દિવ્ય ભાસ્કરની નવી શરૂઆત:ભાસ્કર મહિલા ગેસ્ટ એડિટરને સવાલ પૂછો

રવિવાર 21 ફેબ્રુઆરીના રોજ ડૉ. સ્વરૂપ સંપત રાવલ દિવ્ય ભાસ્કરના અતિથિ સંપાદક રહેશે. દિવ્ય ભાસ્કર 21 ફેબ્રુઆરીથી એક નવી શરૂઆત કરવા જઈ રહ્યું છે. દર રવિવારે દિવ્ય ભાસ્કરના ગેસ્ટ એડિટર ગુજરાતના કોઈ પ્રતિષ્ઠિત મહિલા હશે. આ વખતે એટલે કે 21 ફેબ્રુઆરીના રોજ પૂર્વ મિસ ઈન્ડિયા, એક્ટ્રેસ તથા ટીચર ટ્રેનર ડૉ. સ્વરૂપ સંપત રાવલ ગેસ્ટ એડિટર તરીકે આવી રહ્યાં છે.

ન્યૂઝ પેપરમાં તેમના ગમતાં સમાચારો તો હશે, સાથે જ તેઓ પોતાના વિચારોની એક એડિટ નોટ પણ લખશે. જો તમે કોઈ સવાલ પૂછવા માગો છો, તો તમે અમને સવાલ મોકલી શકો છો. અમે તમારા સવાલ તેમને પૂછીશું અને પસંદગીના સવાલોના જવાબ અમે પ્રકાશિત પણ કરીશું.

તમે તમારા સવાલો 18 ફેબ્રુઆરી સુધી અમારા મેઈલ આઈડી femaleguesteditor@dbcorp.in પર મોકલી શકો છો.