કંગનાએ ફેન્સને આપી લોહરીની શુભકામના:બાળપણના ફોટોઝ શેર કરી કહ્યું - શહેરના બાળકો કરતા ગામના બાળકો લોહરી પર વધારે મજા કરતા હોય છે

દેશમાં કોરોના મહામારી વચ્ચે લોહરીનો તહેવાર મનાવવામાં આવી રહ્યું છે. આ અવસરે કંગના રણૌતે પણ એક પોસ્ટ શેર કરી ફેન્સને શુભકામનાઓ પાઠવી છે. બાળપણના ફોટો શેર કરતા કંગનાએ પોસ્ટમાં લખ્યું કે ‘હિમાચલમાં અમારે ત્યાં લોહરી ગાવાની રીત છે. બાળપણમાં અમે બાળકો ગ્રુપ બનાવી પાડોશીઓને ત્યાં જઈ લોહરી ગાઈને પૈસા અને મીઠાઈઓ એકત્રીત કરતા હતા. મને લાગે છે કે ગામ અને સંયુક્ત પરિવારના બાળકો શહેરોની ન્યુક્લિયર ફેમિલીના બાળકો કરતા વધારે મજા કરતા હોય છે. હેપી લોહરી 2021’