આર્યન ખાન ડ્રગ કેસ:NCB અધિકારીનો ખુલાસો, પૂછપરછ દરમિયાન આર્યને કહ્યું- શું હું આ લાયક છું? દીકરાની ચિંતામાં શાહરુખ ખાન રડી પડ્યો હતો

16 દિવસ પહેલા
  • સર, તમે ઘણું ખોટું કર્યું છે અને મારી ઈજ્જત ખરાબ કરી દીધી ​​​​​- આર્યન ખાન

બોલિવૂડના કિંગ શાહરુખ ખાનના દીકરા આર્યન ખાનને ક્રૂઝ ડ્રગ્સ કેસમાં ક્લીનચિટ મળી ગઈ છે. આ કેસમાં તેણે લગભગ 26 દિવસ સુધી જેલમાં રહેવું પડ્યું હતું. જોકે આ કેસમાં ક્લીનચિટ મળ્યા પછી આર્યનની તરફથી કોઈ નિવેદન સામે નથી આવ્યું, પરંતુ તાજેતરમાં આપેલા એક ઈન્ટરવ્યુમાં NCBના એક સિનિયર ઓફિસર સંજય સિંહે આર્યન ખાનની ધરપકડ અને જેલમાં તેના દ્વારા આપવામાં આવેલાં નિવેદનો વિશે જણાવ્યું છે. તેમણે એવું પણ કહ્યું હતું કે દીકરાની ચિંતામાં શાહરુખ ખાન રડી પડતો હતો.

સર, તમે ઘણું ખોટું કર્યુંઃ આર્યન
NCB ઓફિસર સંજય સિંહે આ કેસની તપાસ કરી રહી રહેલી SITનું નેતૃત્વ કર્યું હતું. તેમણે કહ્યું હતું કે આર્યનને મને જણાવ્યું હતું કે એજન્સી મારી સાથે ઈન્ટરનેશનલ ડ્રગ સ્મગલરની જેમ વર્તણૂક કરી રહી છે. મને એવી રીતે બતાવવામાં આવી રહ્યો છે કે હું ડ્રગ્સ વેચું છું. શું આ આરોપ પાયાવિહોણા નથી? ક્રૂઝમાંથી મારી પાસે કોઈ ડ્રગ્સ નહોતું મળ્યું, એમ છતાં મારી ધરપકડ કરવામાં આવી. આર્યને મને પૂછ્યું કે જ્યારે મારા વિરુદ્ધ કોઈ પુરાવા ન મળ્યા તો મને આટલા લાંબા સમય સુધી જેલમાં કેમ રાખવામાં આવ્યો? શું હું વાસ્તવમાં એને લાયક છું? સર, તમે ઘણું ખોટું કર્યું છે અને મારી ઈજ્જત ખરાબ કરી દીધી છે.

શાહરુખની આંખોમાં આંસુ આવી ગયાં હતાં
સંજય સિંહે આગળ જણાવ્યું હતું કે આ કેસ દરમિયાન હું આર્યનની સાથે સાથે શાહરુખ ખાનની પણ સાથે હતો. તે દીકરાની મેન્ટલ અને ફિઝિકલ હેલ્થ વિશે ચિંતિત હતો. વાતચીત દરમિયાન શાહરુખની આંખોમાં આંસુ આવી ગયાં હતાં. તેણે કહ્યું, અમને કોઈ ક્રિમિનલ અથવા મોન્સ્ટરની જેમ બતાવવામાં આવ્યા, જેઓ માત્ર સમાજને બરબાદ કરવા માટે ઘરની બહાર નીકળે છે.

જામીન મળ્યાના 2 દિવસ બાદ આર્યન ખાન જેલમાંથી બહાર આવ્યો હતો.
જામીન મળ્યાના 2 દિવસ બાદ આર્યન ખાન જેલમાંથી બહાર આવ્યો હતો.

આ આધારે આર્યનને ક્લીનચિટ મળી

  • NCBના ડીજી સંજય સિંહે પોતાના નિવેદનમાં કહ્યું હતું કે અરબાઝ મર્ચન્ટે પોતાના નિવેદનમાં કહ્યું હતું કે તેની પાસેથી જે ડ્રગ્સ મળી આવ્યું છે, એ આર્યન ખાન માટે નહોતું.
  • ડ્રગ્સ કેસમાં ધરપકડ થયા પછી આર્યનનો મેડિકલ ટેસ્ટ નહોતો કરાવવામાં આવ્યો, તેથી તે સાબિત ન થઈ શક્યું કે આર્યને ડ્રગ્સનું સેવન કર્યું હતું કે નહીં.?
  • અરબાઝે પોતાના નિદેનમાં એવું પણ કહ્યું હતું કે આર્યને ક્રૂઝ પર ડ્રગ્સ લઈ જવાની ના પાડી દીધી હતી.
  • કોઈપણ ડ્રગ-પેડલરે આર્યનને ડ્રગ્સ સપ્લાય કરવાની વાત નહોતી કરી.
  • આર્યન ખાનની સાથે ક્લીનચિટ મેળવનારાઓમાં અવિન શાહુ, ગોપાલજી આનંદ, સમીર સાઇઘન, ભાસ્કર અરોડા અને માનવ સિંઘાનો સમાવેશ થાય છે, જ્યારે આર્યનના મિત્ર અરબાઝ મર્ચન્ટ અને મુનમુન ધામેચાને ક્લીનચિટ નથી મળી.
બોમ્બે હાઇકોર્ટે 28 ઓક્ટોબરે આર્યન ખાનને જામીન આપ્યા હતા.
બોમ્બે હાઇકોર્ટે 28 ઓક્ટોબરે આર્યન ખાનને જામીન આપ્યા હતા.

3 ઓક્ટોબરે ધરપકડ થઈ હતી
ગયા વર્ષે 2 ઓક્ટોબરના રોજ મુંબઈથી ગોવા જતી ‘કોર્ડેલિયા’ ક્રૂઝ શિપ પર NCBએ દરોડો પાડ્યો હતો. ક્રૂઝ શિપમાં યોજાનારી પાર્ટીમાં શાહરુખ ખાનનો દીકરો આર્યન પણ હાજર હતો. ક્રૂઝના ટર્મિનલ પરથી આર્યનની અટકાયત કરાઈ હતી. 24 કલાકની પૂછપરછ બાદ તેની ધરપકડ કરાઈ હતી.

અન્ય સમાચારો પણ છે...