એક્ટર દીકરીને જોતા રડી પડ્યો:રણબીરને ભાવુક જોઈને આલિયા ભટ્ટ સહિત પરિવારની આંખો પણ ભીંજાઈ

મુંબઈએક મહિનો પહેલા
  • કૉપી લિંક

રણબીર કપૂર તથા આલિયા ભટ્ટ છ નવેમ્બરના રોજ દીકરીના પેરેન્ટ્સ બન્યા છે. બંને માટે આ ક્ષણ ઘણી જ ભાવુક રહી છે. સૂત્રોના મતે રણબીરે જ્યારે પહેલી જ વાર દીકરીને હાથમાં લીધી તો તેની આંખમાંથી આંસુ વહેવવા લાગ્યા હતા. હંમેશાં મજાક-મસ્તીમાં રહેનારો રણબીર આ ક્ષણે એકદમ ભાવુક થઈ ગયો હતો. પતિની આંખમાં આંસુ જોઈને આલિયા પણ પોતાની લાગણીઓ પર કાબૂ રાખી શકી નહોતી અને તે પણ રડવા લાગી હતી.

પરિવાર ભાવુક થયો
રણબીર-આલિયાને આ રીતે રડતાં જોઈને ભટ્ટ તથા કપૂર પરિવાર પણ ઇમોશનલ થઈ ગયો હતો. હોસ્પિટલમાં નીતુ સિંહ, આલિયાની બહેન શાહિન તથા માતા સોની રાઝદાન હતા. આ તમામ પણ પોતાની લાગણીને કંટ્રોલ કરી શક્યા નહોતા અને રડી પડ્યા હતા.

દીકરીના જન્મની જાહેરાત સો.મીડિયામાં કરી આલિયાએ સો.મીડિયામાં સિંહ, સિંહણ તથા બાળ સિંહની તસવીર શૅર કરી હતી. આ તસવીર શૅર કરીને આલિયાએ કહ્યું હતું, 'અમારા જીવનના બેસ્ટ ન્યૂઝ આવી ગયા છે. અમારું બેબી આ દુનિયામાં આવી ગયું છે અને તે દીકરી છે. આ ખુશીને વ્યક્ત કરવી મુશ્કેલ છે. અમે બ્લેસ્ડ પેરેન્ટ્સ બની ગયા છીએ. પ્રેમ, પ્રેમ, પ્રેમ આલિયા તથા રણબીર.'

6 નવેમ્બરે દીકરીને જન્મ આપ્યો
આલિયાએ મુંબઈની HN રિલાયન્સ હોસ્પિટલમાં પહેલેથી જ રૂમ બુક કરાવીને રાખ્યો હતો. છ નવેમ્બરના રોજ આલિયા તથા રણબીર સવારે સાડા સાત વાગે હોસ્પિટલ આવ્યા હતા. માનવામાં આવે છે કે આલિયાએ C સેક્શનથી દીકરીને જન્મ આપ્યો છે. જોકે, હજી સુધી પરિવારે આ અંગે કોઈ વાત કહી નથી. ઉલ્લેખનીય છે કે આ જ હોસ્પિટલમાં રિશી કપૂર એડમિટ હતા અને તેમણે અહીંયાં અંતિમ શ્વાસ લીધા હતા. આલિયા ભટ્ટે દીકરીને જન્મ આપ્યા હોવાના સમાચાર સામે આવતા જ સેલેબ્સ તથા ચાહકોએ શુભેચ્છા પાઠવી છે. અક્ષય કુમાર, દીપિકા પાદુકોણ, સોનમ કપૂર, અનુષ્કા શર્મા, માધુરી દીક્ષિત, મૌની રોય સહિતના સેલેબ્સે કપલને શુભેચ્છા પાઠવી હતી.

14 એપ્રિલે લગ્ન કર્યાં ને જૂનમાં પ્રેગ્નન્સીની જાહેરાત કરી
રણબીર તથા આલિયાએ પરિવાર તથા મિત્રોની હાજરીમાં 14 એપ્રિલના રોજ લગ્ન કર્યાં હતાં. પાંચ વર્ષના ડેટિંગ બાદ બંનેએ લગ્ન કર્યાં હતાં. 27 જૂનના રોજ આલિયાએ સો.મીડિયામાં પ્રેગ્નન્સીની જાહેરાત કરી હતી. આલિયાએ હોસ્પિટલની તસવીર શૅર કરીને કહ્યું હતું કે તેમનું બાળક ટૂંક સમયમાં આવી રહ્યું છે. તસવીરમાં તે અલ્ટ્રા સાઉન્ડ કરાવતી હતી. આલિયાની સાથે પતિ રણબીર કપૂર હતો. આલિયાએ પ્રેગ્નન્સીમાં સતત કામ કર્યું હતું. પહેલાં તેણે 'હાર્ટ ઑફ સ્ટોન'નું શૂટિંગ કર્યું હતું. ત્યારબાદ તેણે 'ડાર્લિંગ્સ' તથા 'બ્રહ્માસ્ત્ર'નું પ્રમોશન કર્યું હતું. આલિયાએ 'રૉકી ઔર રાની કી પ્રેમકહાની'નું પણ શૂટિંગ કર્યું હતું.

વર્કફ્રન્ટની વાત કરીએ તો નીતુ સિંહ ફિલ્મ 'જુગ જુગ જિયો'માં જોવા મળ્યાં હતાં. આલિયા તથા રણબીર 'બ્રહ્માસ્ત્ર'માં સાથે જોવા મળ્યાં હતાં. આલિયા હવે હોલિવૂડ પ્રોજેક્ટ તથા હિંદી ફિલ્મ 'રૉકી ઔર રાની કી પ્રેમકહાની'માં જોવા મળશે. રણબીર કપૂર ફિલ્મ 'એનિમલ' તથા લવ રંજનની ફિલ્મમાં શ્રદ્ધા કપૂર સાથે કામ કરી રહ્યો છે.

અન્ય સમાચારો પણ છે...