સ્નેહદીપે રણબીર-આલિયાનું ગીત 5 ભાષાઓમાં ગાયું:પીએમ નરેન્દ્ર મોદીએ વીડિયો શેર કરીને પ્રશંસાના પુલ બાંધ્યા

રણબીર કપૂર અને આલિયા ભટ્ટની ફિલ્મ 'બ્રહ્માસ્ત્ર'નું ગીત 'કેસરિયા' જબરજસ્ત હિટ રહ્યું હતું. માત્ર ફિલ્મ જ નહીં, લોકોને બ્રહ્માસ્ત્રના ગીતો પણ પસંદ આવ્યા. હવે આ દરમિયાન એક વ્યક્તિએ આ ગીત 5 ભાષાઓમાં ગાયું છે. આ વ્યક્તિનું નામ સ્નેહદીપ સિંહ છે. તેણે આ ગીત મલયાલમ, તમિલ, તેલુગુ, કન્નડ અને હિન્દી ભાષાઓમાં ગાયું છે. સ્નેહદીપનો વીડિયો સામે આવતાની સાથે જ વડાપ્રધાન નરેન્દ્ર મોદીએ પણ તેની પ્રશંસા કરી છે.

પીએમ મોદીએ વખાણ કર્યા સ્નેહદીપના આ વીડિયોને ટ્વિટ કરીને મોદીએ લખ્યું, 'આ અદ્ભુત પ્રસ્તુતિ જોઈ. સ્નેહદીપ સિંહના મધુર અવાજ ઉપરાંત, તે 'એક ભારત શ્રેષ્ઠ ભારત' ની ભાવનાની મહાન અભિવ્યક્તિ છે. ફેબ્યુલસ.' પીએમ મોદીના ટ્વિટ બાદ સ્નેહદીપ ચર્ચામાં આવી ગયો છે. સિંગરના દરેક રીતે વખાણ થઈ રહ્યા છે.

આનંદ મહિન્દ્રાએ પણ વીડિયો શેર કર્યો છે વડાપ્રધાન સિવાય આ વીડિયોને પ્રખ્યાત ઉદ્યોગપતિ આનંદ મહિન્દ્રાએ પણ શેર કર્યો છે. આ વીડિયો શેર કરતા તેણે લખ્યું, 'ખૂબ જ સુંદર. અતૂટ…અખંડ ભારત એવું જ સંભળાય છે.