તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો
  • Gujarati News
  • Dvb original
  • Two Friends Paid Rs 20,000. Started Making Plates From Dry Leaves By Spending, Today 180 Million Turnover; Also Gave Jobs To 140 People

આજના પોઝિટિવ સમાચાર:બે મિત્રોએ 20 હજાર રૂ. ખર્ચ કરીને સૂકા પાનથી પ્લેટ બનાવવાનું શરૂ કર્યું, આજે 18 કરોડ ટર્નઓવર; 140 લોકોને નોકરી પણ આપી

નવી દિલ્હી8 દિવસ પહેલા
  • કૉપી લિંક

આજે ઈકોફ્રેન્ડલી બિઝનેસનો જમાનો છે. એને લઈને લોકોનું વલણ વધ્યું છે. પર્યાવરણ બચાવવાની સાથે સાથે ખુદને પણ સુરક્ષિત રાખવા માટે લોકો આ પ્રકારના બિઝનેસને અપનાવી રહ્યા છે. લોકો માત્ર પર્યાવરણ બચાવવાના અભિયાન સાથે જોડાયેલા નથી, પરંતુ એનાથી સારી આવક પણ કરી રહ્યા છે.

યુપીના વારાણસીમાં રહેનારા વૈભવ જયસ્વાલ અને આસામના રહેવાસી અમરદીપ બર્ધન ઝાડનાં સૂકાં પાનમાંથી પ્લેટ, મગ, કટોરી જેવી કિચનના ઉપયોગની તમામ ચીજો બનાવી રહ્યા છે. દેશભરમાં તેમની પ્રોડક્ટની ડિમાંડ છે. ભારતની બહાર પણ તેઓ માર્કેટિંગ કરે છે. હાલમાં તેમની કંપનીનું ટર્નઓવર 18 કરોડ રૂપિયા છે.

33 વર્ષીય અમરદીપ અને 34 વર્ષના વૈભવે 2011માં એક જ કોલેજથી એમબીએનો અભ્યાસ કર્યો હતો. આ દરમિયાન બંનેની દોસ્તી પણ થઈ અને ઈકોફ્રેન્ડલી મોડેલના આઈડિયાનો પાયો નખાયો.

કોલેજમાં બિઝનેસના પ્લાનને મળ્યું હતું ફર્સ્ટ પ્રાઈઝ
અમરદીપ કહે છે, અમારા આસામમાં એરિકા પામના પ્લાન્ટ ખૂબ થાય છે. એનાં પાન એમ જ ખરી પડતાં હોય છે અને એનો કોઈ ખાસ ઉપયોગ થઈ શકતો નથી. જ્યારે રિસર્ચમાં આ પ્રકારની વાતો હતી એનાથી ઈકોફ્રેન્ડલી પ્રોડક્ટ બનાવી શકાય છે. આથી અભ્યાસ દરમિયાન જ આ આઈડિયા અમારા મનમાં હતો અને તેને લઈને અમે લોકો સતત સ્ટડી કરી રહ્યા હતા. કોલેજમાં અમે તેનાથી અનેક પ્લેટ તૈયાર કરી હતી. ત્યારે આપણા બિઝનેસ પ્લાનને ફર્સ્ટ પ્રાઈઝ મળ્યું હતું. એનાથી અમારો કોન્ફિડન્સ વધી ગયો.

અભ્યાસ પૂરો કર્યા પછી બંનેની જોબ લાગી ગઈ, પરંતુ તેઓ પોતાનો આઈડિયા લઈને કામ કરતા રહ્યા. વર્ષ 2012માં બંનેએ મળીને 20 હજાર રૂપિયાના ખર્ચે ‘પ્રકૃતિ’ નામથી આસામમાં પોતાના બિઝનેસની શરૂઆત કરી. તેઓ એરિકાનાં સૂકાં પાનમાંથી પ્લેટ, કટોરી, ગ્લાસ જેવી પ્રોડક્ટ તૈયાર કરવા લાગ્યા, જ્યારે માર્કેટિંગનું કામ દિલ્હીથી શરૂ કર્યું.

પ્રથમ વર્ષે જ 6 લાખ રૂપિયાનો બિઝનેસ

એરિકાનાં પાનને મશીનની મદદથી કમ્પ્રેસ અને હીટ કરવામાં આવે છે. એનાથી પ્લેટ બને છે.
એરિકાનાં પાનને મશીનની મદદથી કમ્પ્રેસ અને હીટ કરવામાં આવે છે. એનાથી પ્લેટ બને છે.

