• Home
  • Dvb Original
  • There is a hotspot of Rustampur Corona in Benaras, the only positive patient's family members go to feed him at the quarantine center, then the villagers rent

બમ્બઈથી બનારસ: 71 કલાકથી LIVE રિપોર્ટ / બનારસમાં રુસ્તમપુર કોરોનાનું હોટસ્પોટ છે, એકમાત્ર પોઝિટિવ દર્દીના પરિવારના લોકો તેને કવોરન્ટીન સેન્ટરમાં ખાવાનું આપવા જાય છે તો ગામવાળા ગાળો ભાંડે છે

There is a hotspot of Rustampur Corona in Benaras, the only positive patient's family members go to feed him at the quarantine center, then the villagers rent
X
There is a hotspot of Rustampur Corona in Benaras, the only positive patient's family members go to feed him at the quarantine center, then the villagers rent

  • ગામમાં 45 લોકો મુંબઇ અને અન્ય શહેરથી આવ્યા છે, 4 ગામની સરકારી સ્કૂલમાં અને બાકી હોમ કવોરન્ટીન છે
  • બનારસમાં 4640 લોકો ટ્રેનથી આવ્યા છે, તે સિવાય સૂચના વગર મોટી સંખ્યામાં લોકો ટ્રક, જીપ, ટેમ્પો અને રીક્ષામાં મુંબઇ, દિલ્હી અને ગુજરાતથી આવ્યા છે

દિવ્ય ભાસ્કર

May 20, 2020, 04:41 PM IST

વિનોદ યાદવ અને મનીષ ભલ્લા.

ભાસ્કરના પત્રકારો બંબઈથી બનારસની સફરે નિકળ્યા છે. આજ માર્ગો પરથી લાખો લોકો પોત-પોતાના ગામડે જવા નિકળ્યા છે. ઉઘાડા પગે, પગપાળા, સાઈકલ, ટ્રકોમાં અને ગાડીઓ ભરીને લોકો નિકળી પડ્યા છે. કોઈપણ સ્થિતિમાં તેઓ ઘરે જવા માંગે છે, મુશ્કેલીના સમયમાં દરેક ઘરે જવાજ ઈચ્છે છે. અમે આજ માર્ગોની જીવતી કહાનીઓ તમારા સુધી લાવી રહ્યા છીએ. વાંચતા રહો....14મી સ્ટોરી, વારાણસીના કોરોના હોટ સ્પોટ રૂસ્તમપુરથી:
બનારસથી આઠ કિલોમીટર દૂર વારાણસી સદર તહસીલનું રૂસ્તમપુર ગામ કોરોનાનું એક હોટસ્પોટ બની ગયું છે. આ ગામના પ્રધાન રામમૂરત યાદવ કહે છે કે તેમના ગામના મુંબઈના રાજેશ ગુપ્તાનો રિપોર્ટ પોઝિટિવ આવ્યો છે. ગામના લોકો તેના પરિવાર સાથે ખૂબ જ ખરાબ વર્તન કરી રહ્યા છે. જ્યારે ઘરના સભ્યો તેને દૂરથી ખવડાવવા આવે છે ત્યારે લોકો તેને અપશબ્દો કહે છે.

રુસ્ટમપુર ગામના પ્રધાન કહે છે કે, 45 લોકો મુંબઇ અને અન્ય શહેરથી આવ્યા છે, 4 ગામની સરકારી સ્કૂલમાં અને બાકી હોમ કવોરન્ટીન છે.
રુસ્ટમપુર ગામના પ્રધાન કહે છે કે, 45 લોકો મુંબઇ અને અન્ય શહેરથી આવ્યા છે, 4 ગામની સરકારી સ્કૂલમાં અને બાકી હોમ કવોરન્ટીન છે.

સરકારી શાળામાં કવોરન્ટીન થયેલો નથુ યાદવ વિરારમાં વડાપાવ વેચતો હતો. દરરોજ આશરે 4-5 હજાર રૂપિયાનો ધંધો થતો હતો અને લગભગ હજાર રૂપિયા ખર્ચ કાઢીને બાકીના બચાવી લેતો હતો. તેમની દુકાન ચલાવવામાં મદદ કરનારા બે છોકરાઓ સૂરજ અને હેરુ યાદવ પણ સ્કૂલમાં કવોરન્ટીન છે. તેઓ વિરારથી સારનાથ એક જીપમાં આવ્યા છે. તેની ફરિયાદ છે કે  અમે અમારા ભાગ પર સંપૂર્ણ કાળજી લઈ રહ્યા છીએ તેમ છતાં ગામવાળા તેમની સાથે અસ્પૃશ્યોની જેમ વર્તે છે.

નાથુ યાદવ અને તેની સાથે આવેલા બે છોકરાઓના ટેસ્ટ રિપોર્ટ્સ આવવાના બાકી છે. પરંતુ આ લોકો જ્યાં કવોરન્ટીન છે તેની બાજુના રૂમમાં જ રાજેશ ગુપ્તાના રિપોર્ટ પોઝિટિવ આવ્યો હોવાથી તે ચિંતિત છે.વિલે પાર્લેમાં રહેતા વિશાલકુમાર પ્રજાપતિ પણ અહીં કવોરન્ટીન છે. તે મુંબઇમાં વેલ્ડીંગનું કામ કરતા હતા અને 20 હજાર રૂપિયા પગાર મેળવતા હતા. વિશાલ મુંબઇથી સાડા ત્રણ હજાર રૂપિયા આપીને ટ્રકમાં સારનાથ પહોંચ્યા હતા. તેમનો રિપોર્ટ નેગેટિવ આવ્યો છે. તેમને કવોરન્ટીન થઈને લગભગ નવ દિવસ થયા છે.

