ગુજરાત ચૂંટણી:5 વર્ષ માટે 7 કરોડ જનતાનું ભાવિ પણ EVMમાં કેદ, 59.27 ટકા મતદાન, સૌથી વધુ સાબરકાંઠા તો સૌથી ઓછું અમદાવાદમાં વોટિંગ

અમદાવાદ2 મહિનો પહેલા

ઉત્તર અને મધ્ય-પૂર્વ ગુજરાતના 14 જિલ્લાની 93 બેઠકો પર એટલે કે કુલ 182 બેઠકોમાંથી 51 ટકા બેઠકો પર મતદાન પૂર્ણ થઈ ગયું છે. આ સાથે જ ગુજરાત ચૂંટણીના બન્ને તબક્કાની મતદાન પ્રક્રિયા પૂર્ણ થઈ ગઈ છે. બપોરના ત્રણ વાગ્યા સુધીમાં 50 ટકા જેટલું મતદાન થયું છે. જેમાં સૌથી વધુ સાબરકાંઠામાં જિલ્લામાં 65.84 ટકા અને સૌથી ઓછું અમદાવાદ જિલ્લામાં 53.57 ટકા મતદાન થયું છે. 5 વાગ્યા સુધીમાં સરેરાશ 58.80 ટકા મતદાન થયું છે.

જાણો ક્યાં કેટલું મતદાન થયું

પંચમહાલ જિલ્લાના ઘોઘંબા તાલુકાના ગોદલી ગામમાં બુથ પર બબાલ થઈ હતી. ભાજપ દ્વારા બોગસ મતદાન કરાવવા આવતા હોવાના આક્ષેપ સાથે કાલોલ સીટના કોંગ્રેસના ઉમેદવાર પ્રભાતસિંહે ભાજપના બુથ એજન્ટ સાથે બબાલ થતા સ્થિતિ વણસી હતી. રાજગઢ પોલીસે પ્રભાતસિંહ ચૌહાણને ગોદલી ગામમાંથી સુરક્ષિત બહાર કાઢ્યા હતા. કાલોલના કોંગ્રેસના ઉમેદવાર પ્રભાતસિંહ ચૌહાણે જણાવ્યું હતું કે, ઘોઘંબા ગોદલી ગામમાં ફતેસિંહના માણસો બોગસ વોટિંગ કરે છે, જેથી ત્યાં હું ગયો હતો. તેઓ અંદરોઅંદર ઝઘડ્યા હતા. મારી ગાડીઓના કાચ તોડી નાંખ્યા છે. ફતેસિંહની 3 ટૂકડીઓ ફરતી હતી.

હરીધામ સોખડાના સંતોએ કર્યું મતદાન
હરીધામ સોખડાના સંતોએ કર્યું મતદાન

બહુચરાજીના બરીયફ ગામે કર્યો મતદાનનો બહિષ્કાર
બહુચરાજી તાલુકાના બરીયફ ગામે પડતર માંગણી પુરી નહીં થતા ચૂંટણીનો બહિષ્કાર કર્યો છે. સવારથી બરીયફ ગામમાં મતદાન શરૂ થયું નથી. પીવાના પાણી, બોર સહિત વર્ષો જૂની માંગણીઓ ન સંતોષાતા ગ્રામજનો નારાજ થયા છે. જેને પગલે આખું ગામ ગામના ચોકમાં એકત્રિત થયું છે.

મતદાન કરવા આવી પહોંચેલી દુલ્હન.
મતદાન કરવા આવી પહોંચેલી દુલ્હન.

વડાપ્રધાન અને તેમના માતાએ કર્યું મતદાન
વડાપ્રધાન મોદીએ અમદાવાદના રાણીપની નિશાન સ્કૂલ ખાતે મતદાન કર્યું છે. જ્યારે તેમના માતા હીરા બાએ ગાંધીનગરમાં મતદાન કર્યું હતું. મતદાન બાદ વડાપ્રધાન મોદીએ મીડિયા સાથે વાત કરતા જણાવ્યું કે, ગુજરાત, હિમાચલ પ્રદેશ અને દિલ્હીના લોકો દ્વારા લોકશાહીના ઉત્સવની ઉજવણી કરવામાં આવી છે. હું દેશના તમામ નાગરિકોનો આભાર માનુ છું. તેમજ શાંતિપૂર્ણ રીતે મતદાન પ્રક્રિયા કરાવવા બદલ હું ચૂંટણીપંચને અભિનંદન પાઠવું છું.