સૌપ્રથમ તેમણે કેટલાક કેટરર્સ અને ઈવેન્ટ હોસ્ટ કરનારાઓને પોતાની પ્લેટો વેચી. તેમનો આઇડિયા યુનિક હતો તો લગ્ન, પાર્ટી અને મોટી ઈવેન્ટ્સમાં તેમની પ્લેટની ડિમાંડ વધી ગઈ. ત્યાર પછી લોકો પર્સનલ લેવલ પર પણ તેમને ઓર્ડર આપવા લાગ્યા. પ્રથમ વર્ષે લગભગ 6 લાખનો બિઝનેસ બંને દોસ્તોએ કર્યો.

અમરદીપ કહે છે, એક વર્ષ પછી અમે સારી સ્થિતિમાં પહોંચી ગયા હતા. લોકોનો પણ સારો રિસ્પોન્સ મળી રહ્યો હતો, પરંતુ મુશ્કેલી હતી પ્રોડક્શનની. અમારી પાસે કોઈ પ્રોડક્શન યુનિટ નહોતું અને મોટાં મશીનો પણ નહોતાં, જેથી વધુમાં વધુ ઓર્ડર પૂરા કરી શકાય.

કેટલાંક વર્ષો પછી અમે અમારી બચતમાંથી તામિલનાડુમાં એક મેન્યુફેક્ચરિંગ યુનિટની શરૂઆત કરી. ત્યાં અમે કેટલાક કારીગરો રાખ્યા, તેમને ટ્રેનિંગ આપી અને પ્રોડક્શનનું કામ શરૂ કર્યું. ધીમે ધીમે તેમની ઓળખ બનતી ગઈ અને કસ્ટમર્સની સંખ્યામાં પણ વધારો થયો.

વર્ષ 2014માં વૈભવે પોતાની નોકરી છોડી સંપૂર્ણપણે આ બિઝનેસમાં લાગી ગયા. બે વર્ષ પછી એટલે કે 2016માં અમરદીપે પણ પોતાની નોકરી છોડી દીધી. ત્યારથી બંને મળીને સાથે કામ કરી રહ્યા છીએ અને દર વર્ષે તેમને સારો ગ્રોથ પણ મળી રહ્યો છે.

ડિમાંડ વધી તો વરાઇટી અને પ્રોડક્શન બંને પર જોર આપવા લાગ્યા

અમરદીપની ટીમ કિચનના ઉપયોગની લગભગ તમામ ચીજ ઈકોફ્રેન્ડલી રીતે બનાવી રહી છે.
અમરદીપની ટીમ કિચનના ઉપયોગની લગભગ તમામ ચીજ ઈકોફ્રેન્ડલી રીતે બનાવી રહી છે.

અમરદીપ કહે છે, લોકોનો સારો રિસ્પોન્સ મળ્યો, અમે અમારી પ્રોડક્ટની વરાઈટી વધારી દીધી. પ્લેટ, કટોરી, મગ, ગ્લાસ સહિત 70થી વધુ વરાઈટીના પ્રોડક્ટ હાલ અમે બનાવી રહ્યા છે. પ્રોડક્શન માટે હવે તામિલનાડુની સાથે જ કર્ણાટકમાં પણ અમે કામ શરૂ કરી દીધું છે. ખાસ વાત એ છે કે અમે તેના માટે કોઈ પ્લાન્ટ કાપતા નથી, એટલે સુધી કે ઝાડનાં પાન પણ તોડતાં નથી. અમે માત્ર એ પાનનો ઉપયોગ કરીએ છીએ, જે સુકાયેલાં હોય છે અને ખુદ ઝાડ પરથી ખરી ગયાં હોય.

તેઓ કહે છે, ગત વર્ષે અને પછી આ વર્ષે કોરોનાને કારણે પ્રોડક્શન અને માર્કેટિંગ બંને પ્રભાવિત થયા. અમે જે ઝડપથી આગળ વધી રહ્યા હતા એના પર એક રીતે બ્રેક વાગી. જોકે સારી વાત એ છે કે સ્થિતિ ફરી બદલી રહી છે અને લોકો પણ ઈકોફ્રેન્ડલી ટ્રેન્ડ તરફ શિફ્ટ થઈ રહ્યા છે, એમાં જાગૃતિ વધી છે. માર્કેટિંગને લઈને અમરદીપ કહે છે કે શરૂઆતમાં તો અમે કેટરર્સ અને ઈવેન્ટ હોસ્ટવાળાઓને ટાર્ગેટ કર્યા. પછી સોશિયલ મીડિયાની મદદ લીધી. સતત પોસ્ટ અને અપડેટ કરવાનું શરૂ કર્યું. એનાથી સારો રિસ્પોન્સ મળ્યો. એની સાથે અમે ઈકોમર્સ પ્લેટફોર્મ પર આવી ગયા, ખુદની વેબસાઈટ દ્વારા માર્કેટિંગ શરૂ કર્યું.