મુંબઈથી પરત ફરેલા મોટાભાગના પરિવારો હોમ કવોરન્ટીન છે.
મુંબઈથી પરત ફરેલા મોટાભાગના પરિવારો હોમ કવોરન્ટીન છે.

વારાણસીમાં 4640 લોકો ટ્રેનમાં આવ્યા, બાકીના ટ્રક, ટેમ્પો, જીપ અને ઓટોમાં આવ્યા
વારાણસી સદરના એસડીએમ મહેન્દ્ર શ્રીવાસ્તવ અનુસાર, બનારસમાં અત્યાર સુધીમાં 4640 લોકો ટ્રેનથી આવ્યા છે. તે સિવાય ટ્રક, ટેમ્પો, જીપ અને રીક્ષાથી પણ લોકો મોટી સંખ્યામાં મુંબઇ, દિલ્હી અને ગુજરાતથી આવ્યા છે. બધાની ઓળખાણ કરીને તેમની મેડિકલ તપાસ કરવામાં આવી રહી છે. રૂસ્તમપુર ગામમાં પોઝિટિવ કેસ મળ્યો છે, તેથી તેને કવોરન્ટીન કરવામાં આવ્યું છે. જે સ્કૂલમાં મજૂરને કવોરન્ટીન કરવામાં આવ્યો હતો તેને સીલ કરવામાં આવ્યું છે. તે સાથે પોઝિટિવ મળનાર તે વ્યક્તિની પત્ની માધુરી ગુપ્તા અને અન્ય સદસ્યની પણ તપાસ કરવામાં આવશે.

મને બસ એ કહો કે મુંબઇ ક્યારે ખુલશે
ગામ રુસ્તમપુર સંતોષ મૌર્ય તેમના ઘરે કવોરન્ટીન છે. તે એકલા એકાંત રૂમમાં દૂરથી અમારી સાથે વાત કરી રહ્યો છે. તેને એક જ ચિંતા છે: 'મુંબઈ ક્યારે ખુલશે, ખુલશે કે નહીં, ગામમાં 5 રૂપિયાનું કામ નથી, હું ત્યાં દરરોજ 500 કમાતો હતો.' મૌર્ય 1996માં મુંબઇ ગયા હતા.

સંતોષને બાળકોને પ્રાઇવેટ શાળામાં ભણાવવાનો ખૂબ શોખ હતો. તે કહે છે કે 'જો હું બોમ્બે ન જઉં, તો પછી બાળકો ભણાવી શકશે નહીં, કારણ કે અહીં મારી પાસે ખવડાવવાના પણ પૈસા નથી.'

સંતોષ મોર્યા પાસે જમીન પણ નથી. તે છેલ્લા 6 દિવસથી ઘરમાં છે. મુંબઇમાં નાલાસોપારામાં ટેલરિંગનું કામ કરે છે.
સંતોષ મોર્યા પાસે જમીન પણ નથી. તે છેલ્લા 6 દિવસથી ઘરમાં છે. મુંબઇમાં નાલાસોપારામાં ટેલરિંગનું કામ કરે છે.

સંતોષના જણાવ્યા મુજબ, રાશ્કાર્ડ પર ત્રણ લોકોને ઘઉં અને ભાત મળે છે, પરંતુ આ સિવાય પણ ખાવા માટે અન્ય વસ્તુઓની જરૂર હોય છે. મસાલા, શાકભાજી, દૂધ, બાળકોની ફી, દવા, વગેરે. સંતોષના પાંચ બાળકો છે અને તે ગામની એસએસબી ઇન્ટર મેડિએટ કોલેજની શાળામાં અભ્યાસ કરે છે. પાંચેયની ફી 250-250 રૂપિયા છે.સંતોષની પત્ની બિમલા દેવી કહે છે કે ઘર તેમના પૈસાથી જ ચાલે છે. હવે તેઓ ખાલી બેઠા છે. બિમલાના કહેવા મુજબ આ લોકો ઉધાર પૈસા લેવાનું વિચારી રહ્યા હતા પરંતુ વ્યાજની ચુકવણી કરી શકે તેમ નથી, તેથી લીધા નહીં. બિમલા કહે છે કે અમને વ્યાજ પર પૈસા નહીં મળે કારણ કે લોકો જાણે છે કે અમે કંઈપણ પૈસા પરત કરવાની પરિસ્થિતિમાં નથી.

ખેતી અને પશુ સિવાય ગામમાં આજીવિકાના વધુ સાધનો નથી.
ખેતી અને પશુ સિવાય ગામમાં આજીવિકાના વધુ સાધનો નથી.

બિમલા કહે છે, 'ગામમાં પહેલાં કશું નહોતું, તેથી જ બોમ્બે ગયા હતા. બધી આવક ત્યાંથી જ હતી. બિમલાને ચિંતા છે કે હવે તેના બાળકો પ્રાઇવેટ સ્કૂલમાં ભણી શકશે નહિ. તે કહે છે કે જો સ્કૂલ ચાલુ થાય તો પણ તેમની પાસે બાળકોની ફી ભરવા માટે પૈસા નથી.

Next Stories

    ની  સંપૂર્ણ વાંચનસામગ્રી