તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App
  • Gujarati News
  • Dvb original
  • Vadodara Teacher Quits Job, Starts Startup With 100 Roti Now Sells 4,000 Roti Daily Today, Turnover Of 30 Lakhs

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

આજની પોઝિટિવ સ્ટોરી:વડોદરાની શિક્ષિકાએ નોકરી છોડી 100 રોટલીથી શરૂ કર્યું સ્ટાર્ટઅપ, આજે રોજની 4 હજાર રોટલીનું વેચાણ, વર્ષે 30 લાખનું ટર્નઓવર

વડોદરા8 દિવસ પહેલાલેખક: જીતુ પંડ્યા
  • સ્ટાર્ટઅપ થકી 10 મહિલાને રોજગારી પૂરી પાડે છે, વધુ મહિલાઓને આત્મનિર્ભર બનાવવાનું સપનું
  • વડોદરા જિલ્લા ઉદ્યોગ કેન્દ્રમાંથી 7 લાખ રૂપિયાની લોન લઈને વ્યવસાયની શરૂઆત કરી
  • રોટલીની સાથે સાથે થેપલાં, પૂરી, પરોઠા પણ ઓર્ડર પ્રમાણે બનાવી સપ્લાઇ કરે છે

ખાનગી સ્કૂલમાં શિક્ષિકાની નોકરી છોડીને વડોદરાનાં મીનાબેન શર્માએ રોટલી બનાવવાનું સ્ટાર્ટઅપ શરૂ કર્યું છે. તેમણે વડોદરા જિલ્લા ઉદ્યોગ કેન્દ્રમાંથી 7 લાખ રૂપિયાની લોન લઇને સ્ટાર્ટઅપની શરૂઆત કરી હતી. 100 રોટલીથી કરેલી શરૂઆત આજે રોજની 4 હજાર જેટલી રોટલીનું તેઓ વેચાણ કરી રહ્યાં છે. રોટલી બનાવી વેચવાના વ્યવસાયને તેઓ એ ઊંચાઈ પર લઇ ગયાં છે કે બે વર્ષમાં જ તેમણે આ વ્યવસાય થકી વાર્ષિક રૂપિયા 30 લાખનું ટર્નઓવર કર્યું છે અને 10 મહિલાને રોજગારી પૂરી પાડી રહ્યાં છે. આત્મનિર્ભર બનેલાં મીનાબેને જણાવ્યું હતું કે મારું સપનું વધુમાં વધુ મહિલાઓને રોજગારી આપવા સાથે મહિલાઓને આત્મનિર્ભર બનાવવાનું છે.

રોજની 100 રોટલી બનાવીને વેચવાની શરૂઆત કરી હતી.
રોજની 100 રોટલી બનાવીને વેચવાની શરૂઆત કરી હતી.

શિક્ષિકા તરીકે મારો પગાર સારો હતો, પણ મારે કંઈક અલગ કરવાની ઇચ્છા હતી
વડોદરાના મુજમહુડા ખાતે એમ.ડી. કોર્પોરેશનના નામે રોટલી બનાવીને વેચવાની શરૂઆત કરનારાં મીનાબેને જણાવ્યું હતું કે મેં પોસ્ટ ગ્રેજ્યુએટ સુધીનો અભ્યાસ કર્યો છે. હું ખાનગી સ્કૂલમાં શિક્ષિકા તરીકે નોકરી કરતી હતી. મારો પગાર પણ સારો હતો. નોકરીથી ખુશ હતી, પરંતુ, મારે કંઇક અલગ કરવાની ઇચ્છા હતી. હું વડાપ્રધાનના સ્ટાર્ટઅપના અભિયાનને ચરિતાર્થ કરવા માગતી હતી અને આત્મનિર્ભર બનવા માગતી હતી. વર્ષ-2018માં વડોદરા જિલ્લા ઉદ્યોગ કેન્દ્રમાંથી પી.એમ.આર.વાય. યોજના અંતર્ગત રૂપિયા 7 લાખની લોન લઇને મારા વ્યવસાયની શરૂઆત કરી હતી.

યુનિટમાં 10 જેટલી મહિલા કામ કરે છે અને રોજગારી મેળવી રહી છે.
યુનિટમાં 10 જેટલી મહિલા કામ કરે છે અને રોજગારી મેળવી રહી છે.

