જોન અબ્રાહમનું 'પઠાન'ને લઈને મૌન:KRKએ કહ્યું કે, 'પઠાન'ના ફાઇનલ કટને કારણે હેરાન-પરેશાન છે જોન

'પઠાન' ફિલ્મને લઈને અનેક જગ્યાએ વિરોધ થઇ રહ્યો છે. તો ફિલ્મનું ઠીક ટ્રેલરનો પણ વિરોધ ચાલી રહ્યો છે. તો બીજી તરફ વધી રહેલા વિવાદોને જોતા થોડા દિવસો પહેલા સેન્સર બોર્ડ ઓફ ફિલ્મ સર્ટિફિકેશન (CBFC)એ આ ફિલ્મના 10 સીન બદલવા માટે કહ્યું હતું. આ વચ્ચે ફિલ્મ ક્રિટિક KRKનું કહેવું છે કે, જોન અબ્રાહમ 'પઠાન' ફિલ્મની ફાઈનલ કટને લઈને નારાજ છે. તો કેઆરકેએ દાવો કર્યો છે કે તેણે આ અંગે જોન સાથે પણ વાત કરી છે અને તે ખૂબ જ નારાજ છે.

KRKએ સોશિયલ મીડિયા પર એક વીડિયો શેર કર્યો છે, જેમાં જોન એક ઈવેન્ટમાં પહોંચ્યો છે, પરંતુ જ્યારે 'પઠાન' વિશે સવાલ કરવામાં આવ્યો ત્યારે તે અસ્વસ્થ દેખાઈ રહ્યો હતો અને જવાબ આપવાનો ઇન્કાર કરી દીધો હતો.

કેઆરકેના જણાવ્યા અનુસાર, જોન એ વાતથી નારાજ છે કે દિગ્દર્શકે તેને ફિલ્મની શરૂઆત પહેલા એક અલગ વાત કહી હતી અને બાદમાં કંઈક અલગ જ જોવા મળ્યું હતું.

KRKએ 'પઠાન'ના ટ્રેલરની આલોચના કરી
ટીકા આ સિવાય KRKએ પોતાની ચેનલ પર 'પઠાન'ના ટ્રેલરની ઘણી ટીકા કરી છે.તે કહે છે કે 'પઠાન'ના સીન અને એક્શન સિક્વન્સ હોલિવૂડ અને યશરાજ ફિલ્મ્સની અગાઉની ફિલ્મોમાંથી કોપી કરવામાં આવ્યા છે. કેઆરકેએ કહ્યું છે કે દિગ્દર્શક સિદ્ધાર્થ આનંદે તેની અગાઉની ફિલ્મ 'વોર'ના આખા દ્રશ્યોની નકલ કરી છે.

'પઠાન'ના વિલનનો રોલ નિભાવી રહ્યો છે જોન
'પઠાન' ફિલ્મમાં જોન અબ્રાહમની વાત કરવામાં આવે તો તે આતંકવાદીનો રોલ નિભાવે છે. ફિલ્મના ટ્રેલરમાં શાહરૂખ અને તેની વચ્ચે પાવર પેક્ડ એક્શન જોવા મળે છે. જોન લાંબા સમય પછી કોઈ ફિલ્મમાં નેગેટિવ રોલ નિભાવતો જોવા મળશે.

'પઠાન'નું ટ્રેલર પેક્ડ એક્શનથી ભરપૂર છે
તો શાહરુખ ખાનની બહુ ચર્ચિત ફિલ્મ 'પઠાન'નું ટ્રેલર 10 જાન્યુઆરીએ બધા જ સોશિયલ મીડિયામાં એક સાથે રિલીઝ કરવામાં આવ્યું હતું. ટ્રેલરમાં શાહરુખ અને જોનના જબરદડટ એક્શન સીન જોવા મળી રહ્યા છે. શાહરુખ આ ફિલ્મમાં એક સૈનિકની ભૂમિકા નિભાવી રહ્યો છે, જે આતંકી ગ્રુપના હુમલાથી દેશને બચાવશે.

જોન અબ્રાહમ એક વિલનના રોલમાંમાં છે જે ભારત પર હુમલો કરવાની યોજના ઘડે છે. આ લડાઈમાં શાહરૂખ ખાનને દીપિકા પાદુકોણનો સાથ મળે છે. ટ્રેલર જોયા પછી ફેન્સને શાહરૂખનો ડાયલોગ ખૂબ જ પસંદ આવી રહ્યો છે, જે છે 'પઠાન તો આયેગા...સાથ મેં પટાખે ભી લાયેગા..'

'બેશરમ રંગ'ને લઇને વિવાદ થયો
ફિલ્મના ગીત 'બેશરમ રંગ'ને લઈને ઘણો વિવાદ થયો હતો.આ ફિલ્મનું પહેલું ગીત હતું જે રિલીઝ થયું હતું, પરંતુ રિલીઝ થયા બાદથી જ આ ગીત વિવાદોમાં ફસાયું હતું. આ ગીતને લઈને વિવાદ એટલે થયો હતો કે, દીપિકા પાદુકોણે ગીતમાં કેસરી રંગની બિકીની પહેરી છે. આ સ્થિતિમાં ઘણા હિન્દુ સંગઠનોએ દીપિકાના ડ્રેસને લઈને વાંધો ઉઠાવ્યો છે. વિરોધીઓનું કહેવું છે કે ભગવો રંગ હિંદુ ધર્મનું પ્રતિક છે અને દીપિકા આ ​​રંગ પહેરીને બેશરમના ગીતો સાથેના ગીત પર ડાન્સ કરી રહી છે, જે એકદમ વાંધાજનક છે.

25 જાન્યુઆરીએ 'પઠાન' રિલીઝ થશે
શાહરુખ ખાન હાલમાં 'પઠાન'ને કારણે ચર્ચામાં છે. આ ફિલ્મ 25 જાન્યુઆરીએ રિલીઝ થવાની છે. આ ફિલ્મને સિદ્ધાર્થ આનંદે ડિરેક્ટ કરી છે અને ફિલ્મમાં દીપિકા પાદુકોણ તથા જ્હોન અબ્રાહ્મ લીડ રોલમાં છે. આ ઉપરાંત શાહરુખ ખાન એટલીની ફિલ્મ 'જવાન'માં પણ કામ કરી રહ્યો છે. આ ફિલ્મમાં નયનતારા લીડ રોલમાં છે. આ ફિલ્મ આવતા વર્ષે 2 જૂનના રોજ રિલીઝ થશે.