ભારતીય પ્રતિભાને પ્રોત્સાહિત કરવામાં પ્રિયંકા અગ્રેસર:લોસ એન્જલસમાં ગુજરાતી ફિલ્મ ‘છેલ્લો શો’નું સ્ક્રિનિંગ અને રિસેપ્શન હોસ્ટ કર્યું

BBC 100 Womenમાં સ્થાન મેળવનાર અને પદ્મશ્રીનું સન્માન મેળવનાર બોલિવુડ સેલેબ્રિટી પ્રિયંકા ચોપરા હંમેશા ભારતીય પ્રતિભાને પ્રોત્સાહિત કરવા અને પ્રાદેશિક ફિલ્મોનાં પ્રમોશન માટે અગ્રેસર રહે છે. તેણે તાજેતરમાં જ ગુજરાતી ફિલ્મ ‘લાસ્ટ ફિલ્મ શો’ (જેનું ઓરિજિનલ નામ ‘છેલ્લો શો’ છે)નું લોસ એન્જલસમાં સ્ક્રિનિંગ અને રિસેપ્શન હોસ્ટ કર્યું હતું, આ ફિલ્મને બેસ્ટ ઈન્ટરનેશનલ ફિચર ફિલ્મ કેટેગરીમાં ઓસ્કર માટે શોર્ટલિસ્ટ કરવામાં આવ્યું છે. 95મા એકેડેમી એવોર્ડ્સ માટેના અંતિમ નામાંકનની જાહેરાત કરવામાં આવી તેના થોડા દિવસો પહેલાં તેણીએ આ ફિલ્મ વિશે વિગતવાર વાત કરી હતી.

નિર્માતા ડેવિડ ડુબિન્સ્કીએ આ કાર્યક્રમમાં ભાગ લીધો હતો અને પોતાના ઈન્સ્ટાગ્રામ પર આ રાતની અમુક ફોટોસ અને વીડિયો પણ શેર કર્યા હતા. આ ફોટોસમાં પ્રિયંકા બ્લેક બૂટ્સ સાથે બ્લેક ડ્રેસમાં જોવા મળી હતી. તે આ ઇવેન્ટમાં ‘લાસ્ટ ફિલ્મ શો’નાં ડિરેક્ટર પાન નલિન અને ચાઇલ્ડ એક્ટર ભાવિન રબારી સાથે જોડાઇ હતી.

આ ઈવેન્ટ દરમિયાન પ્રિયંકાએ નાના ગામડાઓ અને શહેરોમાં સિંગલ સ્ક્રીન થિયેટરનાં સમય વિશે વાત કરી હતી અને કહ્યું હતું કે, ‘તેના પિતા પણ ફિલ્મો જોવા માટે સ્કૂલ બંક કરતા હતા.’ તેણે ભાવિનને એ પણ પૂછ્યું કે, ‘આ ફિલ્મ કરતાં પહેલાં તેણે કઈ ફિલ્મ જોઈ હતી?’ તેણે જવાબ આપ્યો, ‘દંગલ’.

આ ફોટો શેર કરતાં ડેવિડે લખ્યું, ‘લાસ્ટ ફિલ્મ શોનાં મૂવી સ્ક્રીનિંગ અને રિસેપ્શનમાં પ્રિયંકા ચોપડા (અભિનેત્રી, મોડેલ અને નિર્માતા) સાથે. ભારતનાં એક દૂરનાં ગામનાં એક છોકરો જે ડિજિટલ પ્રોજેક્શનની જેમ જ મૂવી થિયેટરની ખુશીઓ શોધી કાઢે છે. તે એકેડેમી એવોર્ડ્સમાં ભારતની રજૂઆત છે અને તેને હમણાં જ બેસ્ટ ઇન્ટરનેશનલ ફિચર ફિલ્મ કેટેગરીમાં શોર્ટલિસ્ટ કરવામાં આવી હતી. નેટફ્લિક્સ પર તે ઉપલબ્ધ છે.’

પાન નલિન દ્વારા નિર્દેશિત અને સિદ્ધાર્થ રોય કપૂર અને ધીર મોમાયા દ્વારા નિર્મિત ‘લાસ્ટ ફિલ્મ શો’ એ ઓસ્કરમાં ભારતની સત્તાવાર એન્ટ્રી છે. આ ફિલ્મમાં ભાવિન રબારી, રિચા મીના, ભાવેશ શ્રીમાળી, દીપેન રાવલ, રાહુલ કોલી અને વિકાસ બાટા મુખ્ય ભૂમિકામાં છે. સૌરાષ્ટ્રનાં એક ગામમાં એક યુવાન છોકરાની સિનેમા સાથેનાં પ્રેમસંબંધની આ એક આવનારી વાર્તા છે. તે 9 વર્ષનાં સિનેમા પ્રેમી સમય (ભાવિન રબારી)ને અનુસરે છે, કારણ કે તે તેના 35mmનાં સપનાની શોધમાં સ્વર્ગ અને પૃથ્વી પર ફરે છે, જે તેની રાહ જોતાં હ્રદયસ્પર્શી સમયથી અજાણ છે.

આ ફિલ્મને ટ્રિબેકા, બ્યુનોસ એર્સ ઇન્ટરનેશનલ ફેસ્ટિવલ ઓફ ઇન્ડિપેન્ડન્ટ સિનેમા જેવા વિશ્વભરના પ્રતિષ્ઠિત ફિલ્મ ફેસ્ટિવલમાં નોમિનેટ કરવામાં આવી છે અને પ્રદર્શિત કરવામાં આવી છે. લોસ એન્જલસમાં એશિયન વર્લ્ડ ફિલ્મ ફેસ્ટિવલમાં પણ તેણે શ્રેષ્ઠ પિક્ચરનું સ્થાન મેળવ્યું હતું. આ દરમિયાન જો વર્ક ફ્રન્ટની વાત કરીએ તો, પ્રિયંકા ‘All Coming Back To Me’ અને રુસો બ્રધર્સની OTT સિરીઝ ‘Citadel’માં જોવા મળશે. આ સાઈ-ફાઈ ડ્રામા સિરીઝનું દિગ્દર્શન પેટ્રિક મોર્ગન કરી રહ્યા છે અને તેમાં પ્રિયંકાની સાથે રિચર્ડ મેડન ચમકી રહ્યા છે. તે ફરહાન અખ્તરની ‘જી લે ઝરા’માં આલિયા ભટ્ટ અને કેટરિના કૈફ સાથે સ્ક્રીન સ્પેસ પણ શેર કરશે.