ફિલ્મ એનિવર્સરી:રેફ્યુજી ફિલ્મને 20 વર્ષ થયા, અભિષેકે બચ્ચન અને કરીના કપૂરને ઇન્ડસ્ટ્રીમાં 20 વર્ષ થયા તેની પોસ્ટ શેર કરી

વર્ષ 2000માં 30 જૂનના રોજ અભિષેક બચ્ચન અને કરીના કપૂરની ડેબ્યુ ફિલ્મ રેફ્યુજી રિલીઝ થઇ હતી. આ ફિલ્મને 20 વર્ષ પૂરા થયા છે. ફિલ્મને જેપી દત્તાએ ડિરેક્ટ કરી હતી અને પ્રોડ્યુસ પણ કરી હતી. આ ફિલ્મને લઈને ફિલ્મની કાસ્ટ કરીના અને અભિષેકે સોશિયલ મીડિયા પર પોસ્ટ શેર કરી છે.

20 વર્ષ સર્વાઇવ કર્યું: અભિષેક બચ્ચન 
અભિષેકે ઇન્ડસ્ટ્રીમાં 20 વર્ષ પૂરા કર્યા અને તેની વિવિધ ફિલ્મ્સના કેરેક્ટરનું આર્ટવર્ક શેર કરીને તેણે દિલની વાત શેર કરી કે, આજે 20 વર્ષ પહેલાં જેપી દત્તાની રેફ્યુજી રિલીઝ થઇ હતી. મારી અને કરીનાની ફિલ્મની દુનિયામાં એન્ટ્રી થઇ હતી. તમારી પહેલી ફિલ્મ હંમેશાં ગમતી અને ખાસ હોય છે. રેફ્યુજીનો અનુભવ અદભુત હતો અને ન્યૂકમરને બસ આટલું જ જોઈતું હોય છે. ટીમ અને ક્રૂનો આભાર.

આગળ તેણે લખ્યું કે, કોઈપણ એક્ટર તમને કહી શકશે કે ફિલ્મ બનાવી એક સમ્માનની વાત છે. 20 વર્ષ સર્વાઇવ કરવાની વાત માન્યામાં નથી આવતી. સૌથી સારી વાત એ છે કે મને લાગે છે કે મેં હજુ સ્ટાર્ટ જ કર્યું છે. મારે હજુ ઘણું સાબિત કરવાનું છે. હજુ ઘણું બધું કરવાનું છે અને હું રાહ જોઈ શકું એમ નથી. પરિવાર વિના આ કઈ શક્ય ન બન્યું હોત. તેમને જ્યારે મારુ પરર્ફોર્મન્સ ન ગમે ત્યારે મને કહેતા અને જ્યારે ગમે ત્યારે પ્રેમથી તેના વિશે પણ કહેતા.

મેં લીધેલ બેસ્ટ નિર્ણય: કરીના કપૂર 
કરીનાએ ફિલ્મનો તેનો પહેલો શોટ શેર કરી લખ્યું કે, મારો પહેલો શોટ સવારે 4 વાગ્યે હતો અને આજે સવારે હું 4 વાગ્યે ઉઠી, અરીસામાં જોયું અને ખુદને કહ્યું, આ મારી જિંદગીનો સૌથી સારો નિર્ણય હતો. હાર્ડ વર્ક, ડેડિકેશન અને સેલ્ફ કોન્ફિડન્સના 20 વર્ષ. 

ફિલ્મને લઈને તેણે લખ્યું કે, પ્રેમ, સપોર્ટ અને તાકાત માટે હું મારા ફેન્સનો દિલથી આભાર માનું છું. આભાર જેપી દત્તા મારી લાઈફ અને ફિલ્મ્સ માટે. અભિષેક બચ્ચન આભાર સારો કો-સ્ટાર બનવા બદલ અને આ ફિલ્મ સાથે જોડાયેલ દરેક વ્યક્તિનો આભાર.