પોર્નોગ્રાફી કેસ:રાજ કુંદ્રા માટે કામ કરનાર તનવીર હાશ્મીનું કબૂલનામુ, અમારી ફિલ્મને પોર્ન નહીં, પણ સોફ્ટ પોર્ન ફિલ્મ કહી શકાય

મુંબઈ3 મહિનો પહેલા
  • કૉપી લિંક
  • સુરતના તનવીરનો દાવો, આજ સુધી રાજ કુંદ્રાને મળ્યો નથી.

પોર્ન ફિલ્મ બનાવવાના અને એપ્સ પર અપલોડ કરવાના કેસમાં રાજ કુંદ્રા સહિત અનેક લોકોની ધરપકડ કરવામાં આવી છે. આ પોર્નોગ્રાફી કેસમાં સુરતના તનવીર હાશ્મીનું નામનું પણ સામેલ છે. હાલમાં તે જામીન પર છે. મુંબઈ ક્રાઇમ બ્રાંચે રાજ કુંદ્રા કેસમાં તનવીરની રવિવાર, 25 જુલાઈના રોજ અંદાજે ત્રણ કલાક સુધી પૂછપરછ કરી હતી. આ દરમિયાન રાજ કુંદ્રાની એપ માટે કન્ટેન્ટ બનાવનાર તનવીર હાશ્મીએ એ વાત કબૂલી હતી કે તે પોર્નોગ્રાફી નહીં, પરંતુ ન્યૂડિટીવાળી શોર્ટ ફિલ્મ બનાવતો હતો. આવી ફિલ્મને પોર્ન નહીં, પરંતુ સોફ્ટ પોર્ન ફિલ્મ કહી શકાય.

હું રાજ કુંદ્રાને મળ્યો જ નથી
રિપોર્ટ પ્રમાણે, તનવીરે કહ્યું હતું કે રાજ કુંદ્રાને ખ્યાલ હતો કે મુંબઈ પોલીસે તેને સમન્સ પાઠવ્યું છે. તે રાજ કુંદ્રાને ક્યારેય મળ્યો નથી. ક્રાઇમ બ્રાંચે તેને પૂછપરછ માટે બોલાવ્યો હતો અને પૂછ્યું હતું કે તે રાજને મળ્યો છે કે નહીં, જેના જવાબમાં તેણે કહ્યું હતું કે તે તેના જીવનમાં ક્યારેય રાજને મળ્યો નથી.

20-25 મિનિટની ન્યૂડિટીવાળી શોર્ટ ફિલ્મ બનાવતા હતા
તનવીરે આગળ કહ્યું હતું કે તે રાજ કુંદ્રાની એપ માટે કન્ટેન્ટ બનાવતો હતો. જોકે, તે રાજ કુંદ્રાની કંપની માટે ક્યારેય ડાયરેક્ટ કામ કરતો નહોતો. કેવા પ્રકારના કન્ટેન્ટ પર તનવીરે કહ્યું હતું કે તેઓ 20-25 મિનિટની શોર્ટ ફિલ્મ બનાવતા હતા. આ શોર્ટ ફિલ્મમાં ન્યૂડિટી રહેતી, પરંતુ તેને પોર્ન કહી શકાય નહીં. જોકે, તેને સોફ્ટ પોર્ન કહી શકાય.

કેસમાં કુંદ્રાની કંપનીના ચાર કર્મચારી સાક્ષી બન્યા
આ અંગે રાજ કુંદ્રાની મુશ્કેલીમાં વધારો થશે તે નક્કી છે. સૂત્રોના મતે, આ કેસમાં રાજ કુંદ્રાની કંપનીના ચાર કર્મચારી સાક્ષી બન્યા છે. તનવીરને આ અંગે સવાલ કરવામાં આવ્યો તો તેણે કહ્યું હતું કે તેણે કોઈ ગુનો કર્યો નથી અને સાક્ષી બનવાનો સવાલ જ નથી. આ ઉપરાંત ક્રાઇમ બ્રાંચે તેને જે સવાલો પૂછ્યા તેણે તમામના જવાબ આપ્યા છે. તેણે ક્યારેય પોર્ન ફિલ્મ બનાવી નથી. જોકે, પોલીસ તેનાથી સંતુષ્ટ નહોતી અને તેને જેલમાં ધકેલી દીધો હતો. હવે તે તપાસનો હિસ્સો છે અને તેણે તેનું કામ કરી દીધું છે. પોલીસે તેને પૂછપરછ માટે બીજીવાર આવવાનું કહ્યું નથી.

અનેક પ્લેટફોર્મ પર બોલ્ડ કન્ટેન્ટ બને છે
તનવીરે એમ પણ કહ્યું હતું કે તે કોર્ટમાં કેસ લડશે, પરંતુ જ્યારે કુંદ્રાની કંપની માટે કથિત રીતે બનાવવામાં આવેલા કન્ટેન્ટ અંગે સવાલ કરવામાં આવ્યો તો તેણે એમ કહ્યું હતું કે તે કોઈને જજ કરી શકે નહીં, માત્ર કાયદો જ નિર્ણય કરશે. તે આ અંગે ટિપ્પણી કરી શકે નહીં. જોકે, અનેક પ્લેટફોર્મ બોલ્ડ કન્ટેન્ટ બનાવી રહ્યું છે અને તેના પર કોઈ સવાલ કરતું નથી.