DB REELS, કૉંગ્રેસ ઉમેદવાર ધ્રૂસકે ધ્રૂસકે રડ્યા:જગદીશ ઠાકોર બોલ્યા, '8 દી' છે તારી પાસે, રામભાઈ 20 વીઘા સરકારી જમીન શોધી રાખ', સભામાં બૂમાબૂમ થઈ

આક્રમક અંદાજમાં ભાષણ આપવા માટે જાણીતા ગુજરાત કોંગ્રેસના પ્રદેશ અધ્યક્ષ જગદીશ ઠાકોર ફરી એકવાર ચર્ચામાં આવ્યા છે. એક જ દિવસમાં સાતથી આઠ વિધાનસભા વિસ્તારમાં પ્રચાર કરવાનો કાર્યક્રમ હોવાના કારણે ઈડરની એક સભામાં સૌથી પહેલા જગદીશ ઠાકોર બોલવા ઊભા થયા. સમયના અભાવના કારણે જગદીશ ઠાકોર પોતાનું ભાષણ પૂર્ણ કરીને તરત જ સ્ટેજ છોડી દેવાના હતા. તો તેમની પાછળ લોકો પણ ઊભા થઈને ન જતા રહે તે માટે જગદીશ ઠાકોરે સભામાં આવેલા લોકોને પોતાના આગવા અંદાજમાં સાસુના સોગંદ આપી દીધા. જગદીશ ઠાકોરે ડાયલોગબાજી કરતા ભાષણ શરૂ કર્યું, અને ચાલુ સભામાં જ ઉમેદવારને કહી દીધું કે '20 વીઘા સરકારી જમીન શોધીને તૈયાર રાખજો'. જગદીશ ઠાકોરે પોતાના ભાષણમાં ઉમેદવાર રામભાઈ સોલંકી વિશે કંઈક એવું કહી દીધું, જેથી તેઓ સ્ટેજ પર જ રડવા લાગ્યા.