અમદાવાદના નારણપુરા તથા વડોદરાની પાદરા સીટ પર EVM ખોટકાયા છે. જ્યારે મોડાસાના સીકામાં પણ EVM ખોટવાયું છે. વડોદરના અટલાદરમાં જ્ઞાન વત્સલ સ્વામી સહિત સ્વામીનારાયણના સંતો મતદાન કરવા ઊમટ્યા હતા.

12: 30 PM: વડાપ્રધાન મોદીના માતાએ મતદાન કર્યું

9: 35 AM: મતદાન કર્યા બાદ નરેન્દ્ર મોદી તેમના ભાઈ સોમભાઈ મોદીના ઘરે પહોંચ્યા હતા.

9: 27 AM: PM મોદીએ મતદાન કર્યું હતું. મતદાન બાદ તેમણે 2014ની લોકસભા ચૂંટણી સમયે બતાવેલા કમળના નિશાનની જેમ કોઈ નિશાન બતાવ્યું નહોતું.

​​9: 23 AM: વડાપ્રધાન મોદી ચાલતા ચાલતા મતદાન મથક સુધી પહોંચ્યા

8:53 AM: અરવલ્લીના મોડાસામાં, વડોદરાના પાદરામાં, બનાસકાંઠાના મીઠાવીયારણ ગામમાં અને ખાનપુરના બાકોરમાં EVM ખોટવાયા

8:50 AM: રાણીપ નિશાન સ્કૂલની બહાર લોકોમાં PM મોદીનો આવવાનો ઉત્સાહ જોવા મળ્યો હતો.

મતદાન બાદ નરેન્દ્ર મોદી.
મતદાન બાદ નરેન્દ્ર મોદી.

8:45 AM: દેવગઢ બારિયાના ફૂલપુરામાં EVM ખોટવાયું

8:43 AM: પાલનપુર ભાજપના ઉમેદવારે મતદાન કર્યું,

8:40 AM: અમદાવાદના ખોખરામાં EVM ખોટવાયું, છેલ્લી 40 મિનિટથી મતદાન જ શરૂ થયું નથી એટલે કે મતદાન શરૂ થયા બાદ મતદાન થઇ શકયું નથી

8:35 AM: દરિયાપુર બેઠકના કોંગ્રેસના ગ્યાસુદ્દીન શેખે દરિયાપુરથી મતદાન કર્યું

8:30 AM: ગાંધીનગરમાં કંટ્રોલ રૂમ તૈયાર કરાયો.

8:25 AM: PM મોદી રાજભવનથી રવાના થયા

8:20 AM: વહેલી સવારથી મતદાન કરવા માટે લાંબી લાઇનો લાગી

વાઘોડિયા સીટના કોંગ્રેસના ઉમેદવાર સત્યજીત ગાયકવાડ ગેસ બોટલના કટ આઉટ સાથે મતદાન કરવા પહોંચ્યા હતા.
વાઘોડિયા સીટના કોંગ્રેસના ઉમેદવાર સત્યજીત ગાયકવાડ ગેસ બોટલના કટ આઉટ સાથે મતદાન કરવા પહોંચ્યા હતા.

8:18 AM: બનાસકાંઠાના અમીરગઢમાં કોંગ્રેસના ઉમેદવાર કાંતિ ખરાડીના ગામ ઘાંઘુમાં વહેલી સવારે લાગી લાંબી લાઈનો. ચુસ્તપોલીસ બંદોબસ્ત સાથે મતદાન

8:12 AM: સાવલીના ટુંડામાં ઇવીએમ ખોટવાયું, ઇવીએમ બદલવા ટેકનિશયન ટીમ કામે લાગી

8:07 AM: PM મોદીના માતા હીરાબા રાયસણથી કરશે મતદાન

8:06 AM: શીલજમાં CM ભુપેન્દ્ર પટેલ, આનંદીબેન પટેલ કરશે મતદાન

8:03 AM: હાર્દિક પટેલે લોકોને મતદાન કરવા અપીલ કરી

8:00 AM: બીજા તબક્કાનું મતદાન શરૂ

7: 51 AM: મોડાસાઃ માત્ર મહિલાઓ દ્વારા જ મતદાન કરાશે, સંપૂર્ણ મહિલાઓ સંચાલિત મતદાનદાન મથક

