બર્થડે:કરન જોહરના બાળકો યશ-રૂહીના જન્મદિવસની પાર્ટીની તસવીરો, પ્રેગ્નન્ટ કરીના કપૂર દીકરા સાથે આવી

કરીના કપૂરની પ્રેગ્નન્સીના પૂરા દિવસો જઈ રહ્યાં છે. કરીના આ દિવસોમાં પણ ભરપૂર એન્જોયમેન્ટ કરી રહી છે. હાલમાં જ કરીના ડિરેક્ટર-પ્રોડ્યૂસર કરન જોહરના ટ્વિન યશ તથા રૂહીની બર્થડે પાર્ટીમાં જોવા મળી હતી. કરીના દીકરા તૈમુર સાથે આવી હતી. કરીનાએ સોશિયલ મીડિયામાં બર્થડે પાર્ટીની તસવીરો પણ શૅર કરી હતી. યશ-રૂહીની ફોર્થ બર્થડે પાર્ટીમાં એકતા કપૂર દીકરા રવિ સાથે, ગૌરી પુત્ર અબરામ સાથે, મનિષ મલ્હોત્રા, નેહા ધૂપિયા, રાની મુખર્જી, અયાન મુખર્જી, તુષાર કપૂર દીકરા લક્ષ્ય સાથે આવ્યો હતો.

2017માં જન્મ થયો હતો
યશ તથા રૂહીનો જન્મ સેરોગસીની મદદથી થયો હતો. 2017માં સાત ફેબ્રુઆરીના રોજ યશ તથા રૂહીનો જન્મ મુંબઈ અંધેરીની મસરાની હોસ્પિટલમાં થયો હતો. ઉલ્લેખનીય છે કે આ જ હોસ્પિટલમાં શાહરુખના દીકરા અબરામનો જન્મ 2013માં થયો હતો. કરને બાળકોના જન્મનું રજિસ્ટ્રેશન 3, માર્ચ, 2017માં કરાવ્યું હતું. કરને પિતાના નામ પરથી દીકરાનું નામ યશ તથા માતાના નામ પરથી રૂહી (માતાનું નામ હિરૂ તેના પરથી રૂહી) નામ પાડ્યું હતું.

યશ-રૂહીની જન્મદિવસની પાર્ટી તસવીરોમાં...