ભાસ્કર ઓપિનિયન:દેશના યુવાનો આગ છે, આ આગ સાથે રમત રમશો નહીં

નવી દિલ્હી15 દિવસ પહેલાલેખક: નવનીત ગુર્જર
  • કૉપી લિંક
  • પાંચ દિવસ પછી સરકારે રાહતો અને સુવિધાઓ જાહેર કરી છે.
  • જો અગાઉ આ કરાયું હોત તો આટલી આગચંપી- તોડફોડથી દેશને બચાવી શકાયો હોત.
  • ખેડૂતોના બિલ મુદ્દે પણ સરકારે આવું જ કર્યું હતું.

અગ્નિપથ યોજના. છેલ્લા એક અઠવાડિયાથી, તેની માત્ર બે બાજુ રહી. પ્રથમ ભઠ્ઠી. બીજી આગ. ભઠ્ઠી આખો દેશ હતો… અને આગ દેશના યુવા. તે સાચું છે, જો વિશ્વના કોઈપણ ખૂણામાં અન્યાયને જોઈને જેનું લોહી ન ઉકળી ઊઠે, તો તે કેવો યુવા? કેવો જવાન?

આ જ કારણ છે કે સેનાની કાયમી નોકરીનો માર્ગ લગભગ બંધ કરીને ચાર વર્ષની નો-રેન્ક, નો-પેન્શન યોજના લાવવામાં આવી છે. જેથી યુવાનો ઉશ્કેરાયા હતા. પાંચ દિવસ પછી પણ સરકારે હવે ઘણા સુધારા સૂચવ્યા છે, જે યોગ્ય પણ છે. ઉદાહરણ તરીકે, ચાર વર્ષ સેનામાં સેવા આપ્યા પછી, ગૃહ અને સંરક્ષણ મંત્રાલયમાં તમામ નોકરીઓમાં અગ્નિવીરોને 10% અનામત. કોઈ વેપાર-ધંધો શરૂ કરવા માટે તાત્કાલિક લોનની સુવિધા. ટેકનિકલ સહાય વગેરે.

સાડા સત્તરથી 21 વર્ષની વચ્ચેનો યુવા ચાર વર્ષમાં કુલ પચ્ચીસ લાખ રૂપિયા લઈને નીકળશે. તે પછી આગળ અભ્યાસ કરે કે કોઈ ધંધો કરે. તેની પાસે પૂરતા રૂપિયા પણ હશે અને ઉંમર પણ હશે. સેનાનું શિસ્ત અને દેશભક્તિના પાઠ તો સાથે હશે જ. આ જ કારણ છે કે રવિવારે પ્રદર્શનોમાં નોંધપાત્ર ઘટાડો થયો છે. આ દરમિયાન, એરફોર્સે ભરતી માટેની ગાઈડલાઈન જાહેર કરી છે. આર્મીમાં પણ ટૂંક સમયમાં ભરતી શરૂ કરવામાં આવશે અને શાંતિ પ્રવર્તશે.

કોંગ્રેસ અને બાકીના વિપક્ષો હવે જાગ્યા છે. પ્રિયંકા ગાંધીનું કહેવું છે કે કેન્દ્ર સરકાર નકલી રાષ્ટ્રવાદી બનાવવા પર તત્પર છે. હવે સેનાની નોકરીમાં નકલી રાષ્ટ્રવાદ ક્યાંથી આવી ગયો? થોડા દિવસોના હળવા નિવેદવબાજીથી આ મામલો સુધરવાનો નથી. તેથી હાલના વિપક્ષે તેમાં પડવું જોઈએ નહીં. આમેય ઓશોએ કહ્યું છે - જેઓ લાંબો સમય સુધી ક્રાંતિકારી રહી ન શકે, તેઓએ ક્રાંતિની ઝંઝટમાં પડવું પણ ન જોઈએ.

જ્યાં સુધી સરકારનો સવાલ છે, તેણે પાંચ દિવસ પછી જે રાહતો અને સુવિધાઓ જાહેર કરી છે તે જો અગાઉ કરવામાં આવી હોત તો આટલી આગચંપી અને તોડફોડથી દેશને બચાવી શકાયો હોત, પરંતુ સરકાર હંમેશા જીદના રથ પર સવાર રહે છે. ખેડૂતોના બિલ મુદ્દે પણ તેણે આવું જ કર્યું હતું અને હવે ફરી યુવાનોની બાબતમાં એ જ વલણ! શા માટે? સરકારના નિર્ણયો હોય કે વિપક્ષની નિવેદનબાજી, તેમણે દરેક સ્થિતિમાં સંયમ રાખવો જોઈએ.

દેશનું યુવાધન આપણી મૂડી છે. તેમાં એક તેજ પણ છે અને આગ પણ છે. કૃપા કરીને આ આગ સાથે રમવાનું બંધ કરો. અગ્નિવીરો માટે આ નોકરી એક સુવર્ણ તક હોઈ શકે છે, પરંતુ નિષ્ણાતોનું કહેવું પણ સાચું છે કે આનાથી સેનાને ઘણું નુકસાન થવાનું છે. ચાર વર્ષ માટે સેનામાં ભરતી થતા જવાનોને કારણે રેજિમેન્ટલ સિસ્ટમમાં ગડબડી થશે. તો પછી શા માટે તે રેગ્યુલર જવાનની જેમ પોતાનો જીવ કેમ લડાવશે? કારણ કે તેમણે તો ઘરે જઈને ડેરી ખોલવી પડશે. નવા અને જૂનાની વચ્ચેના મતભેદ તો હશે જ.

અન્ય સમાચારો પણ છે...