૅગ કરે છે. અહીંયા એક રાત રોકાવવાનું ભાડું એક લાખ રૂપિયા છે.

ધ પામમાં આ રેન્જમાં રૂમ મળે છે
રોહન પ્રીત સિંહ તથા નેહાએ ઈન્સ્ટાગ્રામમાં એટલાન્ટિસ હોટલની અનેક તસવીરો શૅર કરી છે. ઈન્ડિયા ટુડેના એક અહેવાલ પ્રમાણે, ધ પામમાં બે લોકો માટે એક દિવસનું સૌથી ઓછું ભાડું 26,834 રૂપિયા છે, જ્યારે સૌથી મોંઘો રૂમ પ્રેસિડેન્શિયલ છે, જેની કિંમત 3,21,414 રૂપિયા છે. અન્ય રૂમ 60 હજારથી એક લાખની અંદરના છે.

નેહા-રોહન રીગલ રૂમમાં રોકાયા છે
નેહાની ઈન્સ્ટા પોસ્ટ પરથી સ્પષ્ટ ખ્યાલ આવે છે કે બંને રીગલ રૂમ ક્લબમાં રોકાયા છે. એટલાન્ટિસની ઓફિશિયલ સાઈટ પ્રમાણે, આ રીગલ રૂમનું એક રાતનું ભાડું 72,403 રૂપિયા છે. જો તમે બ્રેકફાસ્ટ કરો છો તો આ કિંમત વધીને 89,370 રૂપિયા થાય છે. બ્રેકફાસ્ટની સાથે ડિનર પણ કરો છો તો ભાડું 1,01,813 રૂપિયા જેટલું થાય છે.

હોટલે ખાસ વ્યવસ્થા કરી હતી
નેહા-રોહન માટે હોટલે પોતાના તરફથી પણ ખાસ વ્યવસ્થા કરી હતી. જ્યારે તેઓ હોટલમાં આવ્યા ત્યારે તેમના વેલકમ માટે ચોકલેટ્સ, કેક તથા અન્ય લક્ઝૂરિયસ ફેસિલિટી અરેન્જ કરવામાં આવી હતી.