દાદા સાહેબ ફાળકે ઈન્ટરનેશનલ ફિલ્મ ફેસ્ટિવલ અવોર્ડ્સ 2021:‘તાન્હાજી’ બેસ્ટ ફિલ્મ, અક્ષય કુમાર બેસ્ટ એક્ટર તથા દીપિકા પાદુકોણ બેસ્ટ એક્ટ્રેસ

પાંચમા દાદા સાહેબ ફાળકે ઈન્ટરનેશનલ ફિલ્મ ફેસ્ટિવલ અવોર્ડ્સ 2021નું આયોજન 20 ફેબ્રુઆરીની રાત્રે મુંબઈમાં થયું હતું. અવોર્ડ સેરેમનીમાં અજય દેવગનની ફિલ્મ ‘તાન્હાજી’ને બેસ્ટ ફિલ્મનો અવોર્ડ મળ્યો હતો. ‘લક્ષ્મી’ માટે અક્ષય કુમારને બેસ્ટ એક્ટર અને ‘છપાક’ માટે દીપિકા પાદુકોણ બેસ્ટ એક્ટ્રેસનો ખિતાબ જીતી હતી.

વિનર્સનું લિસ્ટ

મોસ્ટ વર્સટાઈલ એક્ટરઃ કે કે મેનન
‘બ્લેક ફ્રાઈડે’, ‘સરકાર રાજ’, ‘ગુલાલ’, ‘ABCD’ તથા ‘ધ ગાજી અટેક’માં જોવા મળેલા કે કે મેનનને મોસ્ટ વર્સટાઈલ એક્ટરનો ખિતાબ આપવામાં આવ્યો છે. થોડાં દિવસ પહેલાં જ 54 વર્ષીય એક્ટરે સો.મીડિયામાં આ અંગેની વાત શૅર કરી હતી.

PM મોદીએ શુભેચ્છા પાઠવી
થોડાં દિવસ પહેલાં જ વડાપ્રધાન નરેન્દ્ર મોદીએ દાદા સાહેબ ફાળકે ઈન્ટરનેશનલ ફિલ્મ ફેસ્ટિવલ અવોર્ડ્સની ટીમને શુભેચ્છા પાઠવી હતી. તેમણે લેટરમાં કહ્યું હતું, ‘દાદા સાહેબ ફાળકે ઈન્ટરનેશનલ ફિલ્મ ફેસ્ટિવલ અવોર્ડ્સ 2021 અંગે જાણીને આનંદ થયો. આ અવોર્ડ દાદા સાહેબ ફાળકેના વારસાની ઉજવણી છે. તેઓ સાચા દૂરદર્શી હતા.. તેમની ઈન્ડિયન સિનેમામાં શાનદાર જર્ની રહી અને તેમની ભૂમિકા મહત્ત્વની હતી. તમામ વિજેતાઓને દિલથી શુભેચ્છા. આશા છે કે આ અવોર્ડ્સ અનેક સ્ટેકહોલ્ડર્સની વાર્તા કહેવાની કળાને ઊંચા સ્તર પર લઈ જવા માટે પ્રેરિત કરશે. ફિલ્મ ફેસ્ટિવલ 2021ની સફળતા માટે શુભકામના.’