એરિકાનાં પાનને કલેક્ટ કર્યા પછી એને પાણીમાં બરાબર ભીંજવવવામાં આવે છે. એ પછી એને તડકામાં સૂકવવામાં આવે છે.
એરિકાનાં પાનને કલેક્ટ કર્યા પછી એને પાણીમાં બરાબર ભીંજવવવામાં આવે છે. એ પછી એને તડકામાં સૂકવવામાં આવે છે.

હાલમાં તેઓ ઓનલાઈનની સાથે ઓફલાઈન પણ માર્કેટિંગ કરી રહ્યા છે. દેશનાં અનેક મોટાં શહેરોમાં તેમના રિટેલર્સ છે. તેઓ ભારતની સાથે જ અમેરિકા, કેનેડા, ઓસ્ટ્રેલિયા સહિત 18 દેશોમાં પોતાની પ્રોડક્ટની સપ્લાઈ કરી રહ્યા છે. દર મહિને તેમને સારીએવી સંખ્યામાં ઓર્ડર મળી રહ્યા છે. 140 લોકોને તેમણે રોજગારી પણ આપી છે.

કેવી રીતે તૈયાર કરે છે પ્રોડક્ટ?
અમરદીપ કહે છે, અમે પોતાની પ્રોડક્ટ બનાવવા માટે કોઈપણ પ્રકારના કેમિકલનો ઉપયોગ કરતા નથી. અમે માત્ર પાણીની મદદથી તમામ પ્રોડક્ટ બનાવીએ છીએ. સૌ પહેલા તેઓ કિસાનો પાસેથી સૂકાં પાન કલેક્ટ કરે છે. એ પછી પાણીથી તેની સફાઈ કરવામાં આવે છે. એ પછી થોડા સમય સુધી પાણીની અંદર રાખી દેવાય છે. જ્યારે સારી રીતે પાણીમાં મળી જાય તો તડકામાં સૂકવવામાં આવે છે.

એના પછી મશીનની મદદથી તેમને હીટ અને કમ્પ્રેસ કરવામાં આવે છે. મશીનમાં અલગ અલગ સાઈઝની પ્લેટ્સ્ લાગેલી હોય છે. એનાથી પ્રોસેસિંગ પછી પ્લેટ, કટોરી જેવી પ્રોડક્ટ બનીને તૈયાર થાય છે. એ પછી તેમનું પેકેજિંગ અને માર્કેટિંગનું કામ હોય છે. એમાં મહિલાઓની મોટી ભૂમિકા હોય છે. મોટા ભાગે પ્રોડક્શનનું કામ મહિલાઓ જ સંભાળે છે.

અમરદીપ પોતાના સ્ટાર્ટઅપથી મોટી સંખ્યામાં મહિલાઓને રોજગારી આપે છે. આ મહિલાઓ પ્લેટ બનાવવાથી લઈને પેકેજિંગનું કામ પણ કરે છે.
અમરદીપ પોતાના સ્ટાર્ટઅપથી મોટી સંખ્યામાં મહિલાઓને રોજગારી આપે છે. આ મહિલાઓ પ્લેટ બનાવવાથી લઈને પેકેજિંગનું કામ પણ કરે છે.

શું આપ પણ આ પ્રકારની પહેલ સાથે જોડાઈને કમાણી કરવા માગો છો?
ભારતમાં કર્ણાટક, કેરળ અને આસામમાં સૌથી વધુ એરિકા પામનું પ્રોડક્શન થાય છે. ત્યાં એરિકાના સૂકાં પાનનો અભાવ હોતો નથી. જો તમે આ રાજ્યોમાંથી છો અથવા એરિકાનાં પાનની વ્યવસ્થા તમે કરી શકો છો. જો તમારા માટે એરિકા પામનાં પાનને એકત્ર કરવા મુશ્કેલ હોય તોપણ પરેશાન થવાની કોઈ જરૂર નથી.

આજકાલ વાંસ, અનાજની પરાળ, શેરડીનો કચરો, બનાના વેસ્ટમાંથી પણ મોટી સંખ્યામાં ઈકોફ્રેન્ડલી હોમમેડ પ્રોડક્ટ તૈયાર કરવામાં આવે છે. અત્યારે તેની ડિમાંડ પણ છે અને ખર્ચ પણ એનાથી ઓછો છે. વિશાખાપટ્ટનમના રહેવાસી વિજયલક્ષ્મી છેલ્લાં બે વર્ષથી શેરડીના કચરામાંથી ઈકોફ્રેન્ડલી પ્રોડક્ટ્સ તૈયાર કરીને માર્કેટમાં સપ્લાય કરી રહી છે. દર મહિને 200થી વધુ ઓર્ડર તેમને મળી રહ્યા છે. અનેક મોટી હોટલમાં પણ તેમની પ્રોડક્ટ જાય છે.