7:45 AM: અમદાવાદ: વડાપ્રધાન મોદી સવારે 9 વાગ્યે મતદાન કરવા જશે. PM મોદીએ ટ્વીટ કરીને કહ્યું કે ગુજરાત વિધાનસભાની ચૂંટણીના બીજા તબક્કાના મતદાનમાં સૌ નાગરિકોને, ખાસ કરીને યુવા તેમજ મહિલા મતદારોને, અચૂક મતદાન કરવા માટે અનુરોધ કરું છું. હું સવારે 9 વાગ્યે અમદાવાદમાં મારો મત આપીશ. ઉલ્લેખનીય છે કે PM મોદી રાણીપથી મતદાન કરશે.
7:15 AM: બનાસકાંઠા જિલ્લો: થરાદના ધારસભ્ય ગુલાબસિંહ રાજપૂત ઉપર હુમલો થયાના આક્ષેપ

2.51 કરોડ મતદારો નક્કી કરશે 833 ઉમેદવારોનું રાજકીય ભાવિ
93 બેઠકોમાંથી 74 સામાન્ય તો 6 એસ.સી. અને 13 એસ.ટી. બેઠક છે. કુલ 2.51 કરોડ મતદારોમાંથી 1.22 કરોડ મહિલા છે. 18થી 19 વર્ષના 5.96 લાખ મતદારો છે. 9 વર્ષથી વધુ વયના 5400 મતદાર છે. બીજા તબક્કાની 93 સીટમાંથી ભાજપને 51, કોંગ્રેસને 39 અને અપક્ષને 3 સીટ મળી હતી.

મતદાન કરવા આવી પહોંચેલા વડાપ્રધાન મોદી.
મતદાન કરવા આવી પહોંચેલા વડાપ્રધાન મોદી.

આ છે હાઈપ્રોફાઇલ બેઠકો
આજે જે સીટ પર મતદાન થઈ રહ્યું છે તેમાં મહત્ત્વની ગણાતી બેઠકોમાં અમદાવાદ ઘાટલોડિયા, નરોડા, વટવા, વિસનગર, થરાદ, મહેસાણા, વિરમગામ,વડગામ ગાંધીનગર (દક્ષિણ), ખેડબ્રહ્મા, માંજલપુર, વાઘોડિયા, ખેરાલું, દસક્રોઇ, છોટા ઉદેપુર, સંખેડા વગેરેનો સમાવેશ થાય છે.

મતદાન મથક પર મતદારોની લાગેલી લાઇન.
મતદાન મથક પર મતદારોની લાગેલી લાઇન.

જે બેઠકો પર મતદાન થવાનું છે ત્યાં જાણીતા ઉમેદવારો કોણ?
બીજા તબક્કામાં મુખ્યમંત્રી અને અન્ય 8 મંત્રીઓ મેદાનમાં છે. જેમાં આરોગ્ય મંત્રી ઋષિકેશ પટેલ, જગદીશ વિશ્વકર્મા, મનીષા વકીલ, અર્જુન ચૌહાણ વગેરે છે. ઉપરાંત, 2017માં વિવિધ આંદોલનના ચહેરા બનેલા હાર્દિક પટેલ, અલ્પેશ ઠાકોર અને જિજ્ઞેશ મેવાણી પણ ઉમેદવાર છે. ભાજપના પૂર્વ મંત્રી શંકર ચૌધરી પણ છે.

પહેલા તબક્કાની બેઠકોમાં 2017માં કેટલું મતદાન થયું હતું?
આ 93 બેઠકો પર 2017માં 70.76 ટકા મતદાન થયું હતું. 2017માં બન્ને તબક્કામાં મળી 69 ટકા મતદાન થયું હતું. 2017માં મધ્ય,ઉત્તર ગુજરાતમાં ભાજપને 46.86 ટકા અને કોંગ્રેસને 42.83 ટકા મત મળ્યા હતા.

