• Home
  • Dvb Original
  • Work From Home Builds Confidence But Mutual Dialogue, Mild Push The Benefits That Come From Thousands Of Words: Harsh Goenka

કોરોના ઈફેક્ટ / વર્ક ફ્રોમ હૉમથી વિશ્વાસ સર્જાયો પણ પરસ્પર સંવાદ, હળવો ધબ્બો જે ફાયદો કરાવે છે એ હજારો શબ્દોથી પણ નથી મળતો: હર્ષ ગોયન્કા 

આરપીજી સમુહના અધ્યક્ષ હર્ષ ગોયન્કા.
આરપીજી સમુહના અધ્યક્ષ હર્ષ ગોયન્કા.
X
આરપીજી સમુહના અધ્યક્ષ હર્ષ ગોયન્કા.આરપીજી સમુહના અધ્યક્ષ હર્ષ ગોયન્કા.

  • ભવિષ્યમાં વર્ક ફ્રોમ હોમને લઈને ઘણા પરિવર્તનો જોવા મળશે
  • દેશમાં ફ્રોમ હોમની સ્થિતિ કેવી રહેશે અને કંપનીઓ પર તેની કેવી અસર પડે છે એ અંગે ઉદ્યોગપતિ હર્ષ ગોયન્કાએ જણાવ્યું

દિવ્ય ભાસ્કર

May 21, 2020, 06:23 AM IST

મુંબઇ. આરપીજી સમુહના અધ્યક્ષ હર્ષ ગોયન્કાએ જણાવ્યું હતું કે, 19મી સદી સુધીમાં કામકાજ મોટેભાગે ઘરેથી કે ઘરની નજીકથી જ કરવામાં આવતું હતું. ઑફિસનો વિચાર 20મી સદીમાં શરૂ થયો અને ઝડપથી દિનચર્યાનો હિસ્સો બની ગયો. રોજ સવારે ઊઠવું, ઘરેથી ઑફિસ જવું અને સવારે 9 વાગ્યાથી સાંજે 5 વાગ્યા સુધી સહકર્મચારીઓ સાથે કામ કરવું એ જ કામની પરિભાષા બની ગઈ. છેલ્લા કેટલાક વર્ષોમાં ટેલિકોમ્યુનિકેશનથી કેટલાક ફેરફારો જરૂર આવ્યાં છે. કારણ કે વૈશ્વિક સ્તરે આધુનિક ડિજિટલ નેટવર્ક સ્થાપિત થઈ ચૂક્યાં છે. તેના લીધે રિયલ એસ્ટેટના ભાવ પણ ઊંચકાવા લાગ્યા. અમારી કંપની સહિત ઘણી કંપનીઓએ સમય મર્યાદાને તોડવાનું શરૂ કર્યું. અને એ જ રીતે ઘરેથી કામ કરવાની પ્રથા ફેલાતી ગઈ. 
માનસિક સ્વતંત્રતાનો અહેસાસ થયો
હર્ષ ગોયન્કાએ કહ્યું કે, છેલ્લા બે મહિનાથી ઘરેથી જ કામ થઈ રહ્યું છે. જેના લીધે ઘર અને કામ બન્નેની પરિભાષા બદલાઈ ગઈ છે. અચાનક ઘર સૌથી નજીકનું અને સૌથી આરામદાયક કામ કરવાનું સ્થળ બની ગયું છે. જે લોકો આ વ્યવસ્થાથી અજાણ હતા તેમના માટે આ નવી વ્યવસ્થા સુખદ આશ્ચર્ય પુરવાર થઈ. અમારી કંપની અમારા પર એટલો વિશ્વાસ કરે છે કે અમને સુપરવાઇઝ કરવાની જરૂર લાગતી નથી. તેનાથી માનસિક સ્વતંત્રતાનો અહેસાસ પણ થાય છે. અને પરસ્પરના વિશ્વાસમાં વધારો કરે છે. જ્યારે લોકો ઘરેથી કામ કરે છે અને વીડિયો કૉન્ફરન્સિંગ જેવી ટેકનોલોજીનો ઉપયોગ કરતી વખતે એકમેક સાથે સંવાદ કરે છે ત્યારે તેનાથી પોતીકાપણું અનુભવાય છે. જેનાથી પારદર્શિતા પણ વધે છે. આ સમયે જ્યારે વાતચીત વખતે બાળકો અચાનક ટેબલ તળેથી સામે આવી જાય અથવા તમારું પાળેલું પ્રાણી કૂદીને તમારા ખોળામાં આવી બેસે ત્યારે આ ક્ષણો ખરેખર અત્યંત રમૂજી બની જાય છે. ઘર અને ઑફિસ વચ્ચે અવરજવરનો સમય બચી જવાથી ઘણા એવા કામો માટે સમય મળે છે જે અગાઉ આપણી પ્રાથમિકતા નહોતા. 
હવે નવા કામના નવા પડકારો ઉકેલવા પડશે
પરસ્પરના મતભેદો ઉકેલવા માટે આમનેસામને બેસીને સંવાદ સાધવાથી સારું પરિણામ મળે છે. એક સ્પર્શ, ખભા પર કરાતો હળવો ધબ્બો એ ફાયદો કરાવે છે જે હજારો શબ્દ નથી કરી શકતા. કેટલીક વહીવટી સમસ્યાઓ પણ હોય છે જેમ કે સાઇબર સિક્યુરીટી મોટો પડકાર છે. હેકિંગની સમસ્યા પહેલેથી જ ગંભીર સાબિત થઈ છે અને કેટલીક વીડિયો કૉલિંગ એપ્સ પણ તેનાથી બાકાત રહી નથી. જેમ જેમ કંપનીઓ કામ કરવાની નવી પદ્ધતિઓ અપનાવતી જાય છે તેમ તેમ તેમણે આ નવી સમસ્યાઓ પર પણ વધારે ધ્યાન આપશે.

Next Stories

    ની  સંપૂર્ણ વાંચનસામગ્રી