દુઃખદ:સુશાંતની ફિલ્મ 'કાઈ પો છે'ના 53 વર્ષીય કો-એક્ટર આસિફ બસરાની આત્મહત્યા, કૂતરાના બેલ્ટથી ગળેફાંસો ખાધો

કાઈપો છે સહિત અનેક ફિલ્મોમાં અભિનય કરનાર અભિનેતા આસીફ બસરાએ હિમાચલના ધર્મશાલામાં ભાડાના ઘરમાં આત્મહત્યા કરી છે. તે 53 વર્ષના હતા. તેમણે કૂતરાના બેલ્ટ વડે ફાંસી લગાવી હતી. બ્લેક ફ્રાઈડે, પરઝાનિયા, જબ વી મેટ, વન્સ અપોન અ ટાઈમ ઈન મુંબઈ, હિચકી વગેરેમાં કામ કર્યું હતું. પોલીસે આ કેસની તપાસ શરૂ કરી છે. આસિફ છેલ્લાં પાંચ વર્ષથી મેક્લોડગંજમાં ભાડાના મકાનમાં રહેતા હતા. અહીંયા તેમની સાથે એક વિદેશી મહિલા મિત્ર પણ રહેતી હતી. પોલીસ દરેક એંગલથી તપાસ કરી રહી છે.

પાલતુ કૂતરાના બેલ્ટથી ગળેફાંસો ખાધો
આસિફ ગુરુવાર, 12 નવેમ્બરના રોજ પાલતુ કૂતરા સાથે ફરવા નીકળ્યા હતા. ઘરે આવીને તેમણે પાલતુ કૂતરાના બેલ્ટથી ગળેફાંસો ખાધો હતો. પોલીસને શરૂઆતની તપાસમાં ડિપ્રેશનને કારણે આત્મહત્યા કરી હોવાનું લાગે છે. કાંગડાના SP વિમુક્ત રંજનના મતે, શરૂઆતની તપાસમાં ડિપ્રેશનની વાત સામે આવી છે. પોલીસ આ કેસની તપાસ કરી રહી છે.

53 વર્ષીય આસિફ બસરા 'પરઝાનિયાં', 'બ્લેક ફ્રાઈડે' ઉપરાંત હોલિવૂડ મૂવી 'આઉટસોર્સ'માં પણ જોવા મળ્યા હતા. 'વન્સ અપોન અ ટાઈમ ઈન મુંબઈ'માં ઈમરાનના પિતાનો રોલ પ્લે કર્યો હતો. 1998માં આસિફે એક્ટિંગ કરિયરની શરૂઆત કરી હતી. ત્યારબાદ તેમણે અનેક ફિલ્મમાં કામ કર્યું હતું. આસિફે ગુજરાતી ફિલ્મ 'રોંગ સાઈડ રાજુ'માં પણ કામ કર્યું હતું. તેમણે 'હોસ્ટેજ' તથા 'પાતાલ લોક' જેવી વેબ સીરિઝમાં પણ કામ કર્યું હતું.

હંસલ મહેતાએ દુઃખ વ્યકત કર્યું