ઉમેદવાર અને મતદાર, ક્યાં સૌથી વધુ અને ક્યાં ઓછા?
બાપુનગર બેઠકમાં સૌથી વધારે 29 ઉમેદવાર છે તો ઇડરમાં સૌથી ઓછા ત્રણ ઉમેદવાર છે. બાપુનગરમાં 2.07 લાખ મતદારોની સામે ઘાટલોડિયામાં 4.28 લાખ મતદાર છે. રાજ્યમાં કુલ 26409 મતદાન મથકોમાંથી 8533 શહેરી વિસ્તારોમાં તો 17876 ગ્રામ્ય વિસ્તારોમાં છે.

મતદાન માટે કયા દસ્તાવેજો સાથે રાખવા?
મતદાર ફોટો ઓળખકાર્ડ-EPIC, આધાર કાર્ડ, મનરેગા જોબ કાર્ડ, બેંક/પોસ્ટ ઓફિસ પાસબુક, હેલ્થ ઇન્સ્યોરન્સ સ્માર્ટ કાર્ડ, ડ્રાઇવીંગ લાઇસન્સ, પાનકાર્ડ, પાસપોર્ટ, પેન્શન ડોક્યુમેંટ, સર્વિસ ઓળખપત્ર વગેરેનો સમાવેશ થાય છે.

ગાંધીનગર દક્ષિણઃ અલ્પેશ ઠાકોરનું પાણી મપાઈ જશે
ગાંધીનગર દક્ષિણ બેઠક પર ભાજપના અલ્પેશ ઠાકોરને આયાતી ઉમેદવાર તરીકે ભાજપના સ્થાનિક કાર્યકરોએ સ્વીકાર્યા છે. ભાજપના કાર્યકરો કામે તો લાગી જ ગયા છે, પરંતુ સ્થાનિક સિનિયર આગેવાનોને ટિકિટ ના આપતાં આંતરિક રોષ તો જોવા મળી જ રહ્યો છે. બીજી તરફ કોંગ્રેસના સ્થાનિક પાટીદાર ઉમેદવાર હિમાંશુ પટેલ છેલ્લા એક વર્ષથી પ્રચાર કામમાં લાગી જતાં મજબૂત ગ્રાઉન્ડ ઊભું કરી શક્યા છે તેવા દાવા થઈ રહ્યા છે. આમ, આંતરિક રોષ અને મજબૂત ગ્રાઉન્ડ લેવલ વચ્ચે ભાજપ આ બેઠક કબજે કરવા એડીચોટીનું જોર લગાવી રહ્યો છે. માત્ર એટલું જ નહીં, અલ્પેશ ઠાકોરે ઉમેદવારી ફોર્મ રજૂ કર્યું ત્યારે કેન્દ્રીય ગૃહમંત્રી અમિત શાહ પણ ઉપસ્થિત રહ્યા હતા. આ સીટ પર સીધી શાહની નજર પણ મંડાયેલી છે.

બાયડઃ બળવાખોર પૂર્વ MLA ભાજપ માટે મોટો પડકાર
બાયડ બેઠક પર ભાજપના ભીખી પરમાર ઉમેદવારી કરી રહ્યાં છે. બીજી તરફ પેટાચૂંટણીમાં હારી ગયેલા ભાજપના ધવલસિંહ ઝાલાએ ટિકિટ ના મળવાને કારણે અપક્ષ ઉમેદવારી કરતાં ભાજપે તેમને સસ્પેન્ડ કર્યા છે. કોંગ્રેસ તરફથી પૂર્વ મુખ્યમંત્રી શંકરસિંહ વાઘેલાના દીકરા મહેન્દ્રસિંહ વાઘેલા જીત મેળવવા અથાગ પ્રયાસો કરી રહ્યા છે ત્યારે ભાજપને આંતરિક રોષનો ભોગ બનવું ના પડે એની દરકાર રાખવામાં આવી રહી છે. માત્ર એટલું જ નહીં, જો ધવલસિંહ ઝાલા ભાજપની વોટબેંક તોડવામાં સફળ થાય તો ભાજપ માટે આ સીટ બચાવવી મુશ્કેલ બની શકે છે.

