એક્ટ્રેસ સો.મીડિયાથી કંટાળી:શિલ્પા શેટ્ટીએ તમામ સોશિયલ મીડિયા પ્લેટફોર્મ્સમાંથી બ્રેકની જાહેરાત કરી, કહ્યું- એક જેવી વસ્તુઓ જોઈને કંટાળી ગઈ છું

12 દિવસ પહેલા
  • કૉપી લિંક

એક્ટ્રેસ શિલ્પા શેટ્ટીએ ગુરુવારે સોશિયલ મીડિયામાંથી બ્રેક લેવાની જાહેરાત કરી દીધી. આ વાતની જાણકારી શિલ્પાએ જાતે એક પોસ્ટ શેર કરીને ફેન્સને આપી છે. તેણે કહ્યું કે તે સોશિયલ મીડિયાથી કંટાળી ગઈ છે. એક્ટ્રેસે એવું પણ કહ્યું કે, હવે તે સોશિયલ મીડિયાના તમામ પ્લેટફોર્મસ પર ત્યારે પરત ફરશે, જ્યાં સુધી તેમાં તેને તેમાં કંઈક નવું ન મળે.

સોશિયલ મીડિયાથી દૂર જઈ રહી છુંઃ શિલ્પા
શિલ્પા શેટ્ટીએ એક બ્લેક સ્ક્રીનનો ફોટો શેર કરીને લખ્યું, એક જેવી વસ્તુઓથી કંટાળી ગઈ છું, બધું એક જેવું દેખાઈ રહ્યું છે. તેથી સોશિયલ મીડિયાથી દૂર જઈ રહી છું. હવે ત્યારે પરત ફરીશ જ્યાં સુધી તેમાં કંઈક નવું નહીં આવે. શિલ્પા શેટ્ટીએ આ સેમ પોસ્ટ ટ્વિટર અને ઈન્સ્ટાગ્રામ બંને સોશિયલ મીડિયા પ્લેટફોર્મસ પર શેર કરી છે.

શિલ્પાના ઈન્સ્ટાગ્રામ પર 2.5 કરોડથી વધુ ફોલોઅર્સ
શિલ્પા શેટ્ટીના સોશિયલ મીડિયા પર સારું એવું ફેન ફોલોઈંગ છે. તે સોશિયલ મીડિયા પર હંમેશાં પોતાના અપકમિંગ પ્રોજેક્ટ્સ, હેલ્થ, ફિટનેસ અને મોટિવેશન સંબંધિત પોસ્ટ ફેન્સની સાથે શેર કરતી રહે છે. તે ઉપરાંત તે પોતાની ફેમિલીની સાથે ફોટો અને વીડિયો પણ હંમેશાં શેર કરતી રહે છે. શિલ્પાના ઈન્સ્ટાગ્રામ પર 2.5 કરોડથી વધુ ફોલોઅર્સ છે. તેમજ ટ્વિટર પર તેણે 0.64 કરોડથી વધુ લોકો ફોલો કરે છે.

'ઈન્ડિયન પોલીસ ફોર્સ'માં જોવા મળશે શિલ્પા શેટ્ટી

વર્ક ફ્રન્ટની વાત કરીએ તો શિલ્પા અત્યારે ગોવામાં ડાયરેક્ટર રોહિત શેટ્ટીની અપકમિંગ વેબ સિરીઝ 'ઈન્ડિયન પોલીસ ફોર્સ'નું શૂટિંગ કરી રહી છે. તે રોહિતના કોપ યુનિવર્સની પહેલી ફિમેલ કોપ છે. તાજેતરમાં સિરીઝથી શિલ્પાનો ફર્સ્ટ લુક પણ સામે આવ્યો હતો. આ શોથી રોહિત OTT પ્લેટફોર્મ પર ડેબ્યુ કરવા જઈ રહ્યો છે. આ સિરીઝમાં શિલ્પા સિવાય સિદ્ધાર્થ મલ્હોત્રા અને વિવેક ઓબેરોય પણ લીડ રોલમાં જોવા મળશે.