• Home
  • Entertainment
  • Bollywood
  • Sushant Singh Rajput Suicide Case: Actor's Friend Siddharth Pithani Gave Information To His Family Against Rhea Chakraborty, Suddenly, He Has Done A Volte face

સુશાંતના મિત્ર સિદ્ધાર્થ પર ગંભીર આક્ષેપો / સુશાંતના ફેમિલી વકીલ વિકાસ સિંહનો દાવો- 25 જુલાઈ સુધી ખુદ સિદ્ધાર્થ રિયા વિરુદ્ધ માહિતી આપી રહ્યો હતો, અચાનક તેનો વ્યવહાર બદલાઈ ગયો

Sushant Singh Rajput Suicide Case: Actor's Friend Siddharth Pithani Gave Information To His Family Against Rhea Chakraborty, Suddenly, He Has Done A Volte face
X
Sushant Singh Rajput Suicide Case: Actor's Friend Siddharth Pithani Gave Information To His Family Against Rhea Chakraborty, Suddenly, He Has Done A Volte face

  • સિદ્ધાર્થ પીઠાણીનો આરોપ છે કે સુશાંતનો પરિવાર તેને રિયાએ સુશાંતના અકાઉન્ટમાંથી 15 કરોડ રૂપિયાનું ટ્રાન્ઝેક્શન કર્યું આવું સ્ટેટમેન્ટ આપવા પ્રેશર કરી રહી છે
  • વિકાસ સિંહે એક ઇન્ટરવ્યૂમાં સિદ્ધાર્થ પર નિશાન સાધી કહ્યું, પોલીસ ટૂંક સમયમાં કેસના મૂળ સુધી જશે અને જાણી લેશે કે આમાં પીઠાણીનો રોલ શું હતો

દિવ્ય ભાસ્કર

Aug 01, 2020, 01:43 PM IST

થોડા દિવસ પહેલાં સુશાંત સિંહના મિત્ર સિદ્ધાર્થ પીઠાણીએ તેના પરિવાર પર આરોપ લગાવ્યો હતો કે તેઓ તેને રિયા વિરુદ્ધ સ્ટેટમેન્ટ આપવા પ્રેશર કરી રહ્યા છે. આ બાબતે સુશાંતના ફેમિલી વકીલ વિકાસ સિંહે કડક પ્રતિક્રિયા આપી છે. તેના જણાવ્યા અનુસાર 25 જુલાઈ સુધી સિદ્ધાર્થ ખુદ સુશાંતના પરિવારને રિયા વિરુદ્ધ જાણકારી આપી રહ્યો હતો. પરંતુ ત્યારબાદ તેનું વર્તન બદલાઈ ગયું.

‘ટાઈમ્સ ઓફ ઇન્ડિયા’ સાથેની વાતચીતમાં વિકાસે કહ્યું, 25 જુલાઈ સુધી તે પરિવારના સંપર્કમાં હતો અને એવું કહીને મદદ કરવાની ટ્રાય કરતો રહ્યો કે સુશાંત સાથે જે થયું તેના માટે રિયા ચક્રવર્તી જવાબદાર છે. અચાનક તેનું વર્તન બદલાઈ ગયું. મને નથી ખબર કે શું થયું? પરંતુ મને આશા છે કે પોલીસ ટૂંક સમયમાં કેસના મૂળ સુધી પહોંચીને જાણી લેશે કે આ કેસમાં પીઠાણીનો રોલ શું છે અને તેની પાસે એવી કઈ માહિતી છે જે તેણે શેર નથી કરી.