વીસનગરઃ ડેરી લેવા જતાં વિધાનસભા સીટ ગુમાવશે?
પાટીદાર આંદોલનની અસર હોવા છતાં 2017માં વીસનગર સીટ પર આરોગ્યમંત્રી ઋષિકેશ પટેલ 2869 મતથી વિજેતા બન્યા હતા. જ્યારે કોંગ્રેસે કિરીટ પટેલને ટિકિટ આપી છે. આ સીટ પર ચૌધરી સમાજના 25 હજાર કરતાં વધુ મત હોવાથી તેમના મત નિર્ણાયક માનવામાં આવે છે. વિપુલ ચૌધરી હાલ દૂધ સાગર ડેરીમાં ગેરરીતિ કરવાના આરોપસર જેલમાં છે. થોડા સમય પહેલાં મહેસાણા પોલીસે તેમની ધરપકડ કરી હતી. મહેસાણા કોર્ટે તેમના જામીન નામંજૂર કરી તેમને જ્યુડિશિયલ કસ્ટડીમાં મોકલ્યા છે. ત્યાર બાદ અર્બુદા સેના દ્વારા ઉત્તર ગુજરાતના વિવિધ જિલ્લામાં વિરોધપ્રદર્શન કરવામાં આવ્યું હતું. હજી પણ અર્બુદા સેના દ્વારા વિરોધપ્રદર્શન કરવામાં આવી રહ્યું છે. દૂધ સાગર ડેરીમાં વિપુલ ચૌધરીના સમર્થકોને હરાવીને ઋષિકેશ પટેલ અને અશોક ચૌધરીએ સત્તા મેળવી છે, જેનો વિરોધ અર્બુદા સેના કરી રહી હોવાથી ભાજપ માટે આ બેઠક સંવેદનશીલ છે.

આંદોલનકારી રહેલા હાર્દિક પટેલની અગ્નિપરીક્ષા
વિધાનસભા ક્રમાંક-39, એટલે કે વિરમગામ વિધાનસભામાં એવું કહેવાય છે કે જેની સરકાર હોય તે સરકારની વિરુદ્ધનો ધારાસભ્ય હોય. છેલ્લાં 10 વર્ષથી અહિં કોંગ્રેસની સરકાર છે. ગત ટર્મમાં કોંગ્રેસમાંથી ભાજપમાં આવેલાં તેજશ્રીબહેન પટેલને ભાજપમાંથી ટિકિટ મળી હતી. પરંતુ જનતાએ તેમને પક્ષપલટું કહીને જાકારો આપ્યો હતો. વિરમગામ વિધાનસભા માટે નિર્ણાયક ગણાતા વિસ્તાર એવા નળકાંઠામાં ખૂબ પ્રભુત્વ ધરાવતા કોંગ્રેસના પ્રેમજીભાઈ વડલાણીના કારણે વર્ષોથી નળકાંઠો કોંગ્રેસનો ગઢ રહ્યો છે પરંતુ હવે પ્રેમજીભાઈ આ દુનિયામાં નથી ત્યારે આ વખતે નળકાંઠો કોના તરફ રહેશે તે પણ મહત્ત્વનો વિષય છે. ત્યારે આ વખતે ભાજપે કોંગ્રેસમાંથી આવેલા હાર્દિક પટેલને ટિકિટ આપી છે ત્યારે જોવાનું એ છે કે આ વખતે પણ વિરમગામ પક્ષ પલટો કરનારને હરાવશે કે વિરમગામની ગાદી પર બેસાડશે.

વડગામમાં અચાનક જ ભાજપની તાકાત કેમ વધી ગઈ?
ભૌગોલિક પરિસ્થિતિમાં લાંબો પહોળો વિસ્તાર એવા વડગામ તાલુકાનાં 110 ગામ અને પાલનપુર તાલુકાનાં 34 ગામ આવેલાં છે. મુસ્લિમોના 90 હજાર મત છે. કોંગ્રેસ માટે મજબૂત પોકેટ જોઈએ તો છાપી વિસ્તારમાં રહેતી મુસ્લિમ વસતિ, જેમાં 15 ગામનો સમાવેશ થાય છે. ગત 2017ની ચૂંટણી સમયે આ બેઠક પર વિજેતા થયેલા જિજ્ઞેશ મેવાણી અને ભાજપના ઉમેદવાર વિજય ચક્રવર્તી વચ્ચે 20 હજાર મતનો તફાવત હતો. આ દરમિયાન હવે માહોલ બદલાયો છે. હવે વડગામ વિધાનસભા કોંગ્રેસના પૂર્વ ધારાસભ્ય મણિભાઈ વાઘેલા ભાજપમાં જોડાઈ ગયા છે, જેથી ભાજપની તાકાત વધી છે અને ભાજપ મજબૂત બન્યો છે.

