સો.મીડિયામાં વાઇરલ:કઝિનના લગ્નમાં ઐશ્વર્યાએ પતિ ને દીકરી સાથે લગાવ્યા ઠુમકા, વિદાય દરમિયાન આરાધ્યાએ રડતી દુલ્હનના આંસુ લૂછ્યાં

ઐશ્વર્યા રાય બચ્ચન જ્યારે પણ સો.મીડિયામાં કોઈ પોસ્ટ કરે ત્યારે તે વાઇરલ થતી જ હોય છે. હાલમાં જ ઐશ્વર્યા રાયની પતિ તથા દીકરી સાથેની તસવીરો-વીડિયો વાઇરલ થયા છે. ઐશ્વર્યા રાય જાન્યુઆરી, 2021માં કઝિન સિસ્ટર શ્લોકા શેટ્ટીના લગ્નમાં પરિવાર સાથે મેંગ્લોરમાં હાજર રહી હતી. હવે આ લગ્નની તસવીરો ને વીડિયો સો.મીડિયામાં વાઇરલ થયા છે.

વિવિધ ફંક્શનની તસવીરો-વીડિયો
શ્લોકા શેટ્ટીના લગ્નના વિવિધ ફંક્શનમાં ઐશ્વર્યા પતિ તથા દીકરી સાથે જોવા મળે છે. એક ફંક્શનમાં ઐશ્વર્યાએ આરાધ્યા સાથે પૂજા કરી હતી. ઐશ્વર્યા લાલ રંગના ડ્રેસમાં ઘણી જ સુંદર લાગતી હતી. નવ વર્ષની આરાધ્યા પણ લહેંગા-ચોલીમાં ક્યૂટ લાગતી હતી.

ઐશ્વર્યાએ સંગીત સેરેમનીમાં ડાન્સ કર્યો
સંગીત સેરેમનીમાં ઐશ્વર્યાએ પતિ અભિષેક તથા દીકરી આરાધ્યા સાથે બોલિવૂડ સોંગ 'દેશી ગર્લ' પર ઠુમકા લગાવ્યા હતા. આરાધ્યા રેડ રંગના આઉટફિટમાં પરી જેવી લાગતી હતી, જ્યારે ઐશ્વર્યાએ શિમરી ગાઉન પહેર્યું હતું. અભિષેક બચ્ચન વ્હાઇટ કુર્તા પાયજામમાં હતો.

વિદાય દરમિયાન આરાધ્યાએ કહી આ વાત
વિદાય સમયે શ્લોકા શેટ્ટી પોતાની મમ્મી સુલતા શેટ્ટીને ભેટીને રડતી હતી. આ દરમિયાન આરાધ્યાએ એવું કહ્યું હતું, 'રડશો નહીં, હું અહીંયા છું ને..'

ઐશ્વર્યાના પિતાને પણ યાદ કર્યા
લગ્નમાં ઐશ્વર્યા રાયના સ્વ. પિતા ક્રિષ્નારાજ રાયની તસવીર પણ ઘરમાં જોવા મળી હતી. ઉલ્લેખનીય છે કે ઐશ્વર્યા રાયના પિતાનું 18 માર્ચ, 2017માં અવસાન થયું હતું.

તસવીરોમાં જુઓ ઐશ્વર્યા-આરાધ્યા-અભિષેકે લગ્નમાં લગાવ્યા ચાર ચાંદ...