ગુજરાતના દરેક ઘરમાં રોટલી ખવાય છે, જેથી મેં રોટલીનું સ્ટાર્ટઅપ શરૂ કર્યું
મીનાબહેન શર્માએ વધુમાં જણાવ્યું હતું કે ભોજનમાં રોટલી દરેક ઘરમાં ખવાતી વસ્તુ છે. નાનાં બાળકોથી લઈ દરેક ઉંમરના લોકો રોટલી ખાઇ શકે છે. તેમાંય ખાસ કરીને ગુજરાતની વાત કરવામાં આવે તો રોટલી દરેક ઘરમાં બને છે. વડોદરામાં ફરસાણની અનેક ચીજવસ્તુઓ એવી છે કે ગૃહ ઉદ્યોગ તરીકે છે. અનેક લોકો પોતાના ઘરમાં ફરસાણની ચીજવસ્તુઓ બનાવે છે અને ફરસાણની દુકાનો, રેસ્ટોરાં, કંપનીઓની કેન્ટીનમાં સપ્લાઇ કરે છે, સાથે ઘરઘથ્થુ વેચાણ પણ કરે છે. આ ગૃહઉદ્યોગમાં મેં રોટલીને ઉમેરીને વેચવાની શરૂઆત કરી હતી.

7 લાખ રૂપિયાની લોન લઈને સ્ટાર્ટઅપની શરૂઆત કરી હતી.
7 લાખ રૂપિયાની લોન લઈને સ્ટાર્ટઅપની શરૂઆત કરી હતી.

થેપલાં, પૂરી અને પરોઠા પણ સપ્લાઇ કરે છે
વર્ષ-2018માં નાના પાયે એટલે કે રોજની 100 રોટલી બનાવીને વેચવાની શરૂઆત કરી હતી. આજે મારા યુનિટમાં પ્રતિદિન સવાર-સાંજમાં 4 હજારથી વધુ રોટલી બનાવીને વેચાણ કરું છું. મારા યુનિટમાં 10 જેટલી મહિલા કામ કરે છે અને રોજગારી મેળવી રહી છે. મારી પાસે હાલમાં બે રોટલી બનાવવાના મશીન છે. મારા યુનિટમાં રોટલી બનાવવાની સાથે થેપલાં, પૂરી, પરોઠા પણ ઓર્ડર પ્રમાણે બનાવીને સપ્લાઇ કરીએ છે. અમારી રોટલી ઔદ્યોગિક વસાહતોમાં આવેલી કેન્ટીનોમાં જાય છે. ડિલિવરી આપવાની હોય તો પ્રતિ રોટલી રૂ. 1.80 અને યુનિટ પરથી લઇ જાય તો પ્રતિ રોટલી 1.70 રૂપિયા લે છે. આ ઉપરાંત અમે યુનિટ પર પણ રોટલી, થેપલાં, પરોઠા અને પૂરીનું છૂટક તેમજ જથ્થાબંધ વેચાણ કરીએ છે. દરેક ગ્રાહકને ફ્રેશ રોટલી મળે એવો મારો અભિગમ છે.

તેમના યુનિટમાં હાલ રોટલી બનાવવાનાં બે મશીન છે.
તેમના યુનિટમાં હાલ રોટલી બનાવવાનાં બે મશીન છે.

રોટલી બનાવવાના વ્યવસાયને વધુ ઊંચાઈ પર લઈ જવાનું લક્ષ્ય
ભવિષ્યના પ્લાનિંગ અંગે મીનાબહેન શર્માએ જણાવ્યું કે મારા રોટલી બનાવીને વેચવાના વ્યવસાયમાં મારા પરિવારનો પણ સપોર્ટ છે. પરિવારના સપોર્ટના કારણે જ બે વર્ષમાં હું મારા રોટલી બનાવીને વેચવાના વ્યવસાયને ઊંચાઈ પર લઈ ગઈ છું અને મારા વ્યવસાયને રૂપિયા 30 લાખ સુધીના વાર્ષિક ટર્નઓવર સુધી પહોંચાડ્યો છે. આવનારા દિવસોમાં રોટલી બનાવવાનાં વધુ મશીનો લાવવાનું મારું પ્લાનિંગ છે.

આજનું રાશિફળ

મેષ
Rashi - મેષ|Aries - Divya Bhaskar
મેષ|Aries

પોઝિટિવઃ- ઘર-પરિવારને લગતાં કાર્યોમાં વ્યસ્ત રહેશો. તમે તમારી બુદ્ધિ દ્વારા મહત્ત્વપૂર્ણ કાર્યો પૂર્ણ કરવામાં સક્ષમ પણ રહેશો. આધ્યાત્મિક તથા જ્ઞાનવર્ધક સાહિત્યોને વાંચવામાં પણ સમય પસાર થશે. નેગેટિવ...

વધુ વાંચો