સ્પોટેડ:એરપોર્ટ પર આલિયા ભટ્ટથી લઈ ક્રિતિ સેનન સહિતના સ્ટાર્સ જોવા મળ્યા

બોલિવૂડ હવે ધીમે ધીમે કામ પર પરત ફરી રહ્યું છે. કોરોનાને કારણે છેલ્લાં ઘણાં મહિનાઓથી ફિલ્મ ઈન્ડસ્ટ્રી ઠપ થઈ ગઈ હતી. છેલ્લાં કેટલાક મહિનાઓથી ફિલ્મના શૂટિંગ શરૂ થઈ ગયા છે. હાલમાં જ આલિયા ભટ્ટ મુંબઈના કલીના એરપોર્ટ પર જોવા મળી હતી. માનવામાં આવે છે કે આલિયા ભટ્ટ ડિરેક્ટર એસ એસ રાજમૌલિની ફિલ્મ 'RRR'ના શૂટિંગ માટે હૈદરાબાદ ગઈ છે. આલિયાએ થોડાં સમય પહેલાં જ સંજય લીલા ભણસાલીની ફિલ્મ 'ગંગુબાઈ કાઠિયાવાડી'નું શૂટિંગ કર્યું હતું. મુંબઈ એરપોર્ટ પર આલિયા ઉપરાંત ઉર્વશી રાઉતેલા, ક્રિતિ સેનન, સોનુ સૂદ, શરદ કેલકર તથા વિદ્યા બાલન પતિ સિદ્ધાર્થ રોય કપૂર સાથે જોવા મળી હતી.