ભાસ્કર ઈન્ડેપ્થ:શું બેઝોસ અંબાણીના જિયોને પડકારવા માટે Vi પર દાવ લગાવશે? આ ડીલથી ફરી સસ્તા થઈ શકે છે ડેટા ટેરિફ

નવી દિલ્હી24 દિવસ પહેલાલેખક: આદિત્ય દ્વિવેદી
  • એમેઝોન છેલ્લા ત્રણ વર્ષથી ભારતના ટેલિકોમ માર્કેટમાં પ્રવેશવા માટે ઉત્સુક છે.

ગયા વર્ષનાં આ સમાચારને યાદ કરો... વોડાફોન-આઈડિયા, ભારતની ત્રીજી સૌથી મોટી ટેલિકોમ કંપની, ઓગસ્ટ 2021 માં બંધ થવાના આરે હતી. Vi પર સ્પેક્ટ્રમ ફી પેટે રૂ. 96,300 કરોડ, AGR પર રૂ. 61,000 કરોડ અને બેન્ક લોનમાં રૂ. 21,000 કરોડનું દેવું હતું. કંપનીને આમાંથી બહાર નીકળવાનો કોઈ રસ્તો દેખાતો નહોતો.

હવે હાલના દિવસોમાં આવેલા આ સમાચાર વાંચો...

વોડાફોન-આઈડિયામાં ફરી એકવાર કર્મચારીઓની ભરતી શરૂ થઈ ગઈ છે. મે મહિનાના છેલ્લા દિવસોમાં Vi ના શેરના ભાવમાં વધારો જોવા મળ્યો છે. આ વર્ષે Viના 4G ગ્રાહકો વધી રહ્યા છે.

એમેઝોન સાથેના સોદાના સમાચારથી Viને લીલી ઝંડી મળશે

એમેઝોનની Vi સાથે ટૂંક સમયમાં 20 હજાર કરોડના રોકાણની ડીલ થઈ શકે છે. ઈકોનોમિક ટાઈમ્સ અનુસાર, Viને કંપનીનો હિસ્સો વેચીને 10 હજાર કરોડ રૂપિયા અને દેવા તરીકે 10 હજાર કરોડ રૂપિયા મળશે.

23 મે 2022ના રોજ, Viના મેનેજિંગ ડિરેક્ટર રવિન્દર ટક્કરે પણ કહ્યું હતું કે કંપની 20 હજાર કરોડની ડીલની ખૂબ નજીક છે. ટક્કરના મતે, આ રોકાણ કંપનીની કિસ્મત બદલી શકે છે અને તેને સ્પર્ધામાં રાખી શકે છે.

વોડાફોન-આઈડિયાએ એપ્રિલમાં પહેલેથી જ રૂ. 4,500 કરોડ એકત્ર કર્યા છે. જો એમેઝોન સાથે 20 હજાર કરોડની ડીલ પણ ફાઈનલ થઈ જાય છે, તો Vi પૂરી તાકાત સાથે Jio અને Airtelને પડકાર આપવા તૈયાર થઈ જશે.

આ ડીલને કારણે ડેટા ટેરિફ ફરી સસ્તા થઈ શકે છે
2016માં Jioના લોન્ચિંગ સમયે ભારતમાં 8 મોટી ટેલિકોમ કંપનીઓ હતી. જિયોએ ફ્રી કોલિંગ અને ડેટાની વ્યૂહરચના અપનાવી, જેના કારણે બજારમાં સ્પર્ધા ધીમે ધીમે ઓછી થઈ. 2017માં ટેલિનોર, 2018માં એરસેલ અને 2019માં ટાટા ડોકોમો બંધ થઈ ગઈ હતી. 2018માં વોડાફોન આઈડિયાનું મર્જર થયું.

પરિસ્થિતિની મજબૂરીએ એમેઝોન અને Viની જોડી બનાવી
એમેઝોન છેલ્લા ત્રણ વર્ષથી ભારતના ટેલિકોમ માર્કેટમાં પ્રવેશવા માટે ઉત્સુક છે. 2020 માં, એવા સમાચાર હતા કે એમેઝોન ભારતી એરટેલમાં 2 અબજ ડોલરનું રોકાણ કરી શકે છે. જે બાદ મામલો ઠંડો પડી ગયો હતો.

આ દરમિયાન, ગૂગલ અને ફેસબુકે મુકેશ અંબાણીની રિલાયન્સ જિયોમાં 10.2 બિલિયન ડોલરનું રોકાણ કર્યું હતું. આ વર્ષે ગૂગલે એરટેલમાં 1 બિલિયન ડોલરનું રોકાણ કરવાનું પણ કહ્યું છે.

બીજી તરફ, ન તો કોઈ મોટી ટેક કંપનીએ વોડાફોન-આઈડિયામાં રોકાણ કર્યું અને ન તો એમેઝોન કોઈ ભારતીય ટેલિકોમ કંપનીમાં રોકાણ કરી શક્યું. આ દરમિયાન બંને કંપનીઓ વચ્ચે વાતચીત ચાલુ રહી. જો એમેઝોનને ભારતીય બજારમાં પ્રવેશ કરવો હોય તો Vi સૌથી સચોટ વિકલ્પ લાગે છે.

માત્ર Vi જ નહીં, એમેઝોનને પણ આ ડીલથી ફાયદો છે
The Kenના જણાવ્યા અનુસાર, એમેઝોનનો ક્લાઉડ સર્વિસ બિઝનેસની નજરે Vi ના દેશભરમાં રહેલા ડેટા સેન્ટર્સ અને ફાઈબર નેટવર્ક્સ પર કેન્દ્રિત છે. હાલમાં, એમેઝોન પાસે મુંબઈમાં માત્ર એક ડેટા સેન્ટર છે. આવી જ બીજી સુવિધા હૈદરાબાદમાં બનાવવામાં આવી રહી છે. જોકે, એમેઝોન ટિયર-2 શહેરોમાં જવા માંગે છે. જોકે હાલમાં, વોડાફોન પાસે દેશભરમાં આવા 70 ડેટા સેન્ટર છે, જેનો એમેઝોન ઉપયોગ કરી શકશે.

અન્ય સમાચારો પણ છે...