રિયા-કરનના રિસેપ્શન Pics:અનિલ કપૂરે દીકરીના રિસેપ્શનમાં માત્ર સંબંધીઓને બોલાવ્યા, ઇન્ડસ્ટ્રીના લોકોને આમંત્રણ નહીં

બોલિવૂડ એક્ટર અનિલ કપૂરની બીજી દીકરી રિયા કપૂરના લગ્ન 14 ઓગસ્ટના રોજ કરન બુલાની સાથે યોજાયા હતા. આ લગ્ન અનિલ કપૂરના ઘરમાં જ થયા હતા. લગ્નમાં માત્ર પરિવારના સભ્યો હાજર રહ્યા હતા. લગ્નના બે દિવસ બાદ એટલે કે 16 ઓગસ્ટના રોજ અનિલ કપૂરે દીકરીની રિસેપ્શન પાર્ટી આપી હતી. આ પાર્ટી પણ અનિલ કપૂરના જુહુ સ્થિત બંગલામાં યોજાઈ હતી. કોરોનાને કારણે અનિલ કપૂરે રિસેપ્શનમાં પણ પરિવારના સભ્યો તથા નિકટના ખાસ મિત્રોને આમંત્રણ આપ્યું હતું. વેડિંગ રિસેપ્શનમાં બોલિવૂડના અન્ય કોઈ સ્ટાર્સને ઇન્વાઇટ કરવામાં આવ્યા નહોતા.

વેડિંગ રિસેપ્શનમાં કોણ કોણ આવ્યું હતું?
વેડિંગ રિસેપ્શનમાં બોની કપૂર, ખુશી કપૂર, શનાયા કપૂર, સંજય કપૂર, મહિપ કપૂર, મોહિત મારવાહ, કુનાલ રાવલ, ફરાહ ખાન, પૂજા ઢીંગરા સહિતના સેલેબ્સ જોવા મળ્યાં હતાં. જાનવી બહેનના લગ્નમાં હાજર રહી શકી નહોતી, તે વેડિંગ પાર્ટીમાં જોવા મળી હતી. સોનમ કપૂર પતિ આનંદ આહુજા સાથે આવી હતી.

રિયા-કરને કેક કાપી
વેડિંગ પાર્ટીમાં રિયાએ પતિ સાથે કેક કાપીને સેલિબ્રેશન કર્યું હતું. રિયા તથા કરન વચ્ચે છેલ્લાં 10 વર્ષથી સંબંધો હતા. રિયા પ્રોડ્યુસર હોવાની સાથે બહેન સોનમની સાથે રેસન નામની ફેશન બ્રાન્ડ પણ ચલાવે છે. કરન બુલાનીની વાત કરીએ તો તે એક ફિલ્મ-નિર્માતા છે. તેણે લગભગ 500 જાહેરાત બનાવી છે. આ ઉપરાંત તેણે ‘આયશા’ અને ‘વેકઅપ સિડ’ જેવી ફિલ્મમાં આસિસ્ટન્ટ ડિરેક્ટર તરીકે કામ કર્યું છે. તેણે અનિલ કપૂરની સાથે 'સિલેક્શન ડે'માં કામ કર્યું છે અને શોર્ટ ફિલ્મ્સ પણ બનાવી છે.

તસવીરોમાં માણો રિયા-કરનની વેડિંગ પાર્ટી...