આ છે સિદ્ધાર્થ પીઠાણીનો આરોપ
વાત એમ છે કે રિયા ચક્રવર્તીએ સુપ્રીમ કોર્ટમાં એક યાચિકા ફાઈલ કરીને તેની વિરુદ્ધ પટનામાં ફાઈલ થયેલ કેસ મુંબઈ શિફ્ટ કરવાની અપીલ કરી હતી. તેમાં તેણે એવો દાવો કર્યો કે સિદ્ધાર્થ પીઠાણીએ મુંબઈ પોલીસને મેઇલ કરીને સુશાંતના પરિવાર દ્વારા તેને પ્રેશર કરવાની વાત કરી છે. સિદ્ધાર્થના મેઇલ મુજબ સુશાંતના ફેમિલી મેમ્બર્સ અને એક સિનિયર IPSએ તેને કોલ કર્યો. 22 અને 27 જુલાઈના આ કોલ આવ્યા અને તેને કહેવામાં આવ્યું કે તે તેના સ્ટેટમેન્ટમાં રિયાએ સુશાંતના અકાઉન્ટમાંથી 15 કરોડ રૂપિયાનું ટ્રાન્ઝેક્શન કર્યું હતું એવી વાત કરે.

પીઠાણીએ રિયાને મેલ કર્યો, તો તેની વિશ્વસનીયતા પર સંદેહ: વિકાસ સિંહ
સિદ્ધાર્થના મેઇલ વિશે વિકાસ સિંહે કહ્યું કે, આ એકદમ સરપ્રાઈઝિંગ છે. જો આ મેઇલ મુંબઈ પોલીસને કરવામાં આવ્યો હતો તો પછી રિયા સુધી કઈ રીતે પહોંચ્યો? જ્યારે આ મેલ જાહેરમાં આવ્યો ત્યાં સુધીમાં તો રિયાને એક FIRમાં આરોપી ગણાવી દેવામાં આવી હતી. માટે આ વાત પર સવાલ જ ઊભો નથી થતો કે આ પોલીસે તેને જણાવ્યું. જો પીઠાણીએ આ મેઇલ રિયાને મોકલ્યો હોય તો પછી તેની વિશ્વસનીયતા પર સંદેહ છે.

સિદ્ધાર્થે જ સૌથી પહેલાં સુશાંતને મૃત હાલતમાં જોયો હતો
વિકાસ સિંહે આગળ પીઠાણી પર નિશાન સાધતાં કહ્યું, આ છોકરો સુશાંત સાથે જ રહેતો હતો અને તેને જ સૌથી પહેલાં સુશાંતને મૃત હાલતમાં જોયો હતો. માટે જ્યારે તેને ખબર પડી કે દરવાજો બંધ છે તો તેણે સુશાંતની બહેન ન આવી ત્યાં સુધી દરવાજો જ ન ખોલ્યો. એણે દોઢ કલાક રાહ જોઈ.

મને આ 15 કરોડ વિશે કોઈ જાણકારી નથી: સિદ્ધાર્થ
શુક્રવારે ન્યૂઝ એજન્સી ANI સાથેની વાતચીતમાં સિદ્ધાર્થે કહ્યું હતું, સુશાંતના પરિવારે મને બોલાવ્યો અને મને કહ્યું રિયાએ 15 કરોડ રૂપિયાનું ટ્રાન્ઝેક્શન કર્યું છે અને મારે મારા સ્ટેટમેન્ટમાં આ વાત કહેવાની છે. મેં તેમને જવાબ આપ્યો કે હું માત્ર એ જ કહીશ જે વાતની જાણકારી મને છે અને જેના પર મને ભરોસો છે.

હું તેમને સુશાંતના મૃત્યુ પછી મળ્યો હતો. પરંતુ અચાનક આ ફેરફાર વિશે જાણતો ન હતો. ત્યારબાદ મેં પોલીસનો સંપર્ક કર્યો અને બધું જણાવી દીધું. તેમણે મને ઈમેલ એડ્રેસ આપ્યું અને માહિતી શેર કરવા કહ્યું. મેં પોલીસને જણાવ્યું કે સુશાંતનો પરિવાર મને કંઈક આવું સ્ટેટમેન્ટ આપવા માટે કહી રહ્યા છે. કાશ હું આ ટ્રાન્ઝેક્શન વિશે ખરેખર જાણતો હોત, તો હું સ્ટેટમેન્ટ આપી દેત. મને આ 15 કરોડ વિશે કોઈ માહિતી નથી.

Next Stories

    ની  સંપૂર્ણ વાંચનસામગ્રી