રાજકારણ ગરમાયું:તમિલનાડુમાં વોટિંગથી 4 દિવસ પહેલાં સ્ટાલિનની દીકરી-જમાઈને ત્યાં ઇન્કમટેક્સ વિભાગના દરોડા

તમિલનાડુમાં વિધાનસભા ચૂંટણી માટે 6 એપ્રિલે મતદાન થવાનું છે અને તેનાથી ઠીક 4 દિવસ પહેલા જ શુક્રવારે આઈટી વિભાગે ડીએમકેના વડા એમ.કે.સ્ટાલિનની દીકરી સેન્થામરઈ અને જમાઈ સબારેસનના ઠેકાણે દરોડા પાડ્યા હતા.

સબારેસન ડીએમકેના વડા સ્ટાલિનના સલાહકાર પણ છે. પાર્ટીમાં તેમની ભૂમિકા મહત્ત્વપૂર્ણ છે. આઈટી વિભાગના અધિકારીઓએ જણાવ્યું કે ચેન્નઈમાં સબારેસનના ચાર ઠેકાણે દરોડા શુક્રવારે સવારે પડાયા હતા. મતદાનથી થોડા દિવસ પહેલા આ દરોડાની કાર્યવાહીથી રાજકીય હિલચાલ વધી ગઈ છે. ડીએમકેએ આ મામલે કહ્યું કે રાજકીય કારણોસર આ કાર્યવાહી કરાઇ છે. જ્યારે કોંગ્રેસ નેતા અભિષેક મનુ સિંઘવીએ કહ્યું કે હવે સ્ટાલિનના જમાઈના ઘરે, પહેલા કમલ હાસનના ઘરે, શું એનડીઓનો ભાગ ન બનવું ગુનો છે? આઈટીએ અગાઉ ડીએમકે નેતા ઈ.વી.વેલુના ઠેકાણે દરોડા પાડ્યા હતા.