જીત માટે મેવાણીને કેમ લોઢના ચણા ચાવવા પડશે?
આ બેઠક પર મેવાણીને ઘેરવા માટે AIMIMએ દલિત એવા પ્રદીપ પરમારને ટિકિટ આપી છે. અસદુદ્દીન ઓવૈસીની પાર્ટી એવી AIMIM મેવાણીની દલિત અને મુસ્લિમ વોટબેંક પર તરાપ મારે એવી શક્યતા વ્યક્ત કરવામાં આવી રહી છે. માત્ર એટલું જ નહીં, ઓવૈસીએ 6 મહિના પહેલાં વડગામના મજાદર ગામમાં સભા પણ કરી હતી તેમજ તાજેતરમાં પણ ઓવૈસીએ એક જાહેર સભા કરી હતી. આ સીટ પર કુલ 90 હજાર મુસ્લિમ અને 33 હજાર દલિતોના મત છે. જો આ બન્ને જ્ઞાતિના મતો વહેંચાઈ જાય તો મેવાણી માટે બેઠક લોઢાના ચણા ચાવવા સમાન સાબિત થશે.

બીજા તબક્કામાં કોની સામે કોનો જંગ?

બેઠકભાજપકોંગ્રેસઆપ
વાવસ્વરૂપજી ઠાકોરગેનીબેન ઠાકોરડો. ભીમ પટેલ
થરાદશંકર ચૌધરીગુલાબસિંહ રાજપૂતવીરચંદભાઈ ચાવડા
ધાનેરાભગવાનજી ચૌધરીનાથાભાઈ પટેલસુરેશ દેવડા
દાંતા(ST)લધુભાઈ પારઘીકાંતિભાઈ ખરાડીએમકે બોંબાડિયા
વડગામ(SC)મણિભાઈ વાઘેલાજિજ્ઞેશ મેવાણીદલપત ભાટિયા
પાલનપુરઅનિકેતભાઈ ઠાકરમહેશ પટેલરમેશ નભાણી
ડીસાપ્રવીણ માળીસંજય રબારીડો. રમેશ પટેલ
દિયોદરકેશાજી ચૌહાણશિવાભાઈ ભૂરિયાભેમાબાઈ ચૌધરી
કાંકરેજકીર્તિસિંહ વાઘેલાઅમૃતભાઈ ઠાકોરમુકેશ ઠક્કર
રાધનપુરલવિંગજી ઠાકોરરઘુભાઈ દેસાઈલાલજી ઠાકોર
ચાણસમાદિલીપ ઠાકોરદિનેશભાઈ ઠાકોરવિષ્ણુભાઈ પટેલ
પાટણરાજુલબેન દેસાઈકિરીટકુમાર પટેલલાલેશ ઠક્કર
સિદ્ધપુરબળવંતસિંહ રાજપૂતચંદનજી ઠાકોરમહેન્દ્ર રાજપૂત
ખેરાલુસરદારસિંહ ચૌધરીમુકેશભાઈ એમ દેસાઈદિનેશ ઠાકોર
ઊંઝાકિરીટ પટેલઅરવિંદ પટેલઉર્વિશ પટેલ
વિસનગરઋષિકેશ પટેલકીર્તિભાઈ પટેલજયંતીલાલ પટેલ
બહુચરાજીસુખાજી ઠાકોરભોપાજી ઠાકોરસાગર રબારી
કડીકરશન સોલંકીપ્રવીણભાઈ પરમારએચ કે ડાભી
મહેસાણામુકેશ પટેલપીકે પટેલભગત પટેલ
વિજાપુરરમણ પટેલસી.જે.ચાવડાચિરાગ પટેલ
હિંમતનગરવી.ડી.ઝાલાકમલેશકુમાર પટેલનિર્મલસિંહ પરમાર
ઈડર(SC)રમણલાલ વોરારામભાઈ સોલંકીજયંતી પરનામી
ખેડબ્રહ્મા(ST)અશ્વીન કોટવાલતુષાર ચૌઘરીબિપિન ગામેતી
પ્રાંતિજગજેન્દ્ર પરમારબહેચરસિંહ રાઠોડઅલ્પેશભાઈ પટેલ
ભિલોડાપી સી બરંડારાજુ પારઘીરૂપસિંહ ભગોડા
મોડાસાભીખુસિંહ પરમારરાજેન્દ્રસિંહ ઠાકોરરાજેન્દ્રસિંહ પરમાર
બાયડભીખીબેન પરમારમહેન્દ્રસિંહ વાઘેલાચુનીભાઈ પટેલ
દહેગામબલરાજસિંહ ચૌહાણવખતસિંહ ચૌહાણસુહાગ પંચાલ
ગાંધીનગર સાઉથઅલ્પેશ ઠાકોરડૉ. હિમાંશુભાઈ પટેલદોલત પટેલ
ગાંધીનગર નોર્થરીટાબેન પટેલવિરેન્દ્રસિંહ વાઘેલામુકેશ પટેલ
માણસાજયંતી પટેલબાબુસિંહ ઠાકોરભાસ્કર પટેલ
કલોલબકાજી ઠાકોરબળદેવજી ઠાકોરકાંતિજી ઠાકોર
વિરમગામહાર્દિક પટેલલાખાભાઈ ભરવાડકુંવરજી ઠાકોર
સાણંદકનુભાઈ પટેલરમેશ કોળીકુલદીપસિંહ વાઘેલા
ઘાટલોડિયાભૂપેન્દ્ર પટેલઅમીબેન યાજ્ઞિકવિજયભાઈ પટેલ
વેજલપુરઅમિત ઠાકરરાજેન્દ્ર પટેલકલ્પેશ પટેલ
વટવાબાબુસિંહ જાદવબળવંત ગઢવીબિપિન પટેલ
એલિસબ્રિજઅમિત શાહભીખુ દવેપારસ શાહ
નારણપુરાજિતેન્દ્ર પટેલસોનલબેન પટેલપંકજ પટેલ
નિકોલજગદીશ પંચાલરણજિત બારડઅશોક ગજેરા
નરોડાડો.પાયલ કુકરાણીમેઘચંદ મોઢવાણીઓમપ્રકાશ તિવારી
ઠક્કરબાપાનગરકંચનબેન રાદડિયાવિજય બ્રહ્મભટ્ટસંજય મોરી
બાપુનગરદિનેશ કુશવાહહિંમતસિંહ પટેલરાજેશભાઈ દીક્ષિત
અમરાઈવાડીડો. હસમુખ પટેલધર્મેન્દ્ર પટેલવિનય ગુપ્તા
દરિયાપુરકૌશિક જૈનગ્યાસુદ્દીન શેખતાજ કુરેશી
જમાલપુર-ખાડિયાભૂષણ ભટ્ટઈમરાન ખેડાવાલાહારુન નાગોરી
મણિનગરઅમૂલ ભટ્ટસી.એમ,રાજપૂતવિપુલ પટેલ
દાણીલીમડા (SC)નરેશ વ્યાસશૈલેષ પરમારદિનેશ કાપડિયા
સાબરમતીડો. હર્ષદ પટેલદિનેશ મહીડાજસવંત ઠાકોર
અસારવા(SC)દર્શના વાઘેલાવિપુલ પરમારજે જે મેવાડા
દસક્રોઈબાબુ જમના પટેલઉમેદ ઝાલાકિરણ પટેલ
ધોળકાકિરીટ ડાભીઅશ્વિન રાઠોડજટુભા ગોળ
ધંધુકાકાળુ ડાભીહરપાલસિંહ ચૂડાસમાકેપ્ટન ચંદુભાઈ બામરોલિયા
ખંભાતમહેશભાઈ રાવલચિરાગ પટેલભરત ચાવડા
બોરસદરમણભાઈ સોલંકીરાજેન્દ્રસિંહ પરમારમનીષ પટેલ
આંકલાવગુલાબસિંહ પઢિયારઅમિત ચાવડાગજેન્દ્રસિંહ
ઉમરેઠગોંવિદ પરમારજયંત બોસ્કી(NCP)અમરીશ પટેલ
આણંદયોગેશ પટેલકાંતિ સોઢા પરમારગિરિશ શાંડિલ્ય
પેટલાદકમલેશ પટેલડો. પ્રકાશ પરમારઅર્જુન ભરવાડ
સોજીત્રાવિપુલ પટેલપૂનમભાઈ પરમારમનુભાઈ ઠાકોર
માતરકલ્પેશ પરમારસંજયભાઈ પટેલલાલજી પરમાર
નડિયાદપંકજ દેસાઈધ્રુવલ પટેલહર્ષદ વાઘેલા
મહેમદાવાદઅર્જુનસિંહ ચૌહાણજુવાનસિંહ ગડાભાઈપ્રમોદ ચૌહાણ
મહુધાસંજયસિંહ મહિડાઇન્દ્રજિતસિંહ પરમારરવજી વાઘેલા
ઠાસરાયોગેન્દ્રસિંહ પરમારકાંતિભાઈ પરમારનટવરસિંહ રાઠોડ
કપડવંજરાજેશકુમાર ઝાલાકાળાભાઈ ડાભીમનુ પટેલ
બાલાસિનોરમાનસિંહ ચૌહાણઅજીતસિંહ ચૌહાણઉદયસિંહ ચૌહાણ
લુણાવાડાજિજ્ઞેશકુમાર સેવકગુલાબસિંહનટવરસિંહ સોલંકી
સંતરામપુર(ST)કુબેરભાઈ ડિંડોરગેંડલભાઈ ડામોરપર્વત વાગોડિયા ફૌજી
શહેરાજેઠાભાઈ આહિરખતુભાઈ પગીતખતસિંહ સોલંકી
મોરવાહડફ(ST)નિમિષા સુથારસ્નેહલતા ખાંટબનાભાઈ ડામોર
ગોધરાસી.કે.રાઉલજીરશ્મિતાબેન ચૌહાણરાજેશ પટેલ રાજુ
કલોલફતેસિંહ ચૌહાણપ્રભાતસિંહદિનેશ બારીયા
હાલોલજયદ્રથસિંહ પરમારરાજેન્દ્ર પટેલભરત રાઠવા
ફતેપુરા(ST)રમેશ કટારારઘુ મછારગોવિંદ પરમાર
ઝાલોદ(ST)મહેશ ભૂરિયાડૉ. મિતેશ ગરસિયાઅનિલ ગરસિયા
લીમખેડા(ST)શૈલેશ ભાભોરરમેશ ગુંડિયાનરેશ બારિયા
દાહોદ (ST)કનૈયાલાલ કિશોરીહર્ષદભાઈ નિનામાદિનેશ મુનિયા
ગરબાડા(ST)મહેન્દ્ર ભાભોરચંદ્રિકાબેન બારૈયાશૈલેષ કનુભાઈ ભાભોર
દેવગઢબારિયાબચુભાઈ ખાબડરણજિતસિંહ ચૌહાણભરતભાઈ વાખલા
સાવલીકેતન ઇનામદારકુલદીપસિંહ રાઉજીવિજય ચાવડા
વાઘોડિયાઅશ્વિન પટેલસત્યજિત ગાયકવાડગૌતમ રાજપૂત
ડભોઈશૈલેષ મહેતાબાલ કિશન પટેલઅજિત ઠાકોર
વડોદરા સિટી (SC)મનીષા વકીલગુણવંતરાય પરમારજિગર સોલંકી
સયાજીગંજકેયૂર રોકડિયાઅમી રાવતશ્વેજલ વ્યાસ
અકોટાચૈતન્ય દેસાઈઋત્વિક જોષીશશાંક ખરે
રાવપુરાબાલકૃષ્ણ શુક્લસંજય પટેલહિરેન શિરકે
માંજલપુરયોગેશ પટેલડૉ. તશ્વીન સિંહવિનય ચૌહાણ
પાદરાચૈતન્ય ઝાલાજશપાલસિંહ પઢિયારસંદીપસિંહ રાજ
કરજણઅક્ષય પટેલપ્રિતેશ પટેલ (પિન્ટુ)પરેશ પટેલ
છોટાઉદેપુર (ST)રાજેન્દ્રસિંહ રાઠવાસંગ્રામસિંહ રાઠવાઅર્જુ્ન રાઠવા
પાવી જેતપુર(ST)જયંતીભાઈ રાઠવાસુખરામ રાઠવારાધિકા રાઠવા
સંખેડા(ST)અભેસિંહ તડવીધીરુભાઈ ભીલરંજન તડવી
અન્ય સમાચારો પણ છે...