સુશાંતનો હેન્ડરિટન લેટર વાઇરલ:એક્ટરે લખ્યું હતું, મેં જીવનના 30 વર્ષ ખર્ચી નાખ્યા, પછી ખ્યાલ આવ્યો કે આખી રમત જ ખોટી હતી

સુશાંત સિંહ રાજપૂતની બહેન શ્વેતા સિંહ કીર્તિએ સોશિયલ મીડિયા પર પોતાના ભાઈનો હાથથી લખેલો લેટર શેર કર્યો છે. તેમાં એક્ટરે 30 વર્ષના પોતાના અનુભવ અને જિંદગીની સાચી રમત વિશે જણાવ્યું છે. શ્વેતાએ કેપ્શનમાં લખ્યું છે, 'ભાઈએ લખેલું. આ વિચાર ખૂબ ઉમદા છે.'

સુશાંતના લેટરનું ભાષાંતર
'મને લાગે છે કે મેં જિંદગીના 30 વર્ષ ખર્ચ કરી દીધા. પહેલા 30 વર્ષ કંઈક બનવાના પ્રયાસમાં. હું દરેક વસ્તુમાં સારો બનવા ઈચ્છતો હતો. હું ટેનિસ, સ્કૂલ અને ગ્રેડ્સમાં સારો બનવા ઈચ્છતો હતો. અને મેં દરેક વસ્તુને એ જ દ્રષ્ટિએ જોઈ. હું જેવો છું, એવો જ ઠીક છું. પણ જો મને સારી વસ્તુ મળી તો ખબર પડી કે આખી રમત જ ખોટી હતી. કારણકે આખી રમત તો તેને શોધવાની હતી, જે હું પહેલેથી જ હતો.'

મૃત્યુના 7 મહિના પુરા થયા
સુશાંત સિંહ રાજપૂત 14 જૂન 2020ના રોજ મુંબઈના બાંદ્રા સ્થિત તેના ફ્લેટમાં ફાંસીએ લટકેલો મળ્યો હતો. તેના મૃત્યુ બાદ CBI, ED, NCB, મુંબઈ પોલીસ અને બિહાર પોલીસે આ કેસની તપાસ કરી, પણ કોઈપણ અંતિમ નિર્ણય સુધી પહોંચ્યા નહીં કે એક્ટરના મૃત્યુનું સાચું કારણ શું છે? આ કેસમાં ડ્રગ્સ એન્ગલ સામે આવ્યા બાદ તેની ગર્લફ્રેન્ડ રિયા ચક્રવર્તી એક મહિનો જેલમાં પણ રહી હતી. તેનો ભાઈ 3 મહિના જેલમાં રહ્યો હતો.

મિત્ર અણ્ણા હઝારેને મળ્યો
આ વચ્ચે સુશાંત માટે ન્યાય માગી રહેલા તેના મિત્ર ગણેશ હિવરકરે અણ્ણા હઝારેની મુલાકાત લીધી. મુલાકાતનો ફોટો શેર કરીને ગણેશે સોશિયલ મીડિયા પર લખ્યું કે તે છેલ્લા 3 મહિનાથી RSS પ્રમુખ મોહન ભાગવતને મળવાની પણ ટ્રાય કરી રહ્યા છે, કૃપા કરીને કોઈ તેમની મદદ કરી શકતા હોય તો જણાવો. સાથે જ એક લેટર લખીને સુશાંતના મૃત્યુ વિશે જણાવ્યું છે. (વાંચો આખા